https://arm.sputniknews.ru/20241125/libananum-hradadar-petq-e-hastatvi-aranc-voreve-pajmani-egiptvosi-agn-83349213.html
Լիբանանում հրադադար պետք է հաստատվի առանց որևէ պայմանի. Եգիպտոսի ԱԳՆ
Լիբանանում հրադադար պետք է հաստատվի առանց որևէ պայմանի. Եգիպտոսի ԱԳՆ
Sputnik Արմենիա
Ավելի վաղ ԶԼՄ-ները հայտնել էին, որ Իսրայելը նախապես հավանություն է տվել «Հզբոլլահ» շարժման հետ Լիբանանում հրադադարի վերաբերյալ առաջարկված համաձայնագրին: 25.11.2024, Sputnik Արմենիա
2024-11-25T14:11+0400
2024-11-25T14:11+0400
2024-11-25T14:35+0400
լիբանան
եգիպտոս
գազայի հատված
իսրայել
https://cdn.am.sputniknews.ru/img/07e8/0a/07/81533981_0:160:3072:1888_1920x0_80_0_0_e5e668af15e09abacc7d30680bb8a2b0.jpg
ԵՐԵՎԱՆ, 25 նոյեմբերի – Sputnik. Գազայի հատվածում և Լիբանանում հրադադար պետք է հաստատվի առանց որևէ պայմանի։ Այս մասին ՌԻԱ Նովոստիին ասել է Եգիպտոսի արտգործնախարար Բադր Աբդել Աթին:Նոյեմբերի 24-ին «Ynet» կայքը, հղում անելով իսրայելական, ամերիկյան և լիբանանյան աղբյուրներին, հայտնել էր, որ Իսրայելը նախնական հավանություն է տվել «Հզբոլլահ» շարժման հետ Լիբանանում հրադադարի համաձայնագրին, որը հիմա պետք է կառավարության վերջնական հավանությունը ստանա։Հիշեցնենք` Իսրայելը հոկտեմբերի 1-ից Լիբանանի հարավում ցամաքային գործողություն է իրականացնում «Հզբոլլահի» ուժերի դեմ և շարունակում հրթիռակոծել հարևան երկիրը, որտեղ արդեն ավելի քան 2 հազար մարդ է զոհվել, ավելի քան մեկ միլիոն անձ փախստական է դարձել: Չնայած կորուստներին (այդ թվում՝ հրամանատարական կազմում)` «Հզբոլլահը» ցամաքային մարտեր է մղում և չի դադարեցնում Իսրայելի տարածքի հրթիռակոծումը:Իսրայելը նշում է, որ ռազմական արշավի գլխավոր նպատակն է պայմաններ ստեղծել հյուսիսի 60 հազար բնակիչների վերադարձի համար, որոնք մեկ տարի առաջ տարհանվել են «Հզբոլլահի» կողմից պաղեստինյան ՀԱՄԱՍ շարժմանն աջակցելու համար սկսված գնդակոծությունների պատճառով:Իրավիճակը կրկին սրվեց սեպտեմբերի 17-ին և 18-ին Լիբանանի տարբեր շրջաններում կապի միջոցների զանգվածային պայթյուններից հետո, որոնց հետևանքով տասնյակ մարդիկ մահացան, շուրջ 3 հազար քաղաքացիներ վիրավորվեցին: Ավելի ուշ իսրայելական ավիացիան հարվածեց Բեյրութի հարավային արվարձանում գտնվող բնակելի շենքին, ինչի հետևանքով մահացավ ավելի քան 50 մարդ, այդ թվում՝ «Հզբոլլահի» հատուկ գործողությունների ուժերի հրամանատար Իբրահիմ Աքիլը:
լիբանան
եգիպտոս
գազայի հատված
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լիբանան, եգիպտոս, գազայի հատված, իսրայել
լիբանան, եգիպտոս, գազայի հատված, իսրայել
Լիբանանում հրադադար պետք է հաստատվի առանց որևէ պայմանի. Եգիպտոսի ԱԳՆ
14:11 25.11.2024 (Թարմացված է: 14:35 25.11.2024) Ավելի վաղ ԶԼՄ-ները հայտնել էին, որ Իսրայելը նախապես հավանություն է տվել «Հզբոլլահ» շարժման հետ Լիբանանում հրադադարի վերաբերյալ առաջարկված համաձայնագրին:
ԵՐԵՎԱՆ, 25 նոյեմբերի – Sputnik. Գազայի հատվածում և Լիբանանում հրադադար պետք է հաստատվի առանց որևէ պայմանի։ Այս մասին
ՌԻԱ Նովոստիին ասել է Եգիպտոսի արտգործնախարար Բադր Աբդել Աթին:
«Մենք բոլոր ջանքերը գործադրում ենք, որպեսզի Գազայում ու Լիբանանում հրադադարի հասնենք, բայց, ինչպես գիտեք, մեզ անհրաժեշտ է մյուս կողմի քաղաքական կամքը․․․ Հրադադարը պետք է հաստատվի առանց որևէ պայմանի»,-ասել է նա:
Նոյեմբերի 24-ին «Ynet» կայքը, հղում անելով իսրայելական, ամերիկյան և լիբանանյան աղբյուրներին, հայտնել էր, որ Իսրայելը նախնական հավանություն է տվել «Հզբոլլահ» շարժման հետ Լիբանանում հրադադարի համաձայնագրին, որը հիմա պետք է կառավարության վերջնական հավանությունը ստանա։
Հիշեցնենք` Իսրայելը հոկտեմբերի 1-ից Լիբանանի հարավում ցամաքային գործողություն է իրականացնում «Հզբոլլահի» ուժերի դեմ և շարունակում հրթիռակոծել հարևան երկիրը, որտեղ արդեն ավելի քան 2 հազար մարդ է զոհվել, ավելի քան մեկ միլիոն անձ փախստական է դարձել: Չնայած կորուստներին (այդ թվում՝ հրամանատարական կազմում)` «Հզբոլլահը» ցամաքային մարտեր է մղում և չի դադարեցնում Իսրայելի տարածքի հրթիռակոծումը:
Իսրայելը նշում է, որ ռազմական արշավի գլխավոր նպատակն է պայմաններ ստեղծել հյուսիսի 60 հազար բնակիչների վերադարձի համար, որոնք մեկ տարի առաջ տարհանվել են «Հզբոլլահի» կողմից պաղեստինյան ՀԱՄԱՍ շարժմանն աջակցելու համար սկսված գնդակոծությունների պատճառով:
Իրավիճակը կրկին սրվեց սեպտեմբերի 17-ին և 18-ին Լիբանանի տարբեր շրջաններում կապի միջոցների զանգվածային
պայթյուններից հետո, որոնց հետևանքով տասնյակ մարդիկ մահացան, շուրջ 3 հազար քաղաքացիներ վիրավորվեցին: Ավելի ուշ իսրայելական ավիացիան հարվածեց Բեյրութի հարավային արվարձանում գտնվող բնակելի շենքին, ինչի հետևանքով մահացավ ավելի քան 50 մարդ, այդ թվում՝ «Հզբոլլահի» հատուկ գործողությունների ուժերի հրամանատար Իբրահիմ Աքիլը:
