https://arm.sputniknews.ru/20241014/hvoktemberi-17in-ynddimutjuny-lsumner-e-kazmakerpel-parzabanum-e-manukjany-81849567.html

Ընդդիմությունը լսումներ է կազմակերպել Անկախության հռչակագրի նկատմամբ ՍԴ դիրքորոշման հարցով

Ընդդիմությունը լսումներ է կազմակերպել Անկախության հռչակագրի նկատմամբ ՍԴ դիրքորոշման հարցով

Sputnik Արմենիա

Հայաստանի և Ադրբեջանի միջև սահմանազատման պետական հանձնաժողովների աշխատակարգի հարցը մտնելու է Ազգային ժողով. Ընդդիմությունը այս թեմայով քննարկում է կազմակերպել... 14.10.2024, Sputnik Արմենիա

2024-10-14T19:14+0400

2024-10-14T19:14+0400

2024-10-14T19:42+0400

գեղամ մանուկյան

անկախության հռչակագիր

սահմանադրական դատարան

աժ (ազգային ժողով)

https://cdn.am.sputniknews.ru/img/07e8/0a/0e/81840543_0:0:1600:901_1920x0_80_0_0_685a505cadacb2221be5b00b0bcb2772.jpg

ԵՐԵՎԱՆ, 14 հոկտեմբերի – Sputnik. Հոկտեմբերի 17–ին խորհրդարանական ընդդիմությունը` «Հայաստան» և «Պատիվ ունեմ» խմբակցությունները կազմակերպել են ԱԺ լսումներ Անկախության հռչակագրի նկատմամբ ՍԴ դիրքորոշման վերաբերյալ։ Sputnik Արմենիայի «Աբովյան Time» պոդքասթի եթերում հայտարարեց «Հայաստան» խմբակցության պատգամավոր Գեղամ Մանուկյանը։Ընդդիմադիր պատգամավորը հայտնեց, որ լսումներին ներկա են լինելու մոտ 100 հոգի` փորձագետներ, իրավաբաններ, միջազգայնագետներ։Նշենք, որ ՀՀՍահմանադրական դատարանը սեպտեմբերի 26-ի իր որոշմամբ վճռել է, որ Հայաստանի Անկախության մասին հռչակագրում հաստատագրված համազգային այն նպատակները, որոնք Սահմանադրության բուն տեքստում տեղ չեն գտել, չունեն իրավական ուժ։Նրա խոսքով` ՀՀ 33 տարվա պատմության մեջ աննախադեպ է իրադարձություն է, որ Անկախության հռչակագիրը թեկուզ մեկ տող ստորակետով կասկածի տակ է դրվում, այն էլ՝ Սահմանադրական դատարանի կողմից։Պատգամավորը հավելեց, որ այս թեմայով նաև ԱԺ հայտարարության նախագիծ են պատրաստում («ՍԴ–ն փորձեց գնահատել, թե անկախության հռչակագրի որ կետն է գործում, որը չի գործում, փորձեց հիմնավորել, որ Անկախության հռչակագրի այն կետերը, որոնք չկան Սահմանադրության մեջ արձանագրված, դրանք ինքնաբերաբար չեն գործում, որն ուղղակի հակասահմանադրական է։ Ուղղակի կասկածի տակ է դրվում ՀՀ ծննդյան վկայականը, այն, ինչ Նիկոլ Փաշինյանը փնտրում է` «կադաստրի վկայական» ասվածը, կասկածի տակ է դրվում կադաստրի վկայականներից մեկը»,–ասաց նա։Մանուկյանը ուշագրավ է համարում, որ ՍԴ որոշման մեջ մասնագետները նաև հրապարակել են առանձին դրույթներ, որը Սահմանադրական դատարանը որպես վերին դատական ատյան ներառել է որոշման մեջ այն դեպքում, որ այդ տողերը մի քանի ամիս առաջ ՀՀ քաղաքացին ընթերցել է Անկախության հռչակագրի օրվա առիթով Նիկոլ Փաշինյանի ուղերձում։ Փաշինյանը չի ստորագրել ՍԴ ուղարկված ՀՀ-ի և Ադրբեջանի սահմանազատման կանոնակարգը. Թովմասյան«Առնվազն երեք դրվագ կա, որտեղ այն ինչ վերլուծել էր Նիկոլ Փաշինյանը` կասկածի տակ դնելով Անկախության հռչակագիրը, հիմա հայտնվել է ՍԴ որոշման մեջ։ Սա գալիս է հերթական անգամ փաստելու` ՍԴ–ն կայացրել քաղաքական որոշում, կայացրել է ի սեր Նիկոլ Փաշինյանի, հանուն նրա, որ Փաշինյանը Ադրբեջանի առաջ ասի` սա էլ կատարեցի։ Անկախության հռչակագիրը ՀՀ ծննդյան վկայականն է և հետին թվով անհնար է կասկածի տակ դնել, չեղարկել և ուժը կորցրած համարել»,–հավելեց Մանուկյանը։Ընդդիմադիր պատգամավորը ընդգծեց, որ նույն ՍԴ–ն նախկինում ունի որոշում, որով բացառում է Անկախության հռչակագրի չեղարկումը, և նույնիսկ համաժողովրդական հանրաքվեով հնարավոր չէ դա անել։ Նշենք, որ Սահմանազատման հարցերով հանձնաժողովների կանոնակարգը վավերացնելու հարցը ԱԺ արտաքին հարաբերությունների մշտական հանձնաժողովում կքննարկվի հոկտեմբերի 21-ին։

2024

Լուրեր

am_HY

գեղամ մանուկյան, անկախության հռչակագիր, սահմանադրական դատարան, աժ (ազգային ժողով)