https://arm.sputniknews.ru/20240729/hunisi-12i-akciaji-16-masnakci-meghadranq-e-nerkajacvel-qkn-manramasner-e-hajtnum-78867109.html

Հունիսի 12–ի ակցիայի 16 մասնակցի մեղադրանք է ներկայացվել․ ՔԿ–ն մանրամասներ է հայտնում

Հունիսի 12–ի ակցիայի 16 մասնակցի մեղադրանք է ներկայացվել․ ՔԿ–ն մանրամասներ է հայտնում

Sputnik Արմենիա

Քրեական վարույթի նյութերը, մեղադրական եզրակացությամբ, ուղարկվել են հսկող դատախազին՝ հաստատելու և դատարան ուղարկելու համար։ 29.07.2024, Sputnik Արմենիա

2024-07-29T16:00+0400

2024-07-29T16:00+0400

2024-07-29T16:12+0400

հհ քննչական կոմիտե

աժ (ազգային ժողով)

«տավուշը հանուն հայրենիքի»

բողոքի ակցիա

քննչական կոմիտե

մեղադրանք

https://cdn.am.sputniknews.ru/img/07e8/06/0c/77029237_0:0:1600:900_1920x0_80_0_0_ed795932230d9306424cba49b3f00784.jpg

ԵՐԵՎԱՆ, 29 հուլիսի – Sputnik. Ավարտվել է Երևան քաղաքի Բաղրամյան պողոտայում կազմակերպված հերթական ակցիայի ընթացքում մի խումբ անձանց կողմից խուլիգանություն, զանգվածային անկարգություն կատարելու դեպքերի առթիվ քննված քրեական վարույթի նախաքննությունը։ Ակցիայի մասնակիցներից 16–ին մեղադրանք է ներկայացվել։ Այս մասին հայտնում է ՀՀ քննչական կոմիտեի մամուլի ծառայությունը։Նշվում է, որ «Տավուշը հանուն հայրենիքի» շարժման մասնակից մի խումբ անձինք, անտեսելով ոստիկանության ծառայողների կողմից պատշաճ վարքագիծ դրսևորելու և հասարակական կարգը չխախտելու պահանջները, անպարկեշտ արտահայտություններ և հայհոյանքներ են հնչեցրել, հեղուկով լցված տարաներ, շշեր և այլ առարկաներ են նետել տեղում ծառայություն իրականացնող ՀՀ ՆԳՆ ոստիկանության ծառայողների ուղղությամբ:Զանգվածային անկարգությունների մասնակիցներից մեկն էլ, ՔԿ–ի հաղորդագրության համաձայն, վնասել է այգում տեղադրված մետաղյա արգելապատնեշը՝ փորձելով մուտք գործել ՀՀ Ազգային ժողովի տարածք, ինչպես նաև պահել է հիշյալ արգելապատնեշը, որպեսզի այլ անձինք մուտք գործեն ՀՀ Ազգային ժողովից ներս ընկած այգու տարածք:«Վերոնշյալ հանցավոր գործողությունների արդյունքում ոստիկանության մի շարք ծառայողներ ստացել են տարբեր աստիճանի մարմնական վնասվածքներ, վտանգվել է հասարակական անվտանգությունը, ինչպես նաև իրական վտանգ է ստեղծվել շրջակայքում գտնվող անձանց կյանքի ու առողջության համար»,–ասվում է ՔԿ հաղորդագրության մեջ։Նշվում է, որ ձեռք բերված բավարար փաստերի հիման վրա 15 անձի մեղադրանք է ներկայացվել ՀՀ քրեական օրենսգրքի 297-րդ հոդվածի 2-րդ մասի 1-ին կետով, 1 անձի՝ ՀՀ քրեական օրենսգրքի 327-րդ հոդվածի 1-ին մասով:Քրեական վարույթի նյութերը, մեղադրական եզրակացությամբ, ուղարկվել են հսկող դատախազին՝ հաստատելու և դատարան ուղարկելու համար։Հիշեցնենք, որ «Տավուշը հանուն հայրենիքի» շարժման անդամներն ու կողմնակիցները, որոնք պահանջում են գործող իշխանության հրաժարականը, հունիսի 10-ից փակ էին պահում Բաղրամյան պողոտայի մի հատվածը։ Հունիսի 12-ին ԱԺ–ի շենքի մոտ բախումներ սկսվեցին ոստիկանների և «Տավուշը հանուն հայրենիքի» շարժման անդամների ու կողմնակիցների միջև։ Ոստիկանությունը լուսաձայնային նռնակներ կիրառեց, ինչի հետևանքով 101 անձ վնասվածք ստացավ, այդ թվում` ոստիկաններ։Նույն օրը ՀՀ քննչական կոմիտեն հայտնեց, որ քրեական վարույթ է նախաձեռնվել ՀՀ քրեական օրենսգրքի 327-րդ հոդվածի 1-ին մասի հատկանիշներով (զանգվածային անկարգություններին մասնակցելը)։

2024

Լուրեր

am_HY

հհ քննչական կոմիտե, աժ (ազգային ժողով), «տավուշը հանուն հայրենիքի», բողոքի ակցիա, քննչական կոմիտե, մեղադրանք