https://arm.sputniknews.ru/20221221/pek-nakhkin-pashtvonjan-kasharqi-dimac-ognel-e-aporini-tshanaparhvov-tskhakhvot-artahanel-52966202.html
ՊԵԿ նախկին պաշտոնյան կաշառքի դիմաց օգնել է ապօրինի ճանապարհով ծխախոտ արտահանել
ՊԵԿ նախկին պաշտոնյան կաշառքի դիմաց օգնել է ապօրինի ճանապարհով ծխախոտ արտահանել
Sputnik Արմենիա
Բագրատաշենի մաքսակետում բեռնատարի զննման արդյունքում հայտնաբերվել է մաքսային հսկողությունից թաքցված 199.000 տուփ տարբեր տեսակի ծխախոտ։ 21.12.2022, Sputnik Արմենիա
2022-12-21T19:36+0400
2022-12-21T19:36+0400
2022-12-21T19:38+0400
հայաստան
պետական եկամուտների կոմիտե (պեկ)
պաշտոնյա
ծխախոտ
կաշառք
https://cdn.am.sputniknews.ru/img/1013/62/10136274_0:88:1600:988_1920x0_80_0_0_9d1f0d5339c61390f9811a150a22e7e1.jpg
ԵՐԵՎԱՆ, 21 դեկտեմբերի – Sputnik․ ՀՀ պետական եկամուտների կոմիտեի նախկին պաշտոնյան ապօրինի ճանապարհով ծխախոտ արտահանելու համար պահանջել ու ստացել է 15․000 ԱՄՆ դոլար կաշառք։ Տեղեկությունը հայտնում է ՀՀ հակակոռուպցիոն կոմիտեի մամուլի ծառայությունը։ Կաշառքի դիմաց Ա. Հ.-ն օժանդակել է առանց ակցիզային դրոշմանիշի շուրջ 400 արկղ ծխախոտը, մաքսային հսկողության շրջանցմամբ, 8 տոննա երեսպատման սալիկների անվան տակ արտահանելու գործընթացին:«Հիշյալ ծխախոտն ապօրինի ճանապարհով դեպի Ռուսաստանի Դաշնություն արտահանելու գործընթացն անխոչընդոտ իրականացնելու համար Ա. Հ.-ն ՊԵԿ մեկ այլ պաշտոնյայի փոխանցելու նպատակով վերը նշված անձանցից պահանջել է առանձնապես խոշոր չափերի՝ 6.100.350 ՀՀ դրամին համարժեք 15.000 ԱՄՆ դոլար կաշառք, որից 4.134.200 ՀՀ դրամին համարժեք 10.000 ԱՄՆ դոլարը ստացել է 2022թ. հուլիսին»,- նշված է հաղորդագրության մեջ։Ըստ պայմանավորվածության՝ նշված բեռը պետք է հատեր ՀՀ մաքսային սահման 2022թ. օգոստոսի 14-ին, սակայն հանցավորների կամքից անկախ հանգամանքներով՝ նշված տրանսպորտային միջոցը չի հատել այն: Հետագայում՝ 2022թ. օգոստոսի 30-ին, Բագրատաշենի մաքսակետում հիշյալ բեռնատարը ՀՀ ԱԱԾ և ՊԵԿ աշխատակիցների կողմից ենթարկվել է զննման։ Արդյունքում հայտնաբերվել է մաքսային հսկողությունից թաքցված 199.000 տուփ տարբեր տեսակի ծխախոտ:Գ. Դ.-ին, Ս. Դ.-ին և Գ. Դ.-ին մեղադրանքներ են ներկայացվել ՀՀ քրեական օրենսգրքի 436-րդ հոդվածի (կաշառք տալը) 3-րդ մասի 2-րդ կետով, իսկ Ա. Հ.-ին՝ ՀՀ քրեական օրենսգրքի 46-436-րդ հոդվածի (հանցակիցների տեսակները և կաշառք տալը) 3-րդ մասի 2-րդ կետով: Նրանց նկատմամբ որպես խափանման միջոց է ընտրվել կալանքը: Ռ. Մ.-ի նկատմամբ ևս հարուցվել է քրեական հետապնդում, և նույնպես որպես խափանման միջոց է ընտրվել կալանքը: Քննիչի կողմից հանձնարարություն է տրվել հետաքննության մարմնին` վերջինիս հայտնաբերելու և վարույթն իրականացնող մարմին ներկայացնելու համար։Երևանում քննիչ է կալանավորվել կաշառք վերցնելուց հետո. տեսանյութ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, պետական եկամուտների կոմիտե (պեկ), պաշտոնյա, ծխախոտ, կաշառք
հայաստան, պետական եկամուտների կոմիտե (պեկ), պաշտոնյա, ծխախոտ, կաշառք
ՊԵԿ նախկին պաշտոնյան կաշառքի դիմաց օգնել է ապօրինի ճանապարհով ծխախոտ արտահանել
19:36 21.12.2022 (Թարմացված է: 19:38 21.12.2022) Բագրատաշենի մաքսակետում բեռնատարի զննման արդյունքում հայտնաբերվել է մաքսային հսկողությունից թաքցված 199.000 տուփ տարբեր տեսակի ծխախոտ։
ԵՐԵՎԱՆ, 21 դեկտեմբերի – Sputnik․ ՀՀ պետական եկամուտների կոմիտեի նախկին պաշտոնյան ապօրինի ճանապարհով ծխախոտ արտահանելու համար պահանջել ու ստացել է 15․000 ԱՄՆ դոլար կաշառք։ Տեղեկությունը հայտնում է
ՀՀ հակակոռուպցիոն կոմիտեի մամուլի ծառայությունը։
Նշվում է, որ հիշյալ պաշտոնյան՝ Ա. Հ.-ն, 2016-2022 թվականների ընթացքում ՊԵԿ-ում տարբեր պաշտոններ է զբաղեցրել և հեռացվել է ծառայությունից այս տարվա հոկտեմբերին։ Վերջինս օժանդակել է ձեռնարկատիրական գործունեությամբ զբաղվող Գ. Դ.-ի, Ս. Դ.-ի, Գ. Դ.-ի, ինչպես նաև Ռ. Մ.-ի կողմից ՊԵԿ պաշտոնատար անձին ապօրինի անգործության համար կաշառք տալուն:
Կաշառքի դիմաց Ա. Հ.-ն օժանդակել է առանց ակցիզային դրոշմանիշի շուրջ 400 արկղ ծխախոտը, մաքսային հսկողության շրջանցմամբ, 8 տոննա երեսպատման սալիկների անվան տակ արտահանելու գործընթացին:
«Հիշյալ ծխախոտն ապօրինի ճանապարհով դեպի Ռուսաստանի Դաշնություն արտահանելու գործընթացն անխոչընդոտ իրականացնելու համար Ա. Հ.-ն ՊԵԿ մեկ այլ պաշտոնյայի փոխանցելու նպատակով վերը նշված անձանցից պահանջել է առանձնապես խոշոր չափերի՝ 6.100.350 ՀՀ դրամին համարժեք 15.000 ԱՄՆ դոլար կաշառք, որից 4.134.200 ՀՀ դրամին համարժեք 10.000 ԱՄՆ դոլարը ստացել է 2022թ. հուլիսին»,- նշված է հաղորդագրության մեջ։
Ըստ պայմանավորվածության՝ նշված բեռը պետք է հատեր ՀՀ մաքսային սահման 2022թ. օգոստոսի 14-ին, սակայն հանցավորների կամքից անկախ հանգամանքներով՝ նշված տրանսպորտային միջոցը չի հատել այն: Հետագայում՝ 2022թ. օգոստոսի 30-ին, Բագրատաշենի մաքսակետում հիշյալ բեռնատարը ՀՀ ԱԱԾ և ՊԵԿ աշխատակիցների կողմից ենթարկվել է զննման։ Արդյունքում հայտնաբերվել է մաքսային հսկողությունից թաքցված 199.000 տուփ տարբեր տեսակի ծխախոտ:
Գ. Դ.-ին, Ս. Դ.-ին և Գ. Դ.-ին մեղադրանքներ են ներկայացվել ՀՀ քրեական օրենսգրքի 436-րդ հոդվածի (կաշառք տալը) 3-րդ մասի 2-րդ կետով, իսկ Ա. Հ.-ին՝ ՀՀ քրեական օրենսգրքի 46-436-րդ հոդվածի (հանցակիցների տեսակները և կաշառք տալը) 3-րդ մասի 2-րդ կետով: Նրանց նկատմամբ որպես խափանման միջոց է ընտրվել կալանքը: Ռ. Մ.-ի նկատմամբ ևս հարուցվել է քրեական հետապնդում, և նույնպես որպես խափանման միջոց է ընտրվել կալանքը: Քննիչի կողմից հանձնարարություն է տրվել հետաքննության մարմնին` վերջինիս հայտնաբերելու և վարույթն իրականացնող մարմին ներկայացնելու համար։
