https://arm.sputniknews.ru/20240410/hh-ansharzh-gujqi-shukajum-gvortsarqnern-atshel-en-vorvonq-en-pattsharnery-74393710.html
ՀՀ անշարժ գույքի շուկայում գործարքներն աճել են․ որոնք են պատճառները
ՀՀ անշարժ գույքի շուկայում գործարքներն աճել են․ որոնք են պատճառները
Sputnik Արմենիա
Փետրվարին արձանագրվել է վերջին 14 տարվա ամենաբարձր ցուցանիշը՝ նախորդ տարվա համեմատ 26,8 տոկոսով աճել է գործարքների թիվը։ 10.04.2024, Sputnik Արմենիա
2024-04-10T13:01+0400
2024-04-10T13:01+0400
2024-04-10T13:57+0400
հայաստան
անշարժ գույք
եկամտահարկ
բնակարան
երևան
մարզ
https://cdn.am.sputniknews.ru/img/1929/14/19291463_0:84:1601:984_1920x0_80_0_0_2ebd7a687e5060ed0cbb71f2a5359114.jpg
ԵՐԵՎԱՆ, 10 ապրիլի – Sputnik. ՀՀ անշարժ գույքի շուկայում հունվար-փետրվարին գործարքների զգալի աճ է արձանագրվել, գները նույնպես աճել են։ Ասուլիսի ժամանակ այս մասին հայտնեց Կադաստրի կոմիտեի շուկայի վերլուծության բաժնի պետ Աննա Նազարյանը։Նա ընդգծեց, որ Երևանում ընդհանուր առմամբ 6226 իրավունքի պետական գործարք է իրականացվել, իսկ Կոտայքի մարզում՝ 3437 գործարք։ Վայոց Ձորում գրանցվել է 607 գործարք։Նազարյանը շեշտեց՝ ակտիվությունը նկատելի է վերջին 3-4 տարում, ընդհանուր որոշ ամիսներ են եղել, որ գործարքների թիվը պակասել է։ Նրա խոսքով` անշարժ գույքի գներն էլ աճում են, քանի որ առուվաճառքի գործարքներն են շատանում։«Օտարման գործարքներից ամենաշատն աճել են առուվաճառքի գործարքները՝ դրանք 4700-ն են ամբողջ հանրապետությունում։ Նախորդ տարվա համեմատ աճել է 30 տոկոսով»,- ասաց Նազարյանը։Գների աճի մասով էլ նա շեշտեց՝ փետրվարին Երևանում գրանցվել է անշարժ գույքի գնի աճ՝ 13,2 տոկոս 2023 թվականի նույն ժամանակահատվածի համեմատ։ Հունվարին աճը եղել է 0,5 տոկոսով։ Նման պատկեր է նաև մարզերում՝ հունվար ամսվա նկատմամբ գրանցվել է 1տոկոսի աճ։Անբարեխիղճ գործարարների շահութաբաժինների գծով արտոնությունները կկրճատվեն. նախագիծ«1SQ group» ընկերության հիմնադիր Արմեն Սաքապետոյանն էլ ընդգծեց, որ գործարքների աճը պայմանավորված է եկամտահարկի վերադարձի ծրագրով։ Կանխատեսում են, որ ակտիվությունը մինչև տարվա վերջ կպահպանվի կամ նույնիսկ կավելանա։Նա եկամտահարկի վերադարձի օրենքի առնչությամբ մի մտահոգություն հայտնեց՝ Երևանում դրա ժամկետի ավարտով պայմանավորված մայրաքաղաքն ընդլայնվում է ու արդեն հարակից տարածքներն են կառուցապատվում. ենթակառուցվածքների առումով դա կարող է խնդիրների հանգեցնել։ Մյուս կողմից էլ ոլորտի փորձագետը շեշտեց, որ հարակից մարզերի խոշոր քաղաքներում՝ Աբովյանում, Էջմիածնում, Աշտարակում, Արտաշատում, ակտիվություն է նկատվում կառուցապատման մասով։ Նա ընդգծեց՝ հեռավոր մարզերում անշարժ գույքի գները դեռ շատ ցածր են, ու բիզնեսին ձեռք չի տալիս տեղափոխվել այնտեղ։ Վստահ է՝ պետք է քաղաքականությունը փոխվի, որպեսզի հեռավոր մարզերում, քաղաքներում նույնպես ակտիվություն նկատվի, քանի որ բնակֆոնդի նորացման խնդիր կա։Ինչու է անկում ապրում տնտեսությունը. մասնագետը` կառավարության վարած քաղաքականության մասին«ArGO realty» ընկերության հիմնադիր Արայիկ Գոջաբաշյանն էլ խոսեց Կադաստրի կոմիտեի ներկայացրած վիճակագրության մասին։«Հունվար-փետրվարին արված գործարքները, որոնք կադաստրը համարում է առուվաճառք, իրականում այդ անշարժ գույքերը վաճառվել են 2-3 տարի առաջ։ Մարդիկ գնման իրավունք են ձեռք բերել կառուցված շենքից, վճարել են գումարի որոշակի մասը և փոխանցման ակտի ժամանակ ընդամենն ընդունել են պատրաստի բնակարանը։ Այսինքն` եթե մինչև կորոնավիրուսը, պատերազմը, բումը շատ էր, շուկան ավելի ակտիվ էր, բայց սխալ է դա վերագրել այսօրվա քաղաքական և տնտեսական իրավիճակին, թե ամեն ինչ լավ է։ Խոսքս նորակառույց շենքերի մասին է, ոչ երկրորդային շուկայի»,- նշեց Գոջաբաշյանը։Նա ասաց, որ չնայած դրան` այնուամենայնիվ, հունվարին տոներից հետո աշխուժություն նկատվել է, բայց շատերը քայլ չեն արել (նկատի ունի բնակարան չեն գնել – խմբ․)։ Գոջաբաշյանը վստահ է՝ պատճառը նաև պատերազմի վտանգն է։ Այդուհանդերձ, նա քաղաքացիներին կոչ արեց շտապել գույք ձեռք բերելու հարցում, քանի դեռ երկրում գործում է եկամտահարկի վերադարձի օրենքը։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, անշարժ գույք, եկամտահարկ, բնակարան, երևան, մարզ
հայաստան, անշարժ գույք, եկամտահարկ, բնակարան, երևան, մարզ
ՀՀ անշարժ գույքի շուկայում գործարքներն աճել են․ որոնք են պատճառները
13:01 10.04.2024 (Թարմացված է: 13:57 10.04.2024) Փետրվարին արձանագրվել է վերջին 14 տարվա ամենաբարձր ցուցանիշը՝ նախորդ տարվա համեմատ 26,8 տոկոսով աճել է գործարքների թիվը։
ԵՐԵՎԱՆ, 10 ապրիլի – Sputnik. ՀՀ անշարժ գույքի շուկայում հունվար-փետրվարին գործարքների զգալի աճ է արձանագրվել, գները նույնպես աճել են։ Ասուլիսի ժամանակ այս մասին հայտնեց Կադաստրի կոմիտեի շուկայի վերլուծության բաժնի պետ Աննա Նազարյանը։
«Հունվարին իրականացվել է 16 394 իրավունքի պետական գրանցում (2022 թ․-ի հունվարի համեմատ 29,1 տոկոս աճ է գրանցվել)։ Փետրվարին արձանագրվել է վերջին 14 տարվա ամենաբարձր ցուցանիշը` 21 159 իրավունքի պետական գործարք է գրանցվել։ Նախորդ տարվա համեմատ 26,8 տոկոս աճ կա։ Գրեթե բոլոր մարզերում, մասնավորապես Կոտայքի մարզում, ինչպես նաև Երևանում գրանցվել է գրանցումների աճ։ Համեմատաբար պասիվ է եղել Վայոց Ձորի մարզը»,- նշեց Նազարյանը։
Նա ընդգծեց, որ Երևանում ընդհանուր առմամբ 6226 իրավունքի պետական գործարք է իրականացվել, իսկ Կոտայքի մարզում՝ 3437 գործարք։ Վայոց Ձորում գրանցվել է 607 գործարք։
Նազարյանը շեշտեց՝ ակտիվությունը նկատելի է վերջին 3-4 տարում, ընդհանուր որոշ ամիսներ են եղել, որ գործարքների թիվը պակասել է։ Նրա խոսքով` անշարժ գույքի գներն էլ աճում են, քանի որ առուվաճառքի գործարքներն են շատանում։
«Օտարման գործարքներից ամենաշատն աճել են առուվաճառքի գործարքները՝ դրանք 4700-ն են ամբողջ հանրապետությունում։ Նախորդ տարվա համեմատ աճել է 30 տոկոսով»,- ասաց Նազարյանը։
Գների աճի մասով էլ նա շեշտեց՝ փետրվարին Երևանում գրանցվել է անշարժ գույքի գնի աճ՝ 13,2 տոկոս 2023 թվականի նույն ժամանակահատվածի համեմատ։ Հունվարին աճը եղել է 0,5 տոկոսով։ Նման պատկեր է նաև մարզերում՝ հունվար ամսվա նկատմամբ գրանցվել է 1տոկոսի աճ։
«1SQ group» ընկերության հիմնադիր Արմեն Սաքապետոյանն էլ ընդգծեց, որ գործարքների աճը պայմանավորված է եկամտահարկի վերադարձի ծրագրով։ Կանխատեսում են, որ ակտիվությունը մինչև տարվա վերջ կպահպանվի կամ նույնիսկ կավելանա։
«Մենք 2024 թվականը բնորոշել ենք որպես «Սև ուրբաթ»-ի տարի, կարծում ենք, որ ակտիվությունը կավելանա ու բնակարան գնելու ցանկություն ունեցող անձինք էլ շտապելու ենք օգտվել եկամտահարկի վերադարձի հնարավորությունից, քանի որ Երևանում ծրագիրն այս տարի կավարտվի»,- նշեց Սաքապետոյանը։
Նա եկամտահարկի վերադարձի օրենքի առնչությամբ մի մտահոգություն հայտնեց՝ Երևանում դրա ժամկետի ավարտով պայմանավորված մայրաքաղաքն ընդլայնվում է ու արդեն հարակից տարածքներն են կառուցապատվում. ենթակառուցվածքների առումով դա կարող է խնդիրների հանգեցնել։ Մյուս կողմից էլ ոլորտի փորձագետը շեշտեց, որ հարակից մարզերի խոշոր քաղաքներում՝ Աբովյանում, Էջմիածնում, Աշտարակում, Արտաշատում, ակտիվություն է նկատվում կառուցապատման մասով։
Նա ընդգծեց՝ հեռավոր մարզերում անշարժ գույքի գները դեռ շատ ցածր են, ու բիզնեսին ձեռք չի տալիս տեղափոխվել այնտեղ։ Վստահ է՝ պետք է քաղաքականությունը փոխվի, որպեսզի հեռավոր մարզերում, քաղաքներում նույնպես ակտիվություն նկատվի, քանի որ բնակֆոնդի նորացման խնդիր կա։
«ArGO realty» ընկերության հիմնադիր Արայիկ Գոջաբաշյանն էլ խոսեց Կադաստրի կոմիտեի ներկայացրած վիճակագրության մասին։
«Հունվար-փետրվարին արված գործարքները, որոնք կադաստրը համարում է առուվաճառք, իրականում այդ անշարժ գույքերը վաճառվել են 2-3 տարի առաջ։ Մարդիկ գնման իրավունք են ձեռք բերել կառուցված շենքից, վճարել են գումարի որոշակի մասը և փոխանցման ակտի ժամանակ ընդամենն ընդունել են պատրաստի բնակարանը։ Այսինքն` եթե մինչև կորոնավիրուսը, պատերազմը, բումը շատ էր, շուկան ավելի ակտիվ էր, բայց սխալ է դա վերագրել այսօրվա քաղաքական և տնտեսական իրավիճակին, թե ամեն ինչ լավ է։ Խոսքս նորակառույց շենքերի մասին է, ոչ երկրորդային շուկայի»,- նշեց Գոջաբաշյանը։
Նա ասաց, որ չնայած դրան` այնուամենայնիվ, հունվարին տոներից հետո աշխուժություն նկատվել է, բայց շատերը քայլ չեն արել (նկատի ունի բնակարան չեն գնել – խմբ․)։ Գոջաբաշյանը վստահ է՝ պատճառը նաև պատերազմի վտանգն է։ Այդուհանդերձ, նա քաղաքացիներին կոչ արեց շտապել գույք ձեռք բերելու հարցում, քանի դեռ երկրում գործում է եկամտահարկի վերադարձի օրենքը։
