https://arm.sputniknews.ru/20230119/zinvvornern-im-vordinern-ein-es-irenc-im-erekhaneri-nman-sirel-em-azat-gjughi-bnakich-54043212.html

«Զինվորներն իմ որդիներն էին, իրենց իմ երեխաների նման սիրել եմ». ի՞նչ են պատմում բնակիչները

«Զինվորներն իմ որդիներն էին, իրենց իմ երեխաների նման սիրել եմ». ի՞նչ են պատմում բնակիչները

Sputnik Արմենիա

Զինվորների կացարանի հարևանությամբ ապրող բնակչը վերջին անգամ երեկ երեկոյան է հանդիպել զինվորներին։ 19.01.2023, Sputnik Արմենիա

2023-01-19T13:59+0400

2023-01-19T13:59+0400

2023-01-19T14:09+0400

զորամաս

հրդեհ

բնակիչ

գեղարքունիքի մարզ

զինվոր

զոհ

մահ

https://cdn.am.sputniknews.ru/img/07e7/01/13/54041946_0:0:1600:901_1920x0_80_0_0_515a09c40c3413d38a7ad60b21a46cd8.jpg

ԵՐԵՎԱՆ, 19 հունվարի – Sputnik. Գեղարքունիքի մարզի հրդեհված զորամասի հարևանությամբ ապրող բնակիչները գիշերը պայթյունի ձայներ չեն լսել։ Երբ արթնացել են, արդեն ամեն ինչ այրված է եղել։ Այս մասին նրանք պատմեցին Sputnik Արմենիայի թղթակցին։Ազատ գյուղի բնակիչ Ավետիք Գրիգորյանը պատմեց, որ շատ մտերիմ է եղել զինվորների հետ, նրանք պարբերաբար այցելել են իր տուն։ Այնպես որ, տղաների կորուստը նրա համար անձնական կորուստ է։Քանի որ Ավետիք Գրիգորյանը շատ մոտ է ապրել զորամասին, ճանաչել է նաև զինվորներից շատերի ծնողներին։ Նրա խոսքով` դեռ վաղ առավոտից ծնողները զանգում են իրեն։«Զանգում են, չգիտեմ` ինչ պատասխանեմ»,– ասաց նա։Ավետիք Գրիգորյանը պատմեց նաև, որ զորամասի զինվորներին վերջին անգամ տեսել է երեկ երեկոյան, երբ նրանք եկել էին գյուղ` ջուր տանելու։Հիշեցնենք, որ հունվարի 19-ին՝ ժամը 01:30-ի սահմաններում, դեռևս չպարզված հանգամանքներում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում։Հաղորդվել էր, որ չնայած դեպքի վայրում ծավալվել են հրդեհաշիջման աշխատանքներ, հրդեհի հետևանքով կա 15 զոհ և 3 վիրավոր։ Մահացածները ժամկետային զինծառայողներ են։Դեպքի առնչությամբ արդեն պաշտոնանկություններ են եղել։

գեղարքունիքի մարզ

2023

Լուրեր

am_HY

զորամաս, հրդեհ, видео, բնակիչ, գեղարքունիքի մարզ, զինվոր, զոհ, մահ