https://arm.sputniknews.ru/20230327/hajkakan-ynkerutjuny-chiperi-nakhagtsumn-yndlajnum-e-mijazgajin-shukaji-hamar-57126669.html
Հայկական ընկերությունը չիպերի նախագծումն ընդլայնում է միջազգային շուկայի համար
Հայկական ընկերությունը չիպերի նախագծումն ընդլայնում է միջազգային շուկայի համար
Sputnik Արմենիա
«Idea Technologies» ընկերության թիմը համալրված է մի շարք փորձառու ճարտարագետներով, որոնք աշխատել են հայկական և արտասահմանյան առաջատար ընկերություններում։ 27.03.2023, Sputnik Արմենիա
2023-03-27T08:52+0400
2023-03-27T08:52+0400
2023-03-27T08:52+0400
հայաստան
գործարք
նախագիծ
չիպ
վարդան ավետիսյան
https://cdn.am.sputniknews.ru/img/07e7/03/17/57147978_0:284:1600:1184_1920x0_80_0_0_f29c5e76eb3b8d56edcbc8dd4f92371d.jpg
ԵՐԵՎԱՆ, 27 մարտի – Sputnik. Հայկական «Idea Technologies» ընկերությունն ընդլայնում է չիպերի նախագծումը միջազգային շուկայի համար։ Ընկերությունը նախագծերի հիմնական ուղղություն է ընտրել secure (անվտանգ) չիպերը, որոնց մուտքերը (logic gates) ավտոմատ արգելափակվում են (այսպես ասած` չիպը «վառվում» է, դառնում է անպիտան) ապօրինի ներթափանցման դեպքում։ Ինչպես Sputnik Արմենիայի հետ զրույցում ասաց ընկերության հիմնադիր և տնօրեն Վարդան Ավետիսյանը, այդ չիպերը կարող են նախատեսված լինել թե՛ պաշտպանական, թե քաղաքացիական նպատակների համար, այդ թվում` ֆինանսական գործարքների (ներառյալ կրիպտոարժույթներով) սպասարկման համար։Ի սկզբանե ընկերությունը որոշել է հանդես գալ ոչ թե որպես ինտեգրատոր (այսինքն` նախագծերը կազմել պատրաստի «կուբիկներից»), այլ ամբողջությամբ ստեղծել այդ «կուբիկները» (թվային և անալոգային բաղադրիչները):Նախագծերը` պատրաստի արտադրության հրահանգներով (GDS files), ուղարկվում են արտադրողներին` Թայվան (TSMC, UMC) կամ Գերմանիա (XFAB)։ Այնտեղ արտադրվում են մոդելների նմուշներ, որոնք հետ են գալիս ընկերություն ու փորձարկվում հատուկ տպասալերի վրա (որոնք ևս նախագծում է ընկերությունը)։«Այնուհետև մենք ուղարկում ենք դրանք մասնագիտացված լաբորատորիաներ, որտեղ նրանք պիտի ստանան EAL5+ ստանդարտի սերտիֆիկատ, որից հետո միայն նրանք կարող են մուտք գործել ԵՄ շուկա», – նշեց նա։Ընկերությունը նախագծում է բավականին փոքր չափերի (55 նանոմետր) ինտեգրալ սխեմաներ, իսկ դրանց հիման վրա` չիպեր։«Idea Technologies» ընկերությունը հիմնադրվել է մոտ 4 տարի առաջ։ Մինչ այդ Վարդանը շուրջ 20 տարի աշխատել է միկրոէլեկտրոնիկայի ոլորտում` Հայաստանի և Ռուսաստանի խոշորագույն ընկերությունում, որտեղ նախագծել է ASIC չիպեր, FPGA-ներ և Secure տվյալների փոխանցման համակարգեր։ 2019-ին նա որոշել է վերադառնալ, հիմնել տեղական ընկերություն և իրականացնել նախագծեր ի նպաստ հայկական տեխնոլոգիաների զարգացման։Ընկերության թիմը մասամբ կազմվել է տեղացի բարձրակարգ մասնագետներից, մասամբ էլ համալրվել է արտասահմանում աշխատող հայազգի լավագույն մասնագետներով։Մոտ ապագայում «Idea Technologies»–ը նախատեսում է համատեղ նախագծեր սկսել նաև տեղական մի շարք ընկերությունների հետ։Ընկերության տեխնոլոգիաները ցուցադրվել են Երևանում օրերս կայացած «Digitec» բարձր տեխնոլոգիական ամենամյա ցուցահանդեսում, որի կազմակերպիչն է Հայաստանի առաջատար տեխնոլոգիաների ձեռնարկությունների միությունը (UATE):Ինչու են հայաստանյան բանկերն այդքան պատրաստակամորեն ավանդներ ներգրավում
Sputnik Արմենիա
media@sputniknews.com
+74956456601
MIA „Rossiya Segodnya“
2023
Արամ Գարեգինյան
https://cdn.am.sputniknews.ru/img/1629/46/16294616_318:-1:1383:1065_100x100_80_0_0_cae4f7e4e625377d36ba17d54a97c61e.jpg
Արամ Գարեգինյան
https://cdn.am.sputniknews.ru/img/1629/46/16294616_318:-1:1383:1065_100x100_80_0_0_cae4f7e4e625377d36ba17d54a97c61e.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Արամ Գարեգինյան
https://cdn.am.sputniknews.ru/img/1629/46/16294616_318:-1:1383:1065_100x100_80_0_0_cae4f7e4e625377d36ba17d54a97c61e.jpg
հայաստան, գործարք, նախագիծ, չիպ, վարդան ավետիսյան
հայաստան, գործարք, նախագիծ, չիպ, վարդան ավետիսյան
Հայկական ընկերությունը չիպերի նախագծումն ընդլայնում է միջազգային շուկայի համար
«Idea Technologies» ընկերության թիմը համալրված է մի շարք փորձառու ճարտարագետներով, որոնք աշխատել են հայկական և արտասահմանյան առաջատար ընկերություններում։
ԵՐԵՎԱՆ, 27 մարտի – Sputnik. Հայկական «Idea Technologies» ընկերությունն ընդլայնում է չիպերի նախագծումը միջազգային շուկայի համար։ Ընկերությունը նախագծերի հիմնական ուղղություն է ընտրել secure (անվտանգ) չիպերը, որոնց մուտքերը (logic gates) ավտոմատ արգելափակվում են (այսպես ասած` չիպը «վառվում» է, դառնում է անպիտան) ապօրինի ներթափանցման դեպքում։ Ինչպես
Sputnik Արմենիայի հետ զրույցում ասաց ընկերության հիմնադիր և տնօրեն Վարդան Ավետիսյանը, այդ չիպերը կարող են նախատեսված լինել թե՛ պաշտպանական, թե քաղաքացիական նպատակների համար, այդ թվում` ֆինանսական գործարքների (ներառյալ կրիպտոարժույթներով) սպասարկման համար։
Ի սկզբանե ընկերությունը որոշել է հանդես գալ ոչ թե որպես ինտեգրատոր (այսինքն` նախագծերը կազմել պատրաստի «կուբիկներից»), այլ ամբողջությամբ ստեղծել այդ «կուբիկները» (թվային և անալոգային բաղադրիչները):
Նախագծերը` պատրաստի արտադրության հրահանգներով (GDS files), ուղարկվում են արտադրողներին` Թայվան (TSMC, UMC) կամ Գերմանիա (XFAB)։ Այնտեղ արտադրվում են մոդելների նմուշներ, որոնք հետ են գալիս ընկերություն ու փորձարկվում հատուկ տպասալերի վրա (որոնք ևս նախագծում է ընկերությունը)։
«Այնուհետև մենք ուղարկում ենք դրանք մասնագիտացված լաբորատորիաներ, որտեղ նրանք պիտի ստանան EAL5+ ստանդարտի սերտիֆիկատ, որից հետո միայն նրանք կարող են մուտք գործել ԵՄ շուկա», – նշեց նա։
Ընկերությունը նախագծում է բավականին փոքր չափերի (55 նանոմետր) ինտեգրալ սխեմաներ, իսկ դրանց հիման վրա` չիպեր։
«Տիրապետում ենք էլ ավելի փոքր չափի ինտեգրալ սխեմաներ պատրաստելու տեխնոլոգիաներին, պարզապես շուկայում ազատ վաճառվող հիշողության էլեմենտները (eFlash memory) այդ չափի են։ Եթե հայտնվեն ավելի փոքրերը, մեր չիպերը ևս կարող ենք փոքրացնել»,– ասաց Վարդանը։
«Idea Technologies» ընկերությունը հիմնադրվել է մոտ 4 տարի առաջ։ Մինչ այդ Վարդանը շուրջ 20 տարի աշխատել է միկրոէլեկտրոնիկայի ոլորտում` Հայաստանի և Ռուսաստանի խոշորագույն ընկերությունում, որտեղ նախագծել է ASIC չիպեր, FPGA-ներ և Secure տվյալների փոխանցման համակարգեր։ 2019-ին նա որոշել է վերադառնալ, հիմնել տեղական ընկերություն և իրականացնել նախագծեր ի նպաստ հայկական տեխնոլոգիաների զարգացման։
Ընկերության թիմը մասամբ կազմվել է տեղացի բարձրակարգ մասնագետներից, մասամբ էլ համալրվել է արտասահմանում աշխատող հայազգի լավագույն մասնագետներով։
«Ունենք աշխատողներ, որոնք ժամանակին մեկնել էին Բրիտանիա, ԱՄՆ կամ Կանադա։ Հիմա նրանք, ապրելով այդ երկրներում, հեռավար աշխատում են նաև մեր ընկերությունում»,– պատմեց Վարդանը։
Մոտ ապագայում «Idea Technologies»–ը նախատեսում է համատեղ նախագծեր սկսել նաև տեղական մի շարք ընկերությունների հետ։
Ընկերության տեխնոլոգիաները ցուցադրվել են Երևանում օրերս կայացած «Digitec» բարձր տեխնոլոգիական ամենամյա ցուցահանդեսում, որի կազմակերպիչն է Հայաստանի առաջատար տեխնոլոգիաների ձեռնարկությունների միությունը (UATE):
