https://arm.sputniknews.ru/20240119/gagik-khachatrjani-gvortsvov-nisty-krkin-hetadzgvec-na-i-vitshaki-cher-mnal-datarani-dahlitshum-71309343.html
Գագիկ Խաչատրյանի գործով նիստը կրկին հետաձգվեց. նա ի վիճակի չէր մնալ դատարանի դահլիճում
Գագիկ Խաչատրյանի գործով նիստը կրկին հետաձգվեց. նա ի վիճակի չէր մնալ դատարանի դահլիճում
Sputnik Արմենիա
Հաջորդ դատական նիստը տեղի կունենա հուվարի 31-ին։ 19.01.2024, Sputnik Արմենիա
2024-01-19T13:54+0400
2024-01-19T13:54+0400
2024-01-19T16:11+0400
պետական եկամուտների կոմիտե (պեկ)
դատարան
գագիկ խաչատրյան
նիստ
երեմ սարգսյան
հիվանդություն
https://cdn.am.sputniknews.ru/img/2019/74/20197465_0:0:1000:563_1920x0_80_0_0_980e630b88f1b6b553b18cc336020158.jpg
ԵՐԵՎԱՆ, 19 հունվարի – Sputnik. ՊԵԿ նախկին նախագահ, Ֆինանսների նախկին նախարար Գագիկ Խաչատրյանին այսօր կրկին դատարան բերեցին շտապօգնության մեքենայով և անվասայլակով։Դատական նիստի սկզբում Գագիկ Խաչատրյանի պաշտպան Երեմ Սարգսյանը ներկայացրեց միջնորդություն, որպեսզի դատարանը նրան թույլ տա մեկնել Գերմանիա` վիրահատության։ Պաշտպանը վստահեցրեց, որ Խաչատրյանի վիրահատությունը Հայաստանում անհնար է։«Վիրահատությունն անհապաղ է, այն կապված է ողնաշարի հետ, վիճակն այնքան ծանր է, որ նա նույնիսկ չի կարողանում քայլել։ Այս ամեննն այսքան ձգձգելու և նրան բուժում ստանալու հնարավորությունից զրկելու արդյունք է»,– իր ելույթում ասաց Երեմ Սարգսյանը։Նա վստահեցրեց, որ դա դատական պրոցեսին չի խանգարի ու հիշեցրեց, որ 2019թ.-ին գտնվելով Գերմանիայում, Խաչատրյանը քննիչի առաջին իսկ հեռախոսային կանչով ընդհատել է հետվիրահատական բուժումն ու վերադարձել Հայաստան։Հերթական անգամ ընդմիջման գնալուց հետո պաշտպանը խնդրեց հետաձգել դատական նիստը, քանի որ, ըստ նրա, մեղադրյալն այլևս ի վիճակի չէ մնալ դատարանի դահլիճում։Հաջորդ դատական նիստը տեղի կունենա հուվարի 31-ին։Հիշեցնենք, որ Խաչատրյանին մեղադրանք է առաջադրված միլիոնավոր դոլարների չարաշահման, կաշառք վերցնելու և փողերի լվացման համար։ Խոսքը 41 միլիոն դոլարի մասին է։Ըստ դատախազության՝ ՀՀ ֆինանսների նախկին նախարար, ՊԵԿ նախկին նախագահ Գագիկ Խաչատրյանից և նրա հետ փոխկապակցված 25 անձանցից ապօրինի ծագում ունեցող գույքի բռնագանձման գործառույթի շրջանակում բռնագանձման ենթակա է 210 միավոր անշարժ գույք, որից 60-ը՝ Երևան քաղաքում։Գագիկ Խաչատրյանից ու նրա 25 մտերիմներից 210 միավոր անշարժ գույք կբռնագանձվիԴատախազությունը պահանջում է նաև բռնագանձել 14 տրանսպորտային միջոց, 33 կազմակերպություններում ունեցած մասնաբաժիններ և ավելի քան 40 միլիարդ դրամ գումար:Բռնագանձման ենթակա գույքի ցանկում է նաև նախկին պաշտոնյային պատկանող շքեղ առանձնատունը, որը գտնվում է Լոս Անջելեսում։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
պետական եկամուտների կոմիտե (պեկ), դատարան, գագիկ խաչատրյան, նիստ, երեմ սարգսյան, հիվանդություն
պետական եկամուտների կոմիտե (պեկ), դատարան, գագիկ խաչատրյան, նիստ, երեմ սարգսյան, հիվանդություն
Գագիկ Խաչատրյանի գործով նիստը կրկին հետաձգվեց. նա ի վիճակի չէր մնալ դատարանի դահլիճում
13:54 19.01.2024 (Թարմացված է: 16:11 19.01.2024) Հաջորդ դատական նիստը տեղի կունենա հուվարի 31-ին։
ԵՐԵՎԱՆ, 19 հունվարի – Sputnik. ՊԵԿ նախկին նախագահ, Ֆինանսների նախկին նախարար Գագիկ Խաչատրյանին այսօր կրկին դատարան բերեցին շտապօգնության մեքենայով և անվասայլակով։
Դատական նիստի սկզբում Գագիկ Խաչատրյանի պաշտպան Երեմ Սարգսյանը ներկայացրեց միջնորդություն, որպեսզի դատարանը նրան թույլ տա մեկնել Գերմանիա` վիրահատության։ Պաշտպանը վստահեցրեց, որ Խաչատրյանի վիրահատությունը Հայաստանում անհնար է։
«Վիրահատությունն անհապաղ է, այն կապված է ողնաշարի հետ, վիճակն այնքան ծանր է, որ նա նույնիսկ չի կարողանում քայլել։ Այս ամեննն այսքան ձգձգելու և նրան բուժում ստանալու հնարավորությունից զրկելու արդյունք է»,– իր ելույթում ասաց Երեմ Սարգսյանը։
Նա վստահեցրեց, որ դա դատական պրոցեսին չի խանգարի ու հիշեցրեց, որ 2019թ.-ին գտնվելով Գերմանիայում, Խաչատրյանը քննիչի առաջին իսկ հեռախոսային կանչով ընդհատել է հետվիրահատական բուժումն ու վերադարձել Հայաստան։
«Մեղադրայլն արդեն մի քանի անգամ դատական նիստի ընթացքում ստացել է ցավազրկող ներարկում։ Ես համոզված եմ, որ եթե սա չլիներ Գագիկ Խաչատրյանին վերաբերող գործ , դուք ձեր նախաձեռնությամբ նիստը կհետաձգեիք։ Այս գործով բոլորը կաշկանդված են։ Ինչքան ասում ենք, որ մարդը վատ է, այդքան անտարբեր լսում եք»,– հավելեց պաշտպանը։
Հերթական անգամ ընդմիջման գնալուց հետո պաշտպանը խնդրեց հետաձգել դատական նիստը, քանի որ, ըստ նրա, մեղադրյալն այլևս ի վիճակի չէ մնալ դատարանի դահլիճում։
Հաջորդ դատական նիստը տեղի կունենա հուվարի 31-ին։
Հիշեցնենք, որ Խաչատրյանին մեղադրանք է առաջադրված միլիոնավոր դոլարների չարաշահման, կաշառք վերցնելու և փողերի լվացման համար։ Խոսքը 41 միլիոն դոլարի մասին է։
Ըստ դատախազության՝ ՀՀ ֆինանսների նախկին նախարար, ՊԵԿ նախկին նախագահ Գագիկ Խաչատրյանից և նրա հետ փոխկապակցված 25 անձանցից ապօրինի ծագում ունեցող գույքի բռնագանձման գործառույթի շրջանակում բռնագանձման ենթակա է 210 միավոր անշարժ գույք, որից 60-ը՝ Երևան քաղաքում։
Դատախազությունը պահանջում է նաև բռնագանձել 14 տրանսպորտային միջոց, 33 կազմակերպություններում ունեցած մասնաբաժիններ և ավելի քան 40 միլիարդ դրամ գումար:
Բռնագանձման ենթակա գույքի ցանկում է նաև նախկին
պաշտոնյային պատկանող շքեղ առանձնատունը, որը գտնվում է Լոս Անջելեսում։
