Տեղամասերի դռները բացվեցին. Երևանն այսօր ավագանի է ընտրում
08:00 17.09.2023 (Թարմացված է: 08:30 17.09.2023)
© Sputnik / Aram NersesyanՏեղամասերի դռները բացվեցին. Երևանն այսօր քաղաքապետ է ընտրում
Տեղամասերի դռները բացվեցին. Երևանն այսօր քաղաքապետ է ընտրում
© Sputnik / Aram Nersesyan
Բաժանորդագրվել
Երևանի ավագանու ընտրությունների մասնակիցների թիվը 824.250 է։
ԵՐԵՎԱՆ, 17 սեպտեմբերի – Sputnik. Երևանում այսօր ավագանու ընտրություններ են անցկացվում։ Ուղիղ ժամը 8–ին Երևանի 12 վարչական շրջաններում բացվեցին 475 ընտրական տեղամասերի դռները։
Երևանի քաղաքի գրանցում ունեցող քաղաքացիները կարող են մինչև երեկոյան 20։00–ը մասնակցել ավագանու ընտրություններին և իրենց քվեն տալ նախընտրած ուժին։
Նշենք, որ սեպտեմբերի 7-ի դրությամբ Երևանում ընտրողների թիվը կազմում է 824 հազար 250։ Ըստ վարչական շրջանների` ամենաշատ ընտրողները Շենգավիթ համայնքում են` 110780, իսկ ամենաքիչը Նուբարաշենում` 8065։
ԿԸՀ քարտուղար Արմեն Սմբատյանը Sputnik Արմենիայի հետ զրույցում նշեց, որ Հայաստանից դուրս ընտրական տեղամասեր, տեղամասային կենտրոններ չեն ձևավորվելու։ Էլեկտրոնային քվեարկություն ևս չի լինելու։
«Երևանի ավագանու ընտրություններին կարող են մասնակցել ոչ միայն երևանցիները, այլ նաև մեկ տարուց ավելի մայրաքաղաքում հաշվառում ունեցող օտարերկրացիները»,–ասաց նա։
Նա հավելել է, որ ընտրությունների ընթացքին կհետևեն երեք տեղական և երկու արտասահմանյան դիտորդական առաքելություններ։ Ընդհանուր առմամբ, քվեարկության օրինականությանը կհետևեն 350 տեղական և 24 օտարերկրյա դիտորդներ։
Բացի այդ, ընտրություններին հետևելու են այլ երկրների Կենտրոնական ընտրական մարմիններից շուրջ 40 ներկայացուցիչներ և ևս 40 դիվանագետներ։
Բոլոր ընտրատեղամասերից լինելու է ուղիղ հեռարձակում։
Հիշեցնենք, որ Երևանի ավագանու ընտրություններին այսօր մասնակցում են 13 կուսակցություն և 1 դաշինք
1.
«Հայաստանի եվրոպական» կուսակցություն (թեկնածուն` Տիգրան Խզմալյան)2.
«Ժողովրդավարական համախմբում» կուսակցություն (Սուրեն Պետրոսյան),3.
«Քաղաքացիական պայմանագիր» կուսակցություն (Տիգրան Ավինյան),4.
«Հանուն սոցիալական արդարության» կուսակցություն (Արման Ղուկասյան),5.
«Ուժը հայրենյաց» կուսակցություն (Նելլի Հարությունյան),6.
«Հանրային ձայն» կուսակցություն (Արտակ Գալստյան),7.
«Ազգային առաջընթաց» կուսակցություն (Հայկ Մարության),8.
«Հաղթանակ» կուսակցություն (Վիկտոր Մնացականյան),9.
«Ապրելու երկիր» կուսակցություն (Մանե Թանդիլյան),10.
«Հանրապետություն» կուսակցություն (Արտակ Զեյնալյան),11.
«Միացյալ Հայաստան» կուսակցություն (Երվանդ Թարվերդյան),12.
«Արդար Հայաստան» կուսակցություն (Նորիկ Նորիկյան),13.
«Լուսավոր Հայաստան» կուսակցություն (Դավիթ Խաժակյան),14.
«Մայր Հայաստան» դաշինք («Երկիր Ծիրանի» և «Ինտելեկտուալ Հայաստան կուսակցություններ) (Անդրանիկ Թևանյան)։