https://arm.sputniknews.ru/20240615/azhi-mvot-bakhumneric-hetvo-harucvats-gvortsi-shrjanakum-ajsor-dzerbakalvel-e-3-andz-pastaban-77180268.html

ԱԺ–ի մոտ բախումներից հետո հարուցված գործի շրջանակում այսօր ձերբակալվել է 3 անձ. փաստաբան

ԱԺ–ի մոտ բախումներից հետո հարուցված գործի շրջանակում այսօր ձերբակալվել է 3 անձ. փաստաբան

Sputnik Արմենիա

Ձերբակալվածներից մեկը 73-ամյա պապիկ է, որի նկատմամբ ցանկանում են տնային կալանք կիրառել։ 15.06.2024, Sputnik Արմենիա

2024-06-15T17:05+0400

2024-06-15T17:05+0400

2024-06-15T17:07+0400

հայաստան

աժ (ազգային ժողով)

բաղրամյան պողոտա

բախումներ

https://cdn.am.sputniknews.ru/img/07e7/07/18/63411471_0:90:1600:990_1920x0_80_0_0_68fdaf453e53773042700df6edb5174d.jpg

ԵՐԵՎԱՆ, 15 հունիսի – Sputnik. Երևանի Բաղրամյան պողոտայում «Տավուշը հանուն հայրենիքի» շարժման բողոքի ակցիայի ժամանակ քաղաքացիների և ոստիկանության միջև տեղի ունեցած բախումներից հետո հարուցված քրեական գործի շրջանակում այսօր ձերբակալվել է 3 անձ։ Տեղեկությունը լրագրողներին հայտնեց փաստաբան Ռուբեն Մելիքյանը։Փաստաբանը նշեց, որ առավոտից 11 անձի ձերբակալման մասին ահազանգ է ստացել, սակայն պարզվել է, որ դրանք բոլոր վերաբերել են 3 մարդու ձերբակալմանը։ Նրա խոսքով` ձերբակալվածներից մեկն Ուջան գյուղի բնակիչ 73-ամյա Տիգրան Սարիբեկյանն է, որին մեղադրում են խմբակային խուլիգանության մեջ։«Նախաքննական մարմինը միջնորդում է նրան տնային կալանքի ենթարկել»,– նշեց Մելիքյանը։Հիշեցնենք, որ հունիսի 12-ին ԱԺ–ի շենքի մոտ բախումներ սկսվեցին ոստիկանների և «Տավուշը հանուն հայրենիքի» շարժման անդամների ու կողմնակիցների միջև։ Ոստիկանությունը լուսաձայնային նռնակներ կիրառեց, ինչի հետևանքով 101 անձ վնասվածք ստացավ, այդ թվում` ոստիկաններ։Նույն օրը ՀՀ քննչական կոմիտեն հայտնեց, որ քրեական վարույթ է նախաձեռնվել ՀՀ քրեական օրենսգրքի 327-րդ հոդվածի 1-ին մասի հատկանիշներով (զանգվածային անկարգություններին մասնակցելը)։

բաղրամյան պողոտա

2024

Լուրեր

am_HY

հայաստան, աժ (ազգային ժողով), բաղրամյան պողոտա, բախումներ