https://arm.sputniknews.ru/20241014/hh-agn-khvosnaky-pataskhanel-e-adrbejanci-pashtvonakcin-81829139.html
ՀՀ ԱԳՆ խոսնակը պատասխանել է ադրբեջանցի պաշտոնակցին
ՀՀ ԱԳՆ խոսնակը պատասխանել է ադրբեջանցի պաշտոնակցին
Sputnik Արմենիա
Անի Բադալյանը թվարկել է այն պարտավորությունները, որոնցից հրաժարվել է Ադրբեջանը։ 14.10.2024, Sputnik Արմենիա
2024-10-14T12:52+0400
2024-10-14T12:52+0400
2024-10-14T12:54+0400
հայաստան
ադրբեջան
անի բադալյան
եռակողմ հայտարարություն
անհետ կորած
գերի
ռուսաստան
սահմանապահ
https://cdn.am.sputniknews.ru/img/07e4/08/18/24215379_0:0:1601:901_1920x0_80_0_0_2f9b6e87ad19b6e9849e0afbe8652a61.jpg
ԵՐԵՎԱՆ, 14 հոկտեմբերի – Sputnik․ Հայաստանի արտաքին գործերի նախարարության մամուլի խոսնակ Անի Բադալյանն արձագանքել է Ադրբեջանի արտաքին գործերի նախարարության մամուլի խոսնակ Այխան Հաջիզադեի հայտարարությանը, որով նա Հայաստանին մեղադրել էր նոյեմբերի 9-ի եռակողմ հայտարարությամբ ստանձնած պարտավորությունների նկատմամբ անփույթ վերաբերմունքի համար։ «Արմենպրեսի» հետ զրույցում Բադալյանն առաջարկել է առկա փաստերով վերլուծել իրավիճակը։Նախ, ըստ նրա, 2020թ. նոյեմբերի 9-ի եռակողմ հայտարարությամբ նախատեսվում է, որ Լեռնային Ղարաբաղում լինեն ՌԴ խաղաղապահներ, ինչպես նաև 5 կմ լայնությամբ Լաչինի միջանցք՝ ՌԴ խաղաղապահների վերահսկողության ներքո, բայց այսօր ո՛չ Լաչինի միջանցքը կա, ո՛չ էլ ՌԴ խաղաղապահները:Նույն փաստաթղթով նաև նախատեսվում է ռազմագերիների, պատանդների և այլ պահվող անձանց փոխանակում, սակայն մինչև այսօր ադրբեջանական բանտերում պահվում են հայեր, այդ թվում՝ 2020թ. նոյեմբերին կամ հոկտեմբերին գերեվարված:«Ադրբեջանն ասում է, որ նրանք ռազմագերի չեն: Եթե ռազմագերի չեն, ուրեմն պատանդ են կամ այլ պահվող անձ. եռակողմ հայտարարության ձևակերպումը վերաբերվում է անազատության մեջ գտնվող ցանկացած անձի»,- ընդգծում է Բադալյանը։Ինչ վերաբերում է Ադրբեջանի կողմից անընդհատ բարձրացվող` անհետ կորած անձանց հարցին, ապա ՀՀ-ն ևս ունի երկու պատերազմների հետևանքով շուրջ հազար անհետ կորած անձ, և այս հարցում նույնպես պատրաստ է համագործակցել:Ըստ Բադալյանի՝ եռակողմ հայտարարության 9-րդ կետում, որը վերաբերում է տարածաշրջանային կոմունիկացիաների ապաշրջափակմանը, պարզ գրված է՝ Հայաստանի Հանրապետությունը դա պետք է անի իր իրավազորության և ինքնիշխանության շրջանակներում:Նա հիշեցնում է, որ Հայաստանը, շահագրգռված լինելով տարածաշրջանի բոլոր տրանսպորտային և տնտեսական ենթակառուցվածքների ապաշրջափակմամբ, Ադրբեջանին առաջարկում է օր առաջ սկսել ապաշրջափակման իրագործման գործընթացը:Փաշինյանը ՌԴ ԱԴԾ գործառույթի մասին խոսելիս կեղծիք է առաջ մղում․ Տիգրան Աբրահամյան
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, անի բադալյան, եռակողմ հայտարարություն, անհետ կորած, գերի, ռուսաստան, սահմանապահ
հայաստան, ադրբեջան, անի բադալյան, եռակողմ հայտարարություն, անհետ կորած, գերի, ռուսաստան, սահմանապահ
ՀՀ ԱԳՆ խոսնակը պատասխանել է ադրբեջանցի պաշտոնակցին
12:52 14.10.2024 (Թարմացված է: 12:54 14.10.2024) Անի Բադալյանը թվարկել է այն պարտավորությունները, որոնցից հրաժարվել է Ադրբեջանը։
ԵՐԵՎԱՆ, 14 հոկտեմբերի – Sputnik․ Հայաստանի արտաքին գործերի նախարարության մամուլի խոսնակ Անի Բադալյանն արձագանքել է Ադրբեջանի արտաքին գործերի նախարարության մամուլի խոսնակ Այխան Հաջիզադեի հայտարարությանը, որով նա Հայաստանին մեղադրել էր նոյեմբերի 9-ի եռակողմ հայտարարությամբ ստանձնած պարտավորությունների նկատմամբ անփույթ վերաբերմունքի համար։
«Արմենպրեսի» հետ զրույցում Բադալյանն առաջարկել է առկա փաստերով վերլուծել իրավիճակը։
Նախ, ըստ նրա, 2020թ. նոյեմբերի 9-ի եռակողմ հայտարարությամբ նախատեսվում է, որ Լեռնային Ղարաբաղում լինեն ՌԴ խաղաղապահներ, ինչպես նաև 5 կմ լայնությամբ Լաչինի միջանցք՝ ՌԴ խաղաղապահների վերահսկողության ներքո, բայց այսօր ո՛չ Լաչինի միջանցքը կա, ո՛չ էլ ՌԴ խաղաղապահները:
«Եռակողմ հայտարարությամբ նախատեսվում է, որ ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից շրջաններ՝ ՄԱԿ-ի Փախստականների հարցերով գերագույն հանձնակատարի գրասենյակի վերահսկողության ներքո, բայց Ադրբեջանը հայտարարում է, որ Լեռնային Ղարաբաղի տարածք չկա, Լեռնային Ղարաբաղ չկա, ինչն ըստ էության նշանակում է եռակողմ հայտարարությամբ նախատեսված այս պարտավորության կատարումից հրաժարում: Ոչ մի հայ փախստական կամ ներքին տեղահանված մինչև օրս չի վերադարձել ո՛չ Լեռնային Ղարաբաղի տարածք, ո՛չ հարակից շրջաններ»,- նշում է Բադալյանը։
Նույն փաստաթղթով նաև նախատեսվում է ռազմագերիների, պատանդների և այլ պահվող անձանց փոխանակում, սակայն մինչև այսօր ադրբեջանական բանտերում պահվում են հայեր, այդ թվում՝ 2020թ. նոյեմբերին կամ հոկտեմբերին գերեվարված:
«Ադրբեջանն ասում է, որ նրանք ռազմագերի չեն: Եթե ռազմագերի չեն, ուրեմն պատանդ են կամ այլ պահվող անձ. եռակողմ հայտարարության ձևակերպումը վերաբերվում է անազատության մեջ գտնվող ցանկացած անձի»,- ընդգծում է Բադալյանը։
Ինչ վերաբերում է Ադրբեջանի կողմից անընդհատ բարձրացվող` անհետ կորած անձանց հարցին, ապա ՀՀ-ն ևս ունի երկու պատերազմների հետևանքով շուրջ հազար անհետ կորած անձ, և այս հարցում նույնպես պատրաստ է համագործակցել:
Ըստ Բադալյանի՝ եռակողմ հայտարարության 9-րդ կետում, որը վերաբերում է տարածաշրջանային կոմունիկացիաների ապաշրջափակմանը, պարզ գրված է՝ Հայաստանի Հանրապետությունը դա պետք է անի իր իրավազորության և ինքնիշխանության շրջանակներում:
«Ինչ վերաբերվում է ՌԴ ԱԴԾ սահմանապահ ծառայության մարմիններին, եռակողմ հայտարարության 9-րդ կետով նրանց ֆիզիկական ներկայություն նախատեսված չէ»,- շեշտում է Բադալյանը։
Նա հիշեցնում է, որ Հայաստանը, շահագրգռված լինելով տարածաշրջանի բոլոր տրանսպորտային և տնտեսական ենթակառուցվածքների ապաշրջափակմամբ, Ադրբեջանին առաջարկում է օր առաջ սկսել ապաշրջափակման իրագործման գործընթացը:
