https://arm.sputniknews.ru/20240605/kirancum-dprvoci-shenqi-shahagvortsman-hamar-hashvi-karnenq-gjughacineri-pahanjy-kgms-nakharar-76663952.html
Կիրանցում դպրոցի շենքի շահագործման համար հաշվի կառնենք գյուղացիների պահանջը. ԿԳՄՍ նախարար
Կիրանցում դպրոցի շենքի շահագործման համար հաշվի կառնենք գյուղացիների պահանջը. ԿԳՄՍ նախարար
Sputnik Արմենիա
Ավելի վաղ ՀՀ վարչապետ Նիկոլ Փաշինյանը հայտարարել էր, որ եթե հարկ լինի, ներողություն խնդրելով բնակիչներից, Կիրանցում նոր դպրոց կկառուցեն։ 05.06.2024, Sputnik Արմենիա
2024-06-05T11:30+0400
2024-06-05T11:30+0400
2024-06-05T11:39+0400
կիրանց
տավուշ
սահման
դելիմիտացիա
դպրոց
ժաննա անդրեասյան
https://cdn.am.sputniknews.ru/img/07e8/04/14/74788295_0:114:1600:1014_1920x0_80_0_0_0fe57ff17a5b99a7caaf82e67865743f.jpg
ԵՐԵՎԱՆ, 5 հունիսի – Sputnik. Սահմանազատումից հետո ՀՀ Տավուշի մարզի Կիրանց գյուղում կառուցված նոր դպրոցի շենքի հետագա շահագործման կամ այլ դպրոցի կառուցման որոշումը կկայացվի հաշվի առնելով կիրանցեցիների առաջարկություններն ու պահանջը։ Այս մասին հայտարարեց ԿԳՄՍ նախարար Ժաննա Անդրեասյանը` ԱԺ-ում ներկայացնելով 2023-ի բյուջեի կատարողականը։Նշենք, որ սահմանագիծն անցնելու է Կիրանցի նոր դպրոցի անմիջական հարևանությամբ։Ավելի վաղ ՀՀ վարչապետ Նիկոլ Փաշինյանը հայտարարել էր, որ եթե հարկ լինի, ներողություն խնդրելով բնակիչներից, Կիրանցում նոր դպրոց կկառուցեն։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։ ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։Մայիսի 24–ին ՀՀ ԱԱԾ–ն հայտնեց, որ ՀՀ Ազգային անվտանգության ծառայության սահմանապահ զորքերը պաշտոնապես ստանձնում են Հայաստանի Հանրապետության պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։
կիրանց
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կիրանց, տավուշ, սահման, դելիմիտացիա, դպրոց, ժաննա անդրեասյան
կիրանց, տավուշ, սահման, դելիմիտացիա, դպրոց, ժաննա անդրեասյան
Կիրանցում դպրոցի շենքի շահագործման համար հաշվի կառնենք գյուղացիների պահանջը. ԿԳՄՍ նախարար
11:30 05.06.2024 (Թարմացված է: 11:39 05.06.2024) Ավելի վաղ ՀՀ վարչապետ Նիկոլ Փաշինյանը հայտարարել էր, որ եթե հարկ լինի, ներողություն խնդրելով բնակիչներից, Կիրանցում նոր դպրոց կկառուցեն։
ԵՐԵՎԱՆ, 5 հունիսի – Sputnik. Սահմանազատումից հետո ՀՀ Տավուշի մարզի Կիրանց գյուղում կառուցված նոր դպրոցի շենքի հետագա շահագործման կամ այլ դպրոցի կառուցման որոշումը կկայացվի հաշվի առնելով կիրանցեցիների առաջարկություններն ու պահանջը։ Այս մասին հայտարարեց ԿԳՄՍ նախարար Ժաննա Անդրեասյանը` ԱԺ-ում ներկայացնելով 2023-ի բյուջեի կատարողականը։
Նշենք, որ սահմանագիծն անցնելու է Կիրանցի նոր դպրոցի անմիջական հարևանությամբ։
Ավելի վաղ ՀՀ վարչապետ Նիկոլ Փաշինյանը
հայտարարել էր, որ եթե հարկ լինի, ներողություն խնդրելով բնակիչներից, Կիրանցում նոր դպրոց կկառուցեն։
«Կիրանցում մենք գործող դպրոց ունենք այլ շենքում, նոր դպրոցի շենքը ավելի մոտ է գտնվում սահմանին և մենք ասել ենք, որ առաջնորդվելու ենք բնակիչների առաջարկով և պահանջով։ Մենք պատրաստ ենք անվտանգության հավելյալ միջոցներ գործադրել նոր դպրոցը շահագործելու համար։ Բայց եթե հավելյալ անվտանգային միջոցներից հետո էլ տեղի բնակիչները հարմար չեն գտնի երեխաներին այդ դպրոց ուղարկել, մենք պատրաստ ենք կառուցել նոր դպրոց, իսկ այդ շենքը ծառայեցնել այլ նպատակի»,–ասաց Անդրեասյանը։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։
ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։
Մայիսի 24–ին ՀՀ ԱԱԾ–ն
հայտնեց, որ ՀՀ Ազգային անվտանգության ծառայության սահմանապահ զորքերը պաշտոնապես ստանձնում են Հայաստանի Հանրապետության պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։
