ՀՀ մի քանի մարզում ձյուն է տեղում, Լարսը փակ է բոլոր տրանսպորտային միջոցների համար. ՓԾ
09:53 03.02.2023 (Թարմացված է: 10:00 03.02.2023)
© Photo : ՀՀ ոստիկանություն / Police of the Republic of ArmeniaՁմեռային ճանապարհ. արխիվային լուսանկար
![Ձմեռային ճանապարհ. արխիվային լուսանկար Ձմեռային ճանապարհ. արխիվային լուսանկար - Sputnik Արմենիա, 1920, 03.02.2023](https://cdn.am.sputniknews.ru/img/07e5/03/1b/26956707_12:0:990:550_1920x0_80_0_0_32001f8eae269b3e3f1f58a0724a7740.jpg)
© Photo : ՀՀ ոստիկանություն / Police of the Republic of Armenia
Բաժանորդագրվել
Վարորդներին խորհուրդ է տրվում երթևեկել բացառապես ձմեռային անվադողերով։
ԵՐԵՎԱՆ, 3 փետրվարի - Sputnik. ՀՀ տարածքում կան փակ և դժվարանցանելի ավտոճանապարհներ, փակ է նաև Լարսի անցակետը, Հայաստանի մի քանի մարզում ձյուն է տեղում, ճանապարհներրին առկա է մերկասառույց։ Տեղեկությունը հայտնում է ՀՀ ՆԳՆ Փրկարար ծառայությունը։ Եվ այսպես`
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։
Գեղարքունիքի մարզի կողմից Վարդենյաց լեռնանցքը կցորդիչով բեռնատարների համար փակ է, մյուս տրանսպորտային միջոցների համար՝ դժվարանցանելի։
Դիլիջանի ոլորանները դժվարանցանելի են բեռնատարների համար:
«Մեղրու սար» կոչվող հատվածը դժվարանցանելի է կցորդիչով բեռնատարների համար։
Տիգրանաշենի ոլորաններում, Սիսիան-Գորիս, Թալին-Մաստարա-Լանջիկ, Գեղարքունիքի մարզի, ինչպես նաև Աբովյանի և Եղվարդի տարածաշրջանների ավտոճանապարհներին տեղ-տեղ առկա է մերկասառույց։
Վարդենյաց լեռնանցքում, Ապարանի տարածաշրջանում, Վայոց Ձորի, Սյունիքի (բացի Կապան, Մեղրի, Գորիս քաղաքներից) մարզերում, Ելփին-Չիվա ավտոճանապարհին, Սարավան-«Զանգեր» հատվածում տեղում է ձյուն։
Սյունիքի մարզում (բացի Գորիս և Մեղրի քաղաքներից) մառախուղ է։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։
Վարորդներին խորհուրդ է տրվում երթևեկել բացառապես ձմեռային անվադողերով։