https://arm.sputniknews.ru/20241006/miqajel-srbazann-im-masin-el-e-khvosel-bajc-dadarecreq-viravvoranqnery-bagrat-srbazan-81525996.html
Միքայել սրբազանն իմ մասին էլ է խոսել, բայց դադարեցրեք վիրավորանքները. Բագրատ սրբազան
Միքայել սրբազանն իմ մասին էլ է խոսել, բայց դադարեցրեք վիրավորանքները. Բագրատ սրբազան
Sputnik Արմենիա
Բագրատ արքեպիսկոպոսը շեշտում է` բոլոր նախագահների ժամանակ եղել է ընդդիմադիր դիրքերում։ 06.10.2024, Sputnik Արմենիա
2024-10-06T19:09+0400
2024-10-06T19:09+0400
2024-10-06T19:39+0400
սրբազան պայքար
բագրատ սրբազան
միքայել արքեպիսկոպոս աջապահյան
հհ նախագահ սերժ սարգսյան
սերժ սարգսյան
ռոբերտ քոչարյան
հանրահավաք
https://cdn.am.sputniknews.ru/img/07e8/0a/06/81526482_0:98:1601:998_1920x0_80_0_0_31919e1e203d527bfef679599e909cf1.jpg
ԵՐԵՎԱՆ, 6 հոկտեմբերի – Sputnik. Սրբազան շարժման առաջնորդ Բագրատ սրբազանը հորդորում է քաղաքացիներին դադարեցնել Շիրակի թեմի առաջնորդ Միքայել արքեպիսկոպոս Աջապահյանի հասցեին հնչող վիրավորանքներն ու անհարգալից վերաբերմունքը։ Այս մասին սրբազանն ասաց Երևանի Հանրապետության հրապարակում մեկնարկող հանրահավաքից առաջ լրագրողներին տված ճեպազրույցում։Նշենք, որ հոկտեմբերի 3-ին Շիրակի թեմի առաջնորդ Միքայել արքեպիսկոպոս Աջապահյանը հայտարարել էր, որ ՀՀ իշխանությունների հեռացմանը միտված Բագրատ սրբազանի գլխավորած շարժման որոշակի անհաջողության հիմնական պատճառը նախկին նախագահների ստվերն ու ուրվականն է։ Միքայել սրբազանը վստահեցրել էր, որ այդ ուրվականներից չի կարող ազատվել Բագրատ սրբազանը և, որ այդ ուրվականների հեղինակներն իրենք պետք է հայտարարեն իրենց հեռացման մասին ու հեռանան քաղաքական ասպարեզից։ Նրա պնդմամբ` դա է պահանջում հայրենիքի փրկությունը։Անդրադառնալով նախագահների նկատմամբ իր վերաբերմունքին` շեշտեց` բոլոր նախագահների ժամանակ եղել է ընդդիմադիր դիրքերում, քանի որ այդ ժամանակահատվածում ապրել են սխալների տիրույթում, բայց հիմա հայ ժողովուրդն ապրում է ողբերգության մեջ։«Թշնամին այն ժամանակ մեզ չի ասել` գնացեք ձեր Սահմանադրությունը փոխեք, ծնկաչոք եկեք այստեղ։ Կեղծ ներկա–նախկին ծուղակը ստեղծել են, որ մխրճվենք ու դուրս չգանք այդտեղից»,– ասաց Բագրատ սրբազանը։Հիշեցնենք, որ նախկին նախագահների վերաբերյալ Շիրակի թեմի առաջնորդի խոսքերը սոցցանցերում քննարկման թեմա էին դարձել։ Դրան անդրադարձել էր Ռոբերտ Քոչարյանի գրասենյակի պատասխանատու Բագրատ Միկոյանը։ Նա նշել էր, որ ընթացիկ իրավիճակի մասին այդ խոսքերն առնվազն տարօրինակ են հնչում։ Միկոյանը շեշտել էր` պատճառահետևանքային կապերն ակնհայտորեն խեղաթյուրվել են։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սրբազան պայքար, բագրատ սրբազան, միքայել արքեպիսկոպոս աջապահյան, հհ նախագահ սերժ սարգսյան, սերժ սարգսյան, ռոբերտ քոչարյան, հանրահավաք
սրբազան պայքար, բագրատ սրբազան, միքայել արքեպիսկոպոս աջապահյան, հհ նախագահ սերժ սարգսյան, սերժ սարգսյան, ռոբերտ քոչարյան, հանրահավաք
Միքայել սրբազանն իմ մասին էլ է խոսել, բայց դադարեցրեք վիրավորանքները. Բագրատ սրբազան
19:09 06.10.2024 (Թարմացված է: 19:39 06.10.2024) Բագրատ արքեպիսկոպոսը շեշտում է` բոլոր նախագահների ժամանակ եղել է ընդդիմադիր դիրքերում։
ԵՐԵՎԱՆ, 6 հոկտեմբերի – Sputnik. Սրբազան շարժման առաջնորդ Բագրատ սրբազանը հորդորում է քաղաքացիներին դադարեցնել Շիրակի թեմի առաջնորդ Միքայել արքեպիսկոպոս Աջապահյանի հասցեին հնչող վիրավորանքներն ու անհարգալից վերաբերմունքը։ Այս մասին սրբազանն ասաց Երևանի Հանրապետության հրապարակում մեկնարկող հանրահավաքից առաջ լրագրողներին տված ճեպազրույցում։
Նշենք, որ հոկտեմբերի 3-ին Շիրակի թեմի առաջնորդ Միքայել արքեպիսկոպոս Աջապահյանը հայտարարել էր, որ ՀՀ իշխանությունների հեռացմանը միտված Բագրատ սրբազանի գլխավորած շարժման որոշակի անհաջողության հիմնական պատճառը նախկին նախագահների ստվերն ու ուրվականն է։ Միքայել սրբազանը վստահեցրել էր, որ այդ ուրվականներից չի կարող ազատվել Բագրատ սրբազանը և, որ այդ ուրվականների հեղինակներն իրենք պետք է հայտարարեն իրենց հեռացման մասին ու հեռանան քաղաքական ասպարեզից։ Նրա պնդմամբ` դա է պահանջում հայրենիքի փրկությունը։
«Չափազանց մեծ հարգանք ունեմ Միքայել սրբազանի նկատմամբ, ինչպես միշտ ասել եմ՝ նա իմ ուսուցիչն է, բայց ես կարող եմ իր որոշ ասածներին համաձայն լինել, որոշին էլ` ոչ։ Իմ մասին էլ է որոշակի բաներ ասել, ես բնականաբար համաձայն չեմ, բայց չի նշանակում, որ ամբողջ ուժով պետք է անցնեմ անարգանքի ու վիրավորանքի։ Անկախ նրանից կհամաձայնվեմ սրբազանի ասածներին, թե ոչ, հորդորում եմ դադարեցնել անհարգալից և վիրավորական արտահայտությունները բոլոր առումներով։ Միքայել սրբազանի հասցեին հնչած ցանկացած վիրավորանք ընդունում եմ ուղղված ինձ»,– նշեց Բագրատ սրբազանը։
Անդրադառնալով նախագահների նկատմամբ իր վերաբերմունքին` շեշտեց` բոլոր նախագահների ժամանակ եղել է ընդդիմադիր դիրքերում, քանի որ այդ ժամանակահատվածում ապրել են սխալների տիրույթում, բայց հիմա հայ ժողովուրդն ապրում է ողբերգության մեջ։
«Թշնամին այն ժամանակ մեզ չի ասել` գնացեք ձեր Սահմանադրությունը փոխեք, ծնկաչոք եկեք այստեղ։ Կեղծ ներկա–նախկին ծուղակը ստեղծել են, որ մխրճվենք ու դուրս չգանք այդտեղից»,– ասաց Բագրատ սրբազանը։
Հիշեցնենք, որ նախկին նախագահների վերաբերյալ Շիրակի թեմի առաջնորդի խոսքերը սոցցանցերում քննարկման թեմա էին դարձել։ Դրան անդրադարձել էր Ռոբերտ Քոչարյանի գրասենյակի պատասխանատու Բագրատ Միկոյանը։ Նա նշել էր, որ ընթացիկ իրավիճակի մասին այդ խոսքերն առնվազն տարօրինակ են հնչում։ Միկոյանը շեշտել էր` պատճառահետևանքային կապերն ակնհայտորեն խեղաթյուրվել են։
