https://arm.sputniknews.ru/20240725/mer-kjanqn-el-e-pvopvokhvum-avanesjany-zarja-3-nrnakneri-kirarman-tujltvutjan-masin-78730678.html

Մեր կյանքն էլ է փոփոխվում. Ավանեսյանը՝ «Զարյա 3» նռնակների կիրառման թույլտվության մասին

Մեր կյանքն էլ է փոփոխվում. Ավանեսյանը՝ «Զարյա 3» նռնակների կիրառման թույլտվության մասին

Sputnik Արմենիա

ՀՀ առողջապահության նախարարը կապ չի տեսնում որոշման փոփոխման և հունիսի 12-ի դեպքերի միջև։ 25.07.2024, Sputnik Արմենիա

2024-07-25T12:52+0400

2024-07-25T12:52+0400

2024-07-25T13:00+0400

հայաստան

նռնակ

անահիտ ավանեսյան

https://cdn.am.sputniknews.ru/img/07e7/02/0f/55359623_0:9:1600:909_1920x0_80_0_0_16ef8ed99bfaf97793546b21565adcc1.jpg

ԵՐԵՎԱՆ, 25 հուլիսի – Sputnik. «Զարյա 3» լուսաձայնային նռնակի կիրառումը թույլատրելի հատուկ միջոցների շարքում դասելու հրամանի մեջ ինտրիգներ պետք չէ փնտրել, դա արվել է ըստ ընթացակարգի։ Կառավարության նիստից հետո լրագրողների հետ զրույցում այս հայտարարությունն արեց ՀՀ առողջապահության նախարար Անահիտ Ավանեսյանը՝ անդրադառնալով «Զարյա 3»-ի վերաբերյալ հրամանին։Նշենք, որ հունիսի 12-ին արգելված հատուկ միջոցը կիրառելուց 15 օր անց՝ հունիսի 27-ին, ՀՀ առողջապահության նախարարը «Մարդու նկատմամբ գործադրվող հատուկ միջոցների կիրառման համար թույլատրելի չափանիշները հաստատելու մասին» առողջապահության նախարարի N09-Ն հրամանում փոփոխություններ է իրականացրել և «Զարյա 3»-ի կիրառումը ներառել է թույլատրելի հատուկ միջոցների շարքում։«Հրամաններն ընդունելու որոշակի ընթացակարգ կա. պահպանելով օրենքով սահմանված ընթացակարգը` որոշակի փոփոխություններ ենք իրականացրել։ Չեմ կարծում, թե այստեղ ինտրիգ կա»,- ասաց նախարարը։Նրա խոսքով` դրա համար հատուկ հիմնավորման կարիք չկա։Նա ընդգծեց, որ կապ չի տեսնում այդ որոշման փոփոխման և հունիսի 12-ի դեպքերի միջև։Հիշեցնենք` հունիսի 12-ին ԱԺ–ի շենքի մոտ բախումներ սկսվեցին ոստիկանների և «Տավուշը հանուն հայրենիքի» շարժման անդամների ու կողմնակիցների միջև։ Ոստիկանությունը լուսաձայնային նռնակներ կիրառեց, ինչի հետևանքով 101 անձ վնասվածք ստացավ, այդ թվում` ոստիկաններ։

2024

Լուրեր

am_HY

հայաստան, նռնակ, անահիտ ավանեսյան