https://arm.sputniknews.ru/20240927/pashinjany-mak-i-ambivonic-legitimacrec-sahmanadrutjuny-pvokhelu-baqvi-pahanjy-qaghaqaget-81157298.html
Փաշինյանը ՄԱԿ-ի ամբիոնից լեգիտիմացրեց Սահմանադրությունը փոխելու Բաքվի պահանջը. քաղաքագետ
Փաշինյանը ՄԱԿ-ի ամբիոնից լեգիտիմացրեց Սահմանադրությունը փոխելու Բաքվի պահանջը. քաղաքագետ
Sputnik Արմենիա
Սուրենյանցի կարծիքով` Փաշինյանը հստակ ազդակ հղեց, որ Հայաստանը միջազգային կառույցներից պատրաստ է հետ կանչել իր բոլոր բողոքները։ 27.09.2024, Sputnik Արմենիա
2024-09-27T22:05+0400
2024-09-27T22:05+0400
2024-09-27T22:07+0400
նիկոլ փաշինյան
հայաստան
հայ-ադրբեջանական
ադրբեջան
սահմանադրություն
խաղաղության պայմանագիր
https://cdn.am.sputniknews.ru/img/07e8/09/1b/81134382_0:0:1600:900_1920x0_80_0_0_b4bbc1cf4f40d72318b241012d871023.jpg
ԵՐԵՎԱՆ, 27 սեպտեմբերի - Sputnik. ՀՀ վարչապետ Նիկոլ Փաշինյանը ՄԱԿ-ի ամբիոնից լեգիտիմացրեց ՀՀ Սահմանադրությունը փոխելու Բաքվի պահանջները։ Sputnik Արմենիայի հետ զրույցում նման տեսակետ հայտնեց քաղաքագետ Սուրեն Սուրենյանցը` մեկնաբանելով վարչապետի ելույթը ՄԱԿ–ի ամբիոնից։Նշենք, որ սեպտեմբերի 26–ին ՄԱԿ-ի գագաթնաժողովում Փաշինյանը հայտարարեց, որ եթե խաղաղության պայմանագիրը հակասի ՀՀ Սահմանադրությանը, անհրաժեշտություն կլինի սահմանադրական փոփոխություններ անել։Քաղաքագետի խոսքով՝ Նիկոլ Փաշինյանի ողջ քաղաքականությունը 44-օրյա պատերազմից առաջ, ընթացքում և հետո կառուցվել է վտանգավոր պատրանքների վրա: «Այդ մարդը այդպես էլ չհասկացավ, որ միջազգային հարաբերություններում ցանկություններն ու իլյուզիաները որևէ դեր չունեն»,–ասաց նա։Սուրենյանցն ուշադրություն հրավիրվեց այն փաստին, որ Նիկոլ Փաշինյանն իր ելույթի առյուծի բաժինը նվիրել է մի հարցի, որն Ադրբեջանն արդեն մերժել է: Խոսքը խաղաղության պայմանագրի արդեն համաձայնեցված կետերի առանձին ստորագրման մասին է։Սահմանազատման հաջորդ էտապի հետ կապված որոշում չկա. Մհեր Գրիգորյան«Իրեն թվում է, որ միջազգային հանրության մոտ խեղճացած ասի` մենք այս ձևով համաձայն ենք, Ադրբեջանը համաձայն չէ, պետք է Ադրբեջանի վրա ճնշում լինի, սա պատրանքային մոտեցում է»,–ասաց նա։Քաղաքագետի խոսքով` Նիկոլ Փաշինյանն արդեն պատրանքը ներկայացնում է որպես իրականություն` Ադրբեջանի անունից նշելով, թե ճանաչում է ՀՀ տարածքային ամբողջականությունը։Վերոնշյալից քաղաքագետի մոտ տպավորություն է ստեղծվել, որ Փաշինյանը հստակ ազդակ է հղում, որ Հայաստանը միջազգային կառույցներից պատրաստ է հետ կանչել իր բոլոր բողոքները։Հիշեցնենք, որ Փաշինյանը Նյու Յորքում ՄԱԿ-ի Գլխավոր ասամբլեայի նստաշրջանում նաև հայտարարել էր, խաղաղության համաձայնագրի ստորագրումից հետո փաստաթուղթը պետք է քննի երկրի Սահմանադրական դատարանը՝ հիմնական օրենքին դրա համապատասխանության հարցով։ Եվ եթե գործընթացում պարզվի, որ պայմանագիրը հակասում է դրան, ապա խոսքը կարող է գնալ Սահմանադրության փոփոխության մասին։Խաղաղությունը ՀՀ-ի ու Ադրբեջանի միջև գտնվում է ձեռքը պարզելու հեռավորության վրա. Փաշինյան
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պատրանքներ քաղաքագետ մակ փաշինյան ելույթ
պատրանքներ քաղաքագետ մակ փաշինյան ելույթ
Փաշինյանը ՄԱԿ-ի ամբիոնից լեգիտիմացրեց Սահմանադրությունը փոխելու Բաքվի պահանջը. քաղաքագետ
22:05 27.09.2024 (Թարմացված է: 22:07 27.09.2024) Սուրենյանցի կարծիքով` Փաշինյանը հստակ ազդակ հղեց, որ Հայաստանը միջազգային կառույցներից պատրաստ է հետ կանչել իր բոլոր բողոքները։
ԵՐԵՎԱՆ, 27 սեպտեմբերի - Sputnik. ՀՀ վարչապետ Նիկոլ Փաշինյանը ՄԱԿ-ի ամբիոնից լեգիտիմացրեց ՀՀ Սահմանադրությունը փոխելու Բաքվի պահանջները։ Sputnik Արմենիայի հետ զրույցում նման տեսակետ հայտնեց քաղաքագետ Սուրեն Սուրենյանցը` մեկնաբանելով վարչապետի ելույթը ՄԱԿ–ի ամբիոնից։
Նշենք, որ սեպտեմբերի 26–ին ՄԱԿ-ի գագաթնաժողովում Փաշինյանը
հայտարարեց, որ եթե խաղաղության պայմանագիրը հակասի ՀՀ Սահմանադրությանը, անհրաժեշտություն կլինի սահմանադրական փոփոխություններ անել։
«Երեկ Նիկոլ Փաշինյանը ՄԱԿ–ի ամբիոնից կես քայլ հետ արեց, երբ ասաց, որ այո՛, կարգավորման գործընթացի ծիրում պատրաստ է քննարկել նաև Սահմանադրության փոփոխության հարցը. սրանով ինքը լեգիտիմացնում է Ադրբեջանի պահանջը»,–ասաց Սուրենյանցը։
Քաղաքագետի խոսքով՝ Նիկոլ Փաշինյանի ողջ քաղաքականությունը 44-օրյա պատերազմից առաջ, ընթացքում և հետո կառուցվել է վտանգավոր պատրանքների վրա: «Այդ մարդը այդպես էլ չհասկացավ, որ միջազգային հարաբերություններում ցանկություններն ու իլյուզիաները որևէ դեր չունեն»,–ասաց նա։
Սուրենյանցն ուշադրություն հրավիրվեց այն փաստին, որ Նիկոլ Փաշինյանն իր ելույթի առյուծի բաժինը նվիրել է մի հարցի, որն Ադրբեջանն արդեն մերժել է: Խոսքը խաղաղության պայմանագրի արդեն համաձայնեցված կետերի առանձին ստորագրման մասին է։
«Իրեն թվում է, որ միջազգային հանրության մոտ խեղճացած ասի` մենք այս ձևով համաձայն ենք, Ադրբեջանը համաձայն չէ, պետք է Ադրբեջանի վրա ճնշում լինի, սա պատրանքային մոտեցում է»,–ասաց նա։
Քաղաքագետի խոսքով` Նիկոլ Փաշինյանն արդեն պատրանքը ներկայացնում է որպես իրականություն` Ադրբեջանի անունից նշելով, թե ճանաչում է ՀՀ տարածքային ամբողջականությունը։
«Դրան շատ հեշտ է հակադրվելը, որովհետև չենք կարող հիշել մեկ դեպք, որ Ալիևը կամ նրա արտաքին քաղաքական պատասխանատուներից որևէ մեկը նշած լինի, որ ճանաչում է ՀՀ տարածքային ամբողջականությունը` աշխարհագրական կոնկրետ պարամետրերով, ուղղակի նման բան չի եղել»,–ասաց նա։
Վերոնշյալից քաղաքագետի մոտ տպավորություն է ստեղծվել, որ Փաշինյանը հստակ ազդակ է հղում, որ Հայաստանը միջազգային կառույցներից պատրաստ է հետ կանչել իր բոլոր բողոքները։
Հիշեցնենք, որ Փաշինյանը Նյու Յորքում ՄԱԿ-ի Գլխավոր ասամբլեայի նստաշրջանում նաև հայտարարել էր, խաղաղության համաձայնագրի ստորագրումից հետո փաստաթուղթը պետք է քննի երկրի Սահմանադրական դատարանը՝ հիմնական օրենքին դրա համապատասխանության հարցով։ Եվ եթե գործընթացում պարզվի, որ պայմանագիրը հակասում է դրան, ապա խոսքը կարող է գնալ Սահմանադրության փոփոխության մասին։
