https://arm.sputniknews.ru/20240817/hajastan-himnadramin-nviratvutjunnery-ev-dra-mijvocnervov-shinararutjuny-krtshatvel-en-79588431.html
«Հայաստան» հիմնադրամին նվիրատվությունները և դրա միջոցներով շինարարությունը շատ են կրճատվել
«Հայաստան» հիմնադրամին նվիրատվությունները և դրա միջոցներով շինարարությունը շատ են կրճատվել
Sputnik Արմենիա
2024 թվականի առաջին կիսամյակում հիմնադրամը կարիքավորներին է հանձնել 2 բազմաբնակարան շենք և 20 առանձնատուն, սակայն, ընդհանուր առմամբ, հիմնադրամի ծրագրերը... 17.08.2024, Sputnik Արմենիա
2024-08-17T20:03+0400
2024-08-17T20:03+0400
2024-08-17T20:12+0400
շինարարություն
հիմնադրամ
«հայաստան» համահայկական հիմնադրամ
https://cdn.am.sputniknews.ru/img/07e5/09/13/33422725_0:41:1080:649_1920x0_80_0_0_1d42f8a8a24dca350c572a04a1c0149a.jpg
ԵՐԵՎԱՆ, 17 օգոստոսի - Sputnik. «Հայաստան» համահայկական հիմնադրամին ուղղվող հանգանակությունները և դրա միջոցներով իրականացվող շինարարությունը խիստ կրճատվել են: Այս մասին են վկայում 2024 թվականի առաջին կիսամյակի ՀՀ վիճակագրական տվյալները և հիմնադրամի տարեկան հաշվետվությունները (2023 թվականի հաշվետվության մեջ ամփոփված են նաև 2024 թվականի առաջին ամիսների աշխատանքների արդյունքները)։Ըստ վիճակագրության՝ 2024 թվականի առաջին կիսամյակում հիմնադրամի միջոցներով իրականացվել է 352,3 մլն դրամի (900 հազար դոլարից քիչ ավել) շինարարություն։ Դա երկուսուկես անգամ (60%-ով) պակաս է, քան նախորդ տարվա նույն ժամանակահատվածում։«Հայաստան» համահայկական հիմնադրամի հեռուստամարաթոնի ընթացքում հավաքվել է 8,4 միլիոն դոլարԱշխատանքի արժեքի փոխարեն շահագործման հանձնված բնակարանների ծավալը դիտարկելու դեպքում պարզվում է, որ 2024-ի առաջին կիսամյակում հիմնադրամը նորաբնակներին է հանձնել մոտ 7,800 քմ: Ընդ որում,պետք է հաշվի առնել, որ տների մի մասը սկսել է կառուցվել 2022-23 թվականներին:Նշված մետրաժը ներառում է Գյումրիում 50 բնակարան ունեցող երկու տուն՝ նախատեսված 1988 թվականի երկրաշարժից տուժածների համար (վերջիններիսմի փոքր մասը դեռ նոր տների կարիք ունի)։ Բացի այդ, ավարտվել է 14 տների շինարարությունը Արմավիրի մարզի Լեռնագոգ գյուղում,6-ը՝ Սյունիքի մարզի Ներքին Խնձորեսկում՝ 2020 թվականի 44-օրյա պատերազմից հետո Լեռնային Ղարաբաղից տեղահանված անձանց համար։Սիրիայի և Լիբանանի հայ համայնքներին «Հայաստան» հիմնադրամն ավելի քան 2 մլն դոլար է փոխանցելԸնդհանուր առմամբ, հիմնադրամի նվիրատվությունների ծավալը կրճատվում է: Եթե 2021-ին այն կազմել է 22,6 մլրդ դրամ, իսկ 2022-ին՝ 19,3 մլրդ, ապա 2023-ի թիվը6 միլիարդից պակաս է։ Համապատասխանաբար կրճատվում է նաև ծրագրերի ծավալը։ 2023 թվականից հիմնադրամը Լեռնային Ղարաբաղում ծրագրեր չի իրականացնում (քանի որ Ադրբեջանի ագրեսիային նախորդել էր շրջափակումը, որը թույլ չէր տալիս շինանյութը տեղ հասցնել)։ Սակայն ՀՀ-ում (այդ թվում՝ ԼՂ-ից տեղահանվածների համար), ինչպես նաև Սիրիայում և Լիբանանում իրականացվող ծրագրերի համարնվիրատվությունները նախկին ծավալով չեն իրականացվում։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
շինարարություն, հիմնադրամ, «հայաստան» համահայկական հիմնադրամ
շինարարություն, հիմնադրամ, «հայաստան» համահայկական հիմնադրամ
«Հայաստան» հիմնադրամին նվիրատվությունները և դրա միջոցներով շինարարությունը շատ են կրճատվել
20:03 17.08.2024 (Թարմացված է: 20:12 17.08.2024) 2024 թվականի առաջին կիսամյակում հիմնադրամը կարիքավորներին է հանձնել 2 բազմաբնակարան շենք և 20 առանձնատուն, սակայն, ընդհանուր առմամբ, հիմնադրամի ծրագրերը կրճատվում են։
ԵՐԵՎԱՆ, 17 օգոստոսի - Sputnik. «Հայաստան» համահայկական հիմնադրամին ուղղվող հանգանակությունները և դրա միջոցներով իրականացվող շինարարությունը խիստ կրճատվել են: Այս մասին են վկայում 2024 թվականի առաջին կիսամյակի ՀՀ վիճակագրական տվյալները և հիմնադրամի տարեկան հաշվետվությունները (2023 թվականի հաշվետվության մեջ ամփոփված են նաև 2024 թվականի առաջին ամիսների աշխատանքների արդյունքները)։
Ըստ վիճակագրության՝ 2024 թվականի առաջին կիսամյակում հիմնադրամի միջոցներով իրականացվել է 352,3 մլն դրամի (900 հազար դոլարից քիչ ավել) շինարարություն։ Դա երկուսուկես անգամ (60%-ով) պակաս է, քան նախորդ տարվա նույն ժամանակահատվածում։
Աշխատանքի արժեքի փոխարեն շահագործման հանձնված բնակարանների ծավալը դիտարկելու դեպքում պարզվում է, որ 2024-ի առաջին կիսամյակում հիմնադրամը նորաբնակներին է հանձնել մոտ 7,800 քմ: Ընդ որում,պետք է հաշվի առնել, որ տների մի մասը սկսել է կառուցվել 2022-23 թվականներին:
Նշված մետրաժը ներառում է Գյումրիում 50 բնակարան ունեցող երկու տուն՝ նախատեսված 1988 թվականի երկրաշարժից տուժածների համար (վերջիններիսմի փոքր մասը դեռ նոր տների կարիք ունի)։ Բացի այդ, ավարտվել է 14 տների շինարարությունը Արմավիրի մարզի Լեռնագոգ գյուղում,6-ը՝ Սյունիքի մարզի Ներքին Խնձորեսկում՝ 2020 թվականի 44-օրյա պատերազմից հետո Լեռնային Ղարաբաղից տեղահանված անձանց համար։
Ընդհանուր առմամբ, հիմնադրամի նվիրատվությունների ծավալը կրճատվում է: Եթե 2021-ին այն կազմել է 22,6 մլրդ դրամ, իսկ 2022-ին՝ 19,3 մլրդ, ապա 2023-ի թիվը6 միլիարդից պակաս է։ Համապատասխանաբար կրճատվում է նաև ծրագրերի ծավալը։ 2023 թվականից հիմնադրամը Լեռնային Ղարաբաղում ծրագրեր չի իրականացնում (քանի որ Ադրբեջանի ագրեսիային նախորդել էր շրջափակումը, որը թույլ չէր տալիս շինանյութը տեղ հասցնել)։ Սակայն ՀՀ-ում (այդ թվում՝ ԼՂ-ից տեղահանվածների համար), ինչպես նաև Սիրիայում և Լիբանանում իրականացվող ծրագրերի համարնվիրատվությունները նախկին ծավալով չեն իրականացվում։
