https://arm.sputniknews.ru/20240627/erevanum-arcakhci-eghbajrnerin-mahakvov-tsetsats-eritasardi-nkatmamb-khapanman-mijvoc-e-kirarvel-77719823.html
Երևանում արցախցի եղբայրներին մահակով ծեծած երիտասարդի նկատմամբ խափանման միջոց է կիրառվել
Երևանում արցախցի եղբայրներին մահակով ծեծած երիտասարդի նկատմամբ խափանման միջոց է կիրառվել
Sputnik Արմենիա
Նախաքննությունը շարունակվում է։ 27.06.2024, Sputnik Արմենիա
2024-06-27T18:00+0400
2024-06-27T18:00+0400
2024-06-27T18:10+0400
արցախ
եղբայր
հհ քննչական կոմիտե
տնային կալանք
ծեծ
մեղադրանք
https://cdn.am.sputniknews.ru/img/1114/80/11148043_0:0:1001:563_1920x0_80_0_0_c2fdf93ec4b36696cd9dd8900fb6cbbd.jpg
ԵՐԵՎԱՆ, 27 հունիսի - Sputnik. Երևանի Կոմիտասի պողոտայում արցախցի երկու եղբայրներին մարմնական վնասվածքներ պատճառելու մեջ մեղադրվող 28–ամյա երիտասարդը հայտնաբերվել է, նրան մեղադրանք է ներկայացվել։ Տեղեկությունը հայտնում է ՀՀ քննչական կոմիտեն։Նշվում է, որ հունիսի 21-ին մի քաղաքացուց հաղորդում է ստացվել ոստիկանություն, որ ժամը 11։15-11։20-ն ընկած ժամանակահատվածում Երևանի Կոմիտասի պողոտայում անհայտ քաղաքացին վիճաբանել էր իր և եղբոր հետ, մահակով հարվածներ հասցրել իրենց, որի հետևանքով եղբայրը գտնվում է անգիտակից վիճակում։Դեպքի առթիվ նախաձեռնված քրեական վարույթի նախաքննությամբ պարզվել է, որ 28–ամյա տղամարդը բռունցքով հարվածել է եղբայրներից մեկի մարմնի տարբեր մասերին։ Այնուհետև մոտակայքում կայանված մեքենայի բեռնախցիկից վերցնելով փայտյա մահակը՝ դրանով մի քանի հարվածներ է հասցրել եղբայրներից մեկի մարմնի տարբեր հատվածներին, այդ թվում՝ գլխին՝ պատճառելով ծանր մարմնական վնասվածքներ։Հունիսի 25-ին 28-ամյա երիտասարդը ներկայացել է վարույթն իրականացնող մարմնին, և նրան առաջադրվել է մեղադրանք։Միջնորդություն է ներկայացվել դատարան` 28–ամյա տղամարդու նկատմամբ կալանքը որպես խափանման միջոց ընտրելու վերաբերյալ, դատարանի որոշմամբ որպես խափանման միջոց է կիրառվել տնային կալանքը։Նախաքննությունը շարունակվում է։Հիշեցնենք` Ավելի վաղ փաստաբան Ռոման Երիցյանը գրել էր, թե հունիսի 21-ին Կոմիտասի պողոտայում տաքսու սպասող 65 և 51 տարեկան արցախցիներին ՍԱՍ սուպերմարկետի առջև «բեյսբոլի բիտայով» դաժանաբար ծեծի են ենթարկել՝ ճանապարհին կանգնելու և ճանապարհը չզիջելու համար։ Տղամարդիկ գտնվում են Հերացու անվան հիվանդանոցի վերակենդանացման բաժանմունքում՝ գանգոսկրի կոտրվածքներով։ Փաստաբանը նաև մեղադրել էր քննիչներին անգործության մեջ։Վեճ և դանակահարություն Շահումյանում. 2 երիտասարդ հիվանդանոցում ենԱվելի ուշ ՔԿ–ն մանրամասներ հայտնեց դեպքից` տեղեկացնելով, որ 28-ամյա երիտասարդի նկատմամբ հանրային քրեական հետապնդում է հարուցվել ՀՀ քրեական օրենսգրքի 166-րդ հոդվածի 2-րդ մասի 6-րդ կետով:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արցախ, եղբայր, հհ քննչական կոմիտե, տնային կալանք, ծեծ, մեղադրանք
արցախ, եղբայր, հհ քննչական կոմիտե, տնային կալանք, ծեծ, մեղադրանք
Երևանում արցախցի եղբայրներին մահակով ծեծած երիտասարդի նկատմամբ խափանման միջոց է կիրառվել
18:00 27.06.2024 (Թարմացված է: 18:10 27.06.2024) Նախաքննությունը շարունակվում է։
ԵՐԵՎԱՆ, 27 հունիսի - Sputnik. Երևանի Կոմիտասի պողոտայում արցախցի երկու եղբայրներին մարմնական վնասվածքներ պատճառելու մեջ մեղադրվող 28–ամյա երիտասարդը հայտնաբերվել է, նրան մեղադրանք է ներկայացվել։ Տեղեկությունը հայտնում է
ՀՀ քննչական կոմիտեն։
Նշվում է, որ հունիսի 21-ին մի քաղաքացուց հաղորդում է ստացվել ոստիկանություն, որ ժամը 11։15-11։20-ն ընկած ժամանակահատվածում Երևանի Կոմիտասի պողոտայում անհայտ քաղաքացին վիճաբանել էր իր և եղբոր հետ, մահակով հարվածներ հասցրել իրենց, որի հետևանքով եղբայրը գտնվում է անգիտակից վիճակում։
Դեպքի առթիվ նախաձեռնված քրեական վարույթի նախաքննությամբ պարզվել է, որ 28–ամյա տղամարդը բռունցքով հարվածել է եղբայրներից մեկի մարմնի տարբեր մասերին։ Այնուհետև մոտակայքում կայանված մեքենայի բեռնախցիկից վերցնելով փայտյա մահակը՝ դրանով մի քանի հարվածներ է հասցրել եղբայրներից մեկի մարմնի տարբեր հատվածներին, այդ թվում՝ գլխին՝ պատճառելով ծանր մարմնական վնասվածքներ։
Հունիսի 25-ին 28-ամյա երիտասարդը ներկայացել է վարույթն իրականացնող մարմնին, և նրան առաջադրվել է մեղադրանք։
Միջնորդություն է ներկայացվել դատարան` 28–ամյա տղամարդու նկատմամբ կալանքը որպես խափանման միջոց ընտրելու վերաբերյալ, դատարանի որոշմամբ որպես խափանման միջոց է կիրառվել տնային կալանքը։
Նախաքննությունը շարունակվում է։
Հիշեցնենք` Ավելի վաղ փաստաբան
Ռոման Երիցյանը գրել էր, թե հունիսի 21-ին Կոմիտասի պողոտայում տաքսու սպասող 65 և 51 տարեկան արցախցիներին ՍԱՍ սուպերմարկետի առջև «բեյսբոլի բիտայով» դաժանաբար ծեծի են ենթարկել՝ ճանապարհին կանգնելու և ճանապարհը չզիջելու համար։ Տղամարդիկ գտնվում են Հերացու անվան հիվանդանոցի վերակենդանացման բաժանմունքում՝ գանգոսկրի կոտրվածքներով։ Փաստաբանը նաև մեղադրել էր քննիչներին անգործության մեջ։
Ավելի ուշ ՔԿ–ն մանրամասներ հայտնեց դեպքից`
տեղեկացնելով, որ 28-ամյա երիտասարդի նկատմամբ հանրային քրեական հետապնդում է հարուցվել ՀՀ քրեական օրենսգրքի 166-րդ հոդվածի 2-րդ մասի 6-րդ կետով:
