https://arm.sputniknews.ru/20241127/israjeli-ev-libanani-mijev-hradadarn-uzhi-mej-e-mtel-83411180.html
Իսրայելի և Լիբանանի միջև հրադադարն ուժի մեջ է մտել
Իսրայելի և Լիբանանի միջև հրադադարն ուժի մեջ է մտել
Sputnik Արմենիա
Հարավային Լիբանանի բնակիչներն աստիճանաբար վերադառնում են իրենց տները։ Սոցցանցերում դա հավաստող կադրեր են հայտնվել։ 27.11.2024, Sputnik Արմենիա
2024-11-27T10:20+0400
2024-11-27T10:20+0400
2024-11-27T16:09+0400
լիբանան
իսրայել
հրադադար
հզբոլլահ
https://cdn.am.sputniknews.ru/img/07e8/0a/08/81586878_0:160:3072:1888_1920x0_80_0_0_0fdd69672d9f19510517fca1143d785c.jpg
ԵՐԵՎԱՆ, 27 նոյեմբերի – Sputnik. Իսրայելի և Լիբանանի միջև հրադադարը, որը նոյեմբերի 26–ի երեկոյան հաստատվել է Իսրայելի ռազմաքաղաքական կաբինետի կողմից, ուժի մեջ է մտել այսօր տեղական ժամանակով առավոտյան ժամը 04:00-ից (Երևանի ժամանակով առավոտյան ժամը 6-ին): Որպես միջնորդ հանդես է եկել Ֆրանսիան։Նշենք, որ գիշերվա ընթացքում Իսրայելը հրթիռակոծել է Բեյրութը։Սակայն վերջին ժամերին ո՛չ Իսրայելից, ո՛չ էլ Լիբանանից գրոհների մասին տեղեկություններ չեն ստացվել:Համաձայնագով Լիբանանի հարավում զենք կարող են կրել կամ ԶՈւ տեղակայել միայն այդ երկրի անվտանգության ուժերն ու բանակը։ Զենք արտադրող ապօրինի ձեռնարկությունները կփակվեն։Բեյրութը 5000 զինվորական կուղարկի լիբանանա–իսրայելական սահման. ԱԳ նախարարի պաշտոնակատարԼիբանանը պետական անվտանգության ուժեր և բանակ կտեղակայի բոլոր սահմանների, անցակետերի և հարավային շրջանը երկրի մնացած հատվածից բաժանող գծի երկայնքով:ՑԱԽԱԼը հայտարարել է, որ հրադադարից հետո իսրայելական բանակը կմնա իր դիրքերում։ Համաձայնագրի պայմանների համաձայն՝ Թել Ավիվը 60 օր ունի զորքերը դուրս բերելու համար։ Եթե «Հզբոլլահը» խախտի համաձայնագրի կանոնները, Իսրայելն իրեն վերապահում է այսպես կոչված ինքնապաշտպանության իրավունք։Լիբանանի բնակիչներն արդեն սկսել են վերադառնալ իրենց տները. հակամարտության մեկնարկից ի վեր տասնյակ հազարավոր մարդիկ լքել էին հանրապետության հարավը։ Երկրի այս շրջանը վերահսկողության տակ կվերցնեն Լիբանանի զինվորականները, իսկ «Հզբոլլահի» ուժերը հետ կքաշվեն իսրայելական սահմանից 20-30 կիլոմետր դեպի հյուսիս։Նշենք, որ նոյեմբերի 26–ի երեկոյան Իսրայելի ռազմաքաղաքական կաբինետը ձայների բացարձակ մեծամասնությամբ հաստատեց Լիբանանի հետ հրադադարի մասին համաձայնագիրը։ Հաստատումից առաջ Իսրայելի վարչապետ Բենիամին Նեթանյահուն դիմել է ժողովրդին, որի ընթացքում բացատրել է հյուսիսային ճակատում հրադադարի անհրաժեշտությունը՝ ընդգծելով, որ լիբանանյան «Հզբոլլահ» շարժման կողմից հրադադարի ցանկացած խախտման դեպքում Իսրայելը կպատասխանի և կվերսկսի ռազմական գործողությունները։Լիբանանում հրադադար պետք է հաստատվի առանց որևէ պայմանի. Եգիպտոսի ԱԳՆ
լիբանան
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լիբանան, իսրայել, հրադադար, հզբոլլահ
լիբանան, իսրայել, հրադադար, հզբոլլահ
Իսրայելի և Լիբանանի միջև հրադադարն ուժի մեջ է մտել
10:20 27.11.2024 (Թարմացված է: 16:09 27.11.2024) Հարավային Լիբանանի բնակիչներն աստիճանաբար վերադառնում են իրենց տները։ Սոցցանցերում դա հավաստող կադրեր են հայտնվել։
ԵՐԵՎԱՆ, 27 նոյեմբերի – Sputnik. Իսրայելի և Լիբանանի միջև
հրադադարը, որը նոյեմբերի 26–ի երեկոյան հաստատվել է Իսրայելի ռազմաքաղաքական կաբինետի կողմից, ուժի մեջ է մտել այսօր տեղական ժամանակով առավոտյան ժամը 04:00-ից (Երևանի ժամանակով առավոտյան ժամը 6-ին): Որպես միջնորդ հանդես է եկել Ֆրանսիան։
Նշենք, որ գիշերվա ընթացքում Իսրայելը հրթիռակոծել է Բեյրութը։
Սակայն վերջին ժամերին ո՛չ Իսրայելից, ո՛չ էլ Լիբանանից գրոհների մասին տեղեկություններ չեն ստացվել:
Համաձայնագով Լիբանանի հարավում զենք կարող են կրել կամ ԶՈւ տեղակայել միայն այդ երկրի անվտանգության ուժերն ու բանակը։ Զենք արտադրող ապօրինի ձեռնարկությունները կփակվեն։
Լիբանանը պետական անվտանգության ուժեր և բանակ կտեղակայի բոլոր սահմանների, անցակետերի և հարավային շրջանը երկրի մնացած հատվածից բաժանող գծի երկայնքով:
ՑԱԽԱԼը հայտարարել է, որ հրադադարից հետո իսրայելական բանակը կմնա իր դիրքերում։ Համաձայնագրի պայմանների համաձայն՝ Թել Ավիվը 60 օր ունի զորքերը դուրս բերելու համար։ Եթե «Հզբոլլահը» խախտի համաձայնագրի կանոնները, Իսրայելն իրեն վերապահում է այսպես կոչված ինքնապաշտպանության իրավունք։
Լիբանանի բնակիչներն արդեն սկսել են վերադառնալ իրենց տները. հակամարտության մեկնարկից ի վեր տասնյակ հազարավոր մարդիկ լքել էին հանրապետության հարավը։ Երկրի այս շրջանը վերահսկողության տակ կվերցնեն Լիբանանի զինվորականները, իսկ «Հզբոլլահի» ուժերը հետ կքաշվեն իսրայելական սահմանից 20-30 կիլոմետր դեպի հյուսիս։
Նշենք, որ նոյեմբերի 26–ի երեկոյան Իսրայելի ռազմաքաղաքական կաբինետը ձայների բացարձակ մեծամասնությամբ
հաստատեց Լիբանանի հետ հրադադարի մասին համաձայնագիրը։ Հաստատումից առաջ Իսրայելի վարչապետ Բենիամին Նեթանյահուն դիմել է ժողովրդին, որի ընթացքում բացատրել է հյուսիսային ճակատում հրադադարի անհրաժեշտությունը՝ ընդգծելով, որ լիբանանյան «Հզբոլլահ» շարժման կողմից հրադադարի ցանկացած խախտման դեպքում Իսրայելը կպատասխանի և կվերսկսի ռազմական գործողությունները։
