https://arm.sputniknews.ru/20241211/libanani-agnn-datapartel-e-gvolani-bardzunqneri-siriakan-hatvatsi-gravumy-israjeli-kvoghmic-83831756.html
Լիբանանի ԱԳՆ–ն դատապարտել է Գոլանի բարձունքների սիրիական հատվածի գրավումը Իսրայելի կողմից
Լիբանանի ԱԳՆ–ն դատապարտել է Գոլանի բարձունքների սիրիական հատվածի գրավումը Իսրայելի կողմից
Sputnik Արմենիա
Լիբանանի ԱԳՆ–ն միջազգային հանրությանը կոչ է արել դատապարտել Իսրայելի գործողությունները և վերջ դնել դրանց՝ ճնշում գործադրելով Թել Ավիվի վրա։ 11.12.2024, Sputnik Արմենիա
2024-12-11T13:42+0400
2024-12-11T13:42+0400
2024-12-11T14:43+0400
սիրիա
լիբանան
գոլանի բարձունքներ
արտաքին գործերի նախարարություն (ագն)
բենիամին նեթանյահու
իսրայել
https://cdn.am.sputniknews.ru/img/07e8/0c/09/83768324_0:161:3071:1888_1920x0_80_0_0_c8549c5c9f0d6e98e09ca291ecd81aba.jpg
ԵՐԵՎԱՆ, 11 դեկտեմբերի – Sputnik. Լիբանանը դատապարտել է Իսրայելի գործողությունները՝ կապված Գոլանի բարձունքներում և հարակից սիրիական տարածքներում Սիրիայի հետ սահմանին չեզոք գոտու գրավման հետ։Դամասկոսից 20 կմ–ի վրա իսրայելական տանկեր են նկատվել. ԶԼՄԼիբանանի ԱԳՆ–ի այսօր հրապարակած հայտարարության մեջ ընդգծվում է, որ նման գործողությունները հերթական ագրեսիան են Սիրիայի ինքնիշխանության դեմ և խախտում են միջազգային իրավունքը այդ երկրի համար դժվարին ժամանակահատվածում։Ավելի վաղ Իսրայելի վարչապետ Բենիամին Նեթանյահուն հայտարարել էր, որ Գոլանի բարձունքներն ընդմիշտ կմնան Իսրայելի «անբաժանելի մասը»: Միևնույն ժամանակ Իսրայելի բանակը հատել է Սիրիայի հետ սահմանը և գրավել Գոլանի բարձունքների սիրիական Կունեյտրա նահանգում գտնվող և չեզոք գոտի հանդիսացող տարածքի մի մասը:ՄԱԿ-ում ՌԴ մշտական ներկայացուցիչ Վասիլի Նեբենզյան նշել է, որ Գոլանի բարձունքների կարգավիճակի վերաբերյալ Իսրայելի հայտարարությունները շարունակում են հակասական մնալ։ Նա ընդգծել է, որ անհասկանալի է, թե այդ տարածքի որ հատվածն է Իսրայելը համարում իրենը։Եգիպտոսը դատապարտում է Իսրայելի կողմից Գոլանի բարձունքների չեզոք գոտու գրավումըՀիշեցնենք, որ մինչև 1967 թվականը Գոլանի բարձունքները Սիրիայի մաս էին կազմում, սակայն վեցօրյա պատերազմի ժամանակ գրավվեցին Իսրայելի կողմից։ 1973 թվականի Ահեղ դատաստանի պատերազմից հետո կողմերը համաձայնություն կնքեցին զորքերի բաժանման մասին, իսկ 1974 թվականին Գոլանում տեղակայվեցին ՄԱԿ-ի խաղաղապահները։ Սահմանազատման գիծը ստացավ «Բրավո» (սիրիական կողմից) և «Ալֆա» (իսրայելական կողմից) անվանումները։Չեզոք գոտին նվաճելուց հետո Բենիամին Նեթանյահուն հայտարարել է, որ Գոլանի բարձունքներում Սիրիայի հետ ուժերի անջատման մասին համաձայնությունը, որը ձեռք էր բերվել 1973 թվականի Ահեղ դատաստանի պատերազմից անմիջապես հետո, ուժը կորցրել է, քանի որ սիրիացի զինվորականները լքել են իրենց դիրքերը:
սիրիա
լիբանան
գոլանի բարձունքներ
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սիրիա, լիբանան, գոլանի բարձունքներ, արտաքին գործերի նախարարություն (ագն), բենիամին նեթանյահու, իսրայել
սիրիա, լիբանան, գոլանի բարձունքներ, արտաքին գործերի նախարարություն (ագն), բենիամին նեթանյահու, իսրայել
Լիբանանի ԱԳՆ–ն դատապարտել է Գոլանի բարձունքների սիրիական հատվածի գրավումը Իսրայելի կողմից
13:42 11.12.2024 (Թարմացված է: 14:43 11.12.2024) Լիբանանի ԱԳՆ–ն միջազգային հանրությանը կոչ է արել դատապարտել Իսրայելի գործողությունները և վերջ դնել դրանց՝ ճնշում գործադրելով Թել Ավիվի վրա։
ԵՐԵՎԱՆ, 11 դեկտեմբերի – Sputnik. Լիբանանը դատապարտել է Իսրայելի գործողությունները՝ կապված Գոլանի բարձունքներում և հարակից սիրիական տարածքներում Սիրիայի հետ սահմանին չեզոք գոտու գրավման հետ։
Լիբանանի ԱԳՆ–ի այսօր հրապարակած հայտարարության մեջ ընդգծվում է, որ նման գործողությունները հերթական ագրեսիան են Սիրիայի ինքնիշխանության դեմ և խախտում են միջազգային իրավունքը այդ երկրի համար դժվարին ժամանակահատվածում։
Լիբանանի ԱԳՆ–ն միջազգային հանրությանը կոչ է արել դատապարտել Իսրայելի գործողությունները և վերջ դնել դրանց՝ ճնշում գործադրելով Թել Ավիվի վրա։
Ավելի վաղ Իսրայելի վարչապետ Բենիամին Նեթանյահուն հայտարարել էր, որ Գոլանի բարձունքներն ընդմիշտ կմնան Իսրայելի «անբաժանելի մասը»: Միևնույն ժամանակ Իսրայելի բանակը հատել է Սիրիայի հետ սահմանը և գրավել Գոլանի բարձունքների սիրիական Կունեյտրա նահանգում գտնվող և չեզոք գոտի հանդիսացող տարածքի մի մասը:
ՄԱԿ-ում ՌԴ մշտական ներկայացուցիչ Վասիլի Նեբենզյան նշել է, որ Գոլանի բարձունքների կարգավիճակի վերաբերյալ Իսրայելի հայտարարությունները շարունակում են հակասական մնալ։ Նա ընդգծել է, որ անհասկանալի է, թե այդ տարածքի որ հատվածն է Իսրայելը համարում իրենը։
Հիշեցնենք, որ մինչև 1967 թվականը Գոլանի բարձունքները Սիրիայի մաս էին կազմում, սակայն վեցօրյա պատերազմի ժամանակ գրավվեցին Իսրայելի կողմից։ 1973 թվականի Ահեղ դատաստանի պատերազմից հետո կողմերը համաձայնություն կնքեցին զորքերի բաժանման մասին, իսկ 1974 թվականին Գոլանում տեղակայվեցին ՄԱԿ-ի խաղաղապահները։ Սահմանազատման գիծը ստացավ «Բրավո» (սիրիական կողմից) և «Ալֆա» (իսրայելական կողմից) անվանումները։
Չեզոք գոտին նվաճելուց հետո Բենիամին Նեթանյահուն հայտարարել է, որ Գոլանի բարձունքներում Սիրիայի հետ ուժերի անջատման մասին համաձայնությունը, որը ձեռք էր բերվել 1973 թվականի Ահեղ դատաստանի պատերազմից անմիջապես հետո, ուժը կորցրել է, քանի որ սիրիացի զինվորականները լքել են իրենց դիրքերը:
