https://arm.sputniknews.ru/20240605/vstah-em-adrbejanakan-zvorqy-sahmanazatumic-hetvo-durs-kga-gegharquniqic-marzpet-76692059.html
Վստահ եմ` ադրբեջանական զորքը սահմանազատումից հետո դուրս կգա Գեղարքունիքից․ մարզպետ
Վստահ եմ` ադրբեջանական զորքը սահմանազատումից հետո դուրս կգա Գեղարքունիքից․ մարզպետ
Sputnik Արմենիա
Կարեն Սարգսյանը վստահ է՝ ադբեջանական զինված ուժերը հետ կգնան իրենց ելման դիրքեր, քանի որ Տավուշում էլ սահմանազատման արդյունքում որոշ հատվածներ վերադարձվել են... 05.06.2024, Sputnik Արմենիա
2024-06-05T19:19+0400
2024-06-05T19:19+0400
2024-06-05T19:26+0400
կարեն սարգսյան
գեղարքունիքի մարզ
դելիմիտացիա
տավուշ
մարզպետ
https://cdn.am.sputniknews.ru/img/07e7/09/01/65187164_0:0:1601:901_1920x0_80_0_0_90143ab71ffa3d5cd8910286329073ab.jpg
ԵՐԵՎԱՆ, 5 հունիսի – Sputnik. Գեղարքունիքի մարզում սահմանազատում իրականացնելուց հետո ադրբեջանական զորքը դուրս կգա այդ տարածքից։ ԱԺ-ում լրագրողներին հետ զրույցում նման վստահություն հայտնեց Գեղարքունիքի մարզպետ Կարեն Սարգսյանը։Նրա խոսքով՝ այն քարտեզները, որոնցով լինելու է սահմանազատումը, տալիս է իրեն այդ վստահությունը։Կիրանցում դպրոցի շենքի շահագործման համար հաշվի կառնենք գյուղացիների պահանջը. ԿԳՄՍ նախարարՀարցին՝ ինչի՞ հիման վրա է ինքը վստահ, որ ադբեջանական զինված ուժերը հետ կգնան իրենց ելման դիրքեր, Սարգսյանը շեշտեց, որ Տավուշում էլ սահմանազատման արդյունքում որոշ հատվածներ վերադարձվեցին Հայաստանին։ Ճշտող հարցին, թե ո՞ր հատվածների մասին է խոսքը, մարզպետն ասաց՝ որտեղ սահմանազատում է իրականացվել։Իսկ թե ինչ պետք է անի հայկական կողմը, եթե ադրբեջանական ԶՈւ-ն հետ չքաշվի, Գեղարքունիքի մարզպետը վստահեցրեց՝ այլ գործիքակազմ կօգտագործվի, որով կստիպեն վերջիններիս հետ գնալ։ Միևնույն ժամանակ նա հերքեց այն կարծիքը, որ գուցե ուժի գործոն կիրառվի։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։ ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։Մայիսի 24–ին ՀՀ ԱԱԾ–ն հայտնեց, որ ՀՀ Ազգային անվտանգության ծառայության սահմանապահ զորքերը պաշտոնապես ստանձնում են Հայաստանի Հանրապետության պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։
գեղարքունիքի մարզ
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կարեն սարգսյան, գեղարքունիքի մարզ, դելիմիտացիա, տավուշ, մարզպետ
կարեն սարգսյան, գեղարքունիքի մարզ, դելիմիտացիա, տավուշ, մարզպետ
Վստահ եմ` ադրբեջանական զորքը սահմանազատումից հետո դուրս կգա Գեղարքունիքից․ մարզպետ
19:19 05.06.2024 (Թարմացված է: 19:26 05.06.2024) Կարեն Սարգսյանը վստահ է՝ ադբեջանական զինված ուժերը հետ կգնան իրենց ելման դիրքեր, քանի որ Տավուշում էլ սահմանազատման արդյունքում որոշ հատվածներ վերադարձվել են Հայաստանին։
ԵՐԵՎԱՆ, 5 հունիսի – Sputnik. Գեղարքունիքի մարզում սահմանազատում իրականացնելուց հետո ադրբեջանական զորքը դուրս կգա այդ տարածքից։ ԱԺ-ում լրագրողներին հետ զրույցում նման վստահություն հայտնեց Գեղարքունիքի մարզպետ Կարեն Սարգսյանը։
«Եթե սահմանազատում պետք է իրականացվի Գեղարքունիքի մարզում, ուրեմն պետք է իրականացվի։ 2022 թվականի սեպտեմբերյան դեպքերի ժամանակ ադրբեջանական զինված ուժերը ներխուժել են Հայաստանի Հանրապետության տարածք, հարձակում է եղել մեր մարզի սահմանին հարող 12 բնակավայրի վրա, դրա արդյունքում մի շարք հատվածներում իրենք գտնվում են ՀՀ սուվերեն տարածքում։ Սահմանազատման արդյունքում իրենք հետ կգնան իրենց ելման դիրքեր, և ՀՀ այն բնակավայրերը, որոնք ուղիղ թիրախավորված են այդ ուժերի կողմից, արդեն իսկ կլինեն ապահովված»,- նշեց Սարգսյանը։
Նրա խոսքով՝ այն քարտեզները, որոնցով լինելու է սահմանազատումը, տալիս է իրեն այդ վստահությունը։
Հարցին՝ ինչի՞ հիման վրա է ինքը վստահ, որ ադբեջանական զինված ուժերը հետ կգնան իրենց ելման դիրքեր, Սարգսյանը շեշտեց, որ Տավուշում էլ սահմանազատման արդյունքում որոշ հատվածներ վերադարձվեցին Հայաստանին։ Ճշտող հարցին, թե ո՞ր հատվածների մասին է խոսքը, մարզպետն ասաց՝ որտեղ սահմանազատում է իրականացվել։
«Այդ նույն քարտեզներում կա տարածք, որը նախկինում, նաև բնակիչներն ասացին՝ մտածել են, որ դա հարևան երկրինն է, բայց պարզվեց, որ դա ՀՀ տարածք է, և կանգնեցվել են հենասյուներ և ընկել է հենասյունից դեպի ՀՀ տարածք»,- նշեց Գեղարքունիքի մարզպետը։
Իսկ թե ինչ պետք է անի հայկական կողմը, եթե ադրբեջանական ԶՈւ-ն հետ չքաշվի, Գեղարքունիքի մարզպետը վստահեցրեց՝ այլ գործիքակազմ կօգտագործվի, որով կստիպեն վերջիններիս հետ գնալ։ Միևնույն ժամանակ նա հերքեց այն կարծիքը, որ գուցե ուժի գործոն կիրառվի։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։
ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։
Մայիսի 24–ին ՀՀ ԱԱԾ–ն
հայտնեց, որ ՀՀ Ազգային անվտանգության ծառայության սահմանապահ զորքերը պաշտոնապես ստանձնում են Հայաստանի Հանրապետության պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։
