https://arm.sputniknews.ru/20240616/arcakhic-brni-teghahanvats-ervand-aghabaljany-kalanavvorvel-e-mek-amis-zhamketvov-77205324.html

Արցախից բռնի տեղահանված Երվանդ Աղաբալյանը կալանավորվել է մեկ ամիս ժամկետով

Արցախից բռնի տեղահանված Երվանդ Աղաբալյանը կալանավորվել է մեկ ամիս ժամկետով

Sputnik Արմենիա

Երվանդը երկու մանկահասակ (1 և 4 տարեկան) երեխաների հայր է, արցախյան վերջին 3 պատերազմների մասնակից։ 16.06.2024, Sputnik Արմենիա

2024-06-16T18:24+0400

2024-06-16T18:24+0400

2024-06-16T18:26+0400

բողոքի ակցիա

կալանք

բռնի տեղահանված

https://cdn.am.sputniknews.ru/img/07e4/09/09/24399149_0:41:3003:1730_1920x0_80_0_0_522da690293d419f3dcedd062fa5ea38.jpg

ԵՐԵՎԱՆ, 16 հունիսի – Sputnik. Արցախից բռնի տեղահանված Երվանդ Աղաբալյանը կալանավորվել է մեկ ամիս ժամկետով: Այս մասին հայտնում է փաստաբան Ռոման Երիցյանը։ Նրա խոսքով` կալանքի միջնորդությունը քննել է դատավոր Ջոն Հայրապետյանը:Փաստաբանը հայտնել է, որ Աղաբալյանը հունիսի 12-ին դատարկ պլաստմասե շիշ նետելու պատճառով մեղադրվում է խուլիգանության մեջ։Երվանդը երկու մանկահասակ (1 և 4 տարեկան) երեխաների հայր է, արցախյան վերջին 3 պատերազմների մասնակից։Այսօր ավելի վաղ` փաստաբան Ռուբեն Մելիքյանը հայտնել էր, որ հուլիսի 12–ին ԱԺ շենքի մոտ ցուցարարների և ոստիկանների միջև տեղի ունեցած բախումների տեսագրությունների հիման վրա սկսվել է ձերբակալությունների երկրորդ ալիքը։ Ձերբակալվել ու դատարան է ներկայացվել 8 անձ, որոնցից 5-ի նկատմամբ կայացվել է կալանքի որոշում։Հիշեցնենք, որ հունիսի 12-ին ԱԺ–ի շենքի մոտ բախումներ սկսվեցին ոստիկանների և «Տավուշը հանուն հայրենիքի» շարժման անդամների ու կողմնակիցների միջև։ Ոստիկանությունը լուսաձայնային նռնակներ կիրառեց, ինչի հետևանքով 101 անձ վնասվածք ստացավ, այդ թվում` ոստիկաններ։Նույն օրը ՀՀ քննչական կոմիտեն հայտնեց, որ քրեական վարույթ է նախաձեռնվել ՀՀ քրեական օրենսգրքի 327-րդ հոդվածի 1-ին մասի հատկանիշներով (զանգվածային անկարգություններին մասնակցելը)։

2024

Լուրեր

am_HY

բողոքի ակցիա, կալանք, բռնի տեղահանված