https://arm.sputniknews.ru/20230302/peky-hajtnaberel-e-nvor-zvovq-spy-i-tvjalneri-shtemarany-servery-56133672.html
ՊԵԿ–ը հայտնաբերել է «Նոր Զովք» ՍՊԸ-ի տվյալների շտեմարանը` սերվերը
ՊԵԿ–ը հայտնաբերել է «Նոր Զովք» ՍՊԸ-ի տվյալների շտեմարանը` սերվերը
Sputnik Արմենիա
Տվյալների շտեմարանը հայտնաբերվել է մի շինության նկուղային հարկի վերջնամասում՝ արկղերով և ալյուրի պարկերով քողարկված փակ դռան հետևում։ 02.03.2023, Sputnik Արմենիա
2023-03-02T11:13+0400
2023-03-02T11:13+0400
2023-03-02T11:14+0400
«զովք» սուպերմարկետ
տեսանյութեր
տեսանյութ
պետական եկամուտների կոմիտե (պեկ)
սերվեր
կալանավորել
https://cdn.am.sputniknews.ru/img/07e7/03/02/56133274_0:0:1600:900_1920x0_80_0_0_36e55aea3d8aad6473ce87cbdd67a0ec.jpg
Պետական եկամուտների կոմիտեն խուզարկություն է իրականացրել «Նոր Զովք» ՍՊԸ-ի ծրագրային ապահովումն իրականացնող «Ակթրեյդ Սոֆթ» ՍՊԸ–ում ու հայտնաբերել քրեական վարույթով կարևոր նշանակություն ունեցող առարկաներ և փաստաթղթեր: Տեղեկությունը հայտնում է ՊԵԿ մամուլի ծառայությունը։Առարկաների և փաստաթղթերի զննման, շինության խուզարկության, միաժամանակ օպերատիվ տվյալների համադրության արդյունքում պարզվել է, որ ընկերությունն իր գրասենյակից դուրս օգտագործում է տվյալների շտեմարան` սերվեր։Այնինչ ընկերության հիմնադիր և իրական շահառու Վ․Ս․ -ն և մյուս աշխատակիցներն անընդհատ պնդել են, որ ընկերությունը տվյալների առանձին շտեմարան չունի:Խուզարկության արդյունքում շինության նկուղային հարկի վերջնամասում՝ արկղերով և ալյուրի պարկերով քողարկված, հայտնաբերվել է փակ դուռ, որից ներս գտնվել է տվյալների շտեմարանը:Շտեմարանի հետազոտման արդյունքում պարզվել է, որ «Նոր Զովք» ընկերությունն առևտուր իրականացնող գնորդներին տրամադրել է ֆիսկալ համար պարունակող ՀԴՄ կտրոններ, սակայն այդ կտրոններում արտացոլված գնումների դիմաց վճարվող գումարների մի մասի վերաբերյալ տեղեկատվությունը չի ուղարկել հարկային մարմին։Խուզարկությունից առաջ պահանջել են անջատել տեսախցիկները. «Նոր Զովքի» հայտարարությունըՎարույթային գործողությունների արդյունքում վեր են հանվել «Զովք» սուպերմարկետների՝ 2019-2023 թ․թ․-ի վաճառքներից ձևավորված իրական հասույթները։ Արդյունքում, ձեռքբերված փաստական տվյալների հիմքով կատարվել է պետությանը պատճառված վնասի հաշվարկ։Ըստ նախնական տվյալների՝ ընկերությունը թերհայտարարագրել է շուրջ 13․2 մլրդ դրամի հարկվող օբյեկտ, իսկ պակաս վճարված հարկը կազմել է շուրջ 4․1 մլրդ դրամ։ Ներկայում միջոցառումներ են ձեռնարկվում պետությանը պատճառված վնասի վերջնական չափը հստակեցնելու համար:Հիշեցնենք, որ այսօր ՀՀ քննչական կոմիտեն հայտնել էր, որ «Նոր Զովք» ՍՊԸ-ում առերևույթ հարկային չարաշահումներին վերաբերող քրեական վարույթով մեղադրյալ 4 անձինք կալանավորվել են։ Նրանք են «Նոր Զովք» ՍՊԸ սեփականատեր Արամ Արամյանը, ընկերության տնօրեն Ռ․Ա․-ն, գլխավոր հաշվապահ Ս․Ս․-ն, ու առերևույթ հանցավոր մեխանիզմի կիրառմանը տեխնոլոգիական-ծրագրային աջակցություն ցուցաբերած «Ակթրեյդ Սոֆթ» ՍՊԸ–ի տնօրեն Վ․Ս․–ն։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«զովք» սուպերմարկետ, տեսանյութեր, տեսանյութ, видео, պետական եկամուտների կոմիտե (պեկ), սերվեր, կալանավորել
«զովք» սուպերմարկետ, տեսանյութեր, տեսանյութ, видео, պետական եկամուտների կոմիտե (պեկ), սերվեր, կալանավորել
ՊԵԿ–ը հայտնաբերել է «Նոր Զովք» ՍՊԸ-ի տվյալների շտեմարանը` սերվերը
11:13 02.03.2023 (Թարմացված է: 11:14 02.03.2023) Տվյալների շտեմարանը հայտնաբերվել է մի շինության նկուղային հարկի վերջնամասում՝ արկղերով և ալյուրի պարկերով քողարկված փակ դռան հետևում։
Պետական եկամուտների կոմիտեն խուզարկություն է իրականացրել «Նոր Զովք» ՍՊԸ-ի ծրագրային ապահովումն իրականացնող «Ակթրեյդ Սոֆթ» ՍՊԸ–ում ու հայտնաբերել քրեական վարույթով կարևոր նշանակություն ունեցող առարկաներ և փաստաթղթեր: Տեղեկությունը հայտնում է
ՊԵԿ մամուլի ծառայությունը։
Առարկաների և փաստաթղթերի զննման, շինության խուզարկության, միաժամանակ օպերատիվ տվյալների համադրության արդյունքում պարզվել է, որ ընկերությունն իր գրասենյակից դուրս օգտագործում է տվյալների շտեմարան` սերվեր։
Այնինչ ընկերության հիմնադիր և իրական շահառու Վ․Ս․ -ն և մյուս աշխատակիցներն անընդհատ պնդել են, որ ընկերությունը տվյալների առանձին շտեմարան չունի:
«Օպերլիազորներն անմիջապես օպերատիվ հսկողություն են սահմանել նշված և հարակից հասցեներում, որի արդյունքում տվյալներ են ձեռք բերվել, որ «Նոր Զովք» ՍՊԸ-ի տվյալների շտեմարանը` սերվերը, գտնվում է Երևանի Բաղրամյան պողոտայի 77/5 հասցեում, որն ի դեպ, «Ակթրեյդ Սոֆթ» ընկերությունից գտնվում է մոտ 1,6 կմ հեռավորության վրա և իրենից ներկայացնում է երեքհարկանի շինություն»,– ասված է հաղորդագրությունում։
Խուզարկության արդյունքում շինության նկուղային հարկի վերջնամասում՝ արկղերով և ալյուրի պարկերով քողարկված, հայտնաբերվել է փակ դուռ, որից ներս գտնվել է տվյալների շտեմարանը:
Շտեմարանի հետազոտման արդյունքում պարզվել է, որ «Նոր Զովք» ընկերությունն առևտուր իրականացնող գնորդներին տրամադրել է ֆիսկալ համար պարունակող ՀԴՄ կտրոններ, սակայն այդ կտրոններում արտացոլված գնումների դիմաց վճարվող գումարների մի մասի վերաբերյալ տեղեկատվությունը չի ուղարկել հարկային մարմին։
Վարույթային գործողությունների արդյունքում վեր են հանվել «Զովք» սուպերմարկետների՝ 2019-2023 թ․թ․-ի վաճառքներից ձևավորված իրական հասույթները։ Արդյունքում, ձեռքբերված փաստական տվյալների հիմքով կատարվել է պետությանը պատճառված վնասի հաշվարկ։
Ըստ նախնական տվյալների՝ ընկերությունը թերհայտարարագրել է շուրջ 13․2 մլրդ դրամի հարկվող օբյեկտ, իսկ պակաս վճարված հարկը կազմել է շուրջ 4․1 մլրդ դրամ։ Ներկայում միջոցառումներ են ձեռնարկվում պետությանը պատճառված վնասի վերջնական չափը հստակեցնելու համար:
Հիշեցնենք, որ այսօր
ՀՀ քննչական կոմիտեն հայտնել էր, որ «Նոր Զովք» ՍՊԸ-ում առերևույթ հարկային չարաշահումներին վերաբերող քրեական վարույթով մեղադրյալ 4 անձինք կալանավորվել են։ Նրանք են «Նոր Զովք» ՍՊԸ սեփականատեր Արամ Արամյանը, ընկերության տնօրեն Ռ․Ա․-ն, գլխավոր հաշվապահ Ս․Ս․-ն, ու առերևույթ հանցավոր մեխանիզմի կիրառմանը տեխնոլոգիական-ծրագրային աջակցություն ցուցաբերած «Ակթրեյդ Սոֆթ» ՍՊԸ–ի տնօրեն Վ․Ս․–ն։
