https://arm.sputniknews.ru/20241014/zintsarajvogh-aghasi-dallaqjani-mahvan-depqvov-qreakan-varujt-e-nakhadzernvel--81826743.html

Զինծառայող Աղասի Դալլաքյանի մահվան դեպքով քրեական վարույթ է նախաձեռնվել

Զինծառայող Աղասի Դալլաքյանի մահվան դեպքով քրեական վարույթ է նախաձեռնվել

Sputnik Արմենիա

Իրականացվել է դեպքի վայրի և դիակի զննություն։ Հարցաքննվել են տուժողի մի շարք ծառայակիցներ, սպայական կազմի ներկայացուցիչներ։ 14.10.2024, Sputnik Արմենիա

2024-10-14T12:22+0400

2024-10-14T12:22+0400

2024-10-14T12:25+0400

հայաստան

զինծառայող

քրեական գործ

մահ

https://cdn.am.sputniknews.ru/img/1187/25/11872504_0:55:1000:618_1920x0_80_0_0_3d0298acfc93b6f04476d68e6e5c0e07.jpg

ԵՐԵՎԱՆ, 14 հոկտեմբերի – Sputnik. Մեղրիում հրազենային վնասվածք ստացած զինծառայող Աղասի Դալլաքյանի մահվան դեպքով նախաձեռնվել է քրեական վարույթ։ Տեղեկությունը հայտնում է ՀՀ քննչական կոմիտեն։ՊՆ–ն երեկ տեղեկացրեց, որ հոկտեմբերի 13-ին` ժամը 09:30-ի սահմաններում, հայտնաբերվել է N զորամասի զինծառայող Աղասի Սերոժի Դալլաքյանի դին՝ հրազենային վնասվածքով:Ըստ ՔԿ–ի` վնասվածքը եղել է զինծառայողի կզակի շրջանում։Նշվում է նաև, որ նախաքննության ընթացքում կատարվել են անհրաժեշտ և անհետաձգելի քննչական և այլ վարութային գործողություններ։ Իրականացվել է դեպքի վայրի և դիակի զննություն։ Դիակից ստացվել են անհրաժեշտ փորձանմուշներ, նշանակվել է դիակի դատաբժշկական փորձաքննություն։Զորամասից ստացվել են անհրաժեշտ փաստաթղթեր, ծառայություն իրականացրած զինծառայողներից ստացվել են փորձանմուշներ, որոշումներ են կայացվել նաև դատաբժշկական փորձաքննություններ նշանակելու մասին: Հարցաքննվել են տուժողի մի շարք ծառայակիցներ, սպայական կազմի ներկայացուցիչներ։Նախաքննությունը շարունակվում է։ Իրականացվում են անհրաժեշտ բոլոր վարութային և ապացուցողական գործողությունները՝ կատարվածի պատճառները, հանգամանքները պարզելու ուղղությամբ։Հիշեցնենք՝ Աղասի Դալլաքյանը Շիրակի մարզի Բասեն գյուղից էր, 9 ամիս առաջ էր զորակոչվել բանակ։ Աղասին տան ավագ զավակն էր, իրենից փոքր դպրոցահասակ եղբայր ունի:

2024

Լուրեր

am_HY

հայաստան, զինծառայող, քրեական գործ, մահ