https://arm.sputniknews.ru/20220617/erevani-nvor-jeki-ashkhatanqum-khndir-e-tsagel-karavarutjuny-veranajum-e-hamadzajnagiry-43661256.html
Երևանի նոր ՋԷԿ–ի աշխատանքում խնդիր է ծագել. կառավարությունը վերանայում է համաձայնագիրը
Երևանի նոր ՋԷԿ–ի աշխատանքում խնդիր է ծագել. կառավարությունը վերանայում է համաձայնագիրը
Sputnik Արմենիա
Պաշտոնական տեղեկատվության համաձայն` ծրագրի իրականացման համար ներդրվել է շուրջ 270 միլիոն դոլար: 17.06.2022, Sputnik Արմենիա
2022-06-17T11:06+0400
2022-06-17T11:06+0400
2022-06-17T11:09+0400
ջերմաէլեկտրակայան (ջէկ)
հհ կառավարություն
որոշում
համաձայնագիր
https://cdn.am.sputniknews.ru/img/563/30/5633043_0:45:1600:945_1920x0_80_0_0_36e112e6cd6f1c0f17195b0464978ae5.jpg
ԵՐԵՎԱՆ, 17 հունիսի - Sputnik. ՀՀ կառավարության այսօրվա նիստում որոշում է ընդունվել լրացուցիչ համաձայնագիր կնքել Երևանի նոր ՋԷԿ–ը կառուցած իտալական «Ռենկո» ՍՊԸ–ի հետ։Բանն այն է, որ ՋԷԿ–ի պաշտոնական բացումից ավելի քան կես տարի անց կառավարությունում պարզել են, որ ընկերության հետ դեռ 2017թ–ին կնքված համաձայնագրում հստակ սահմանված չէ վառելիքի մատակարարման կետը։ Բացը շտկելու համար ՀՀ տարածքային կառավարման նախարարությունն առաջարկել է լրացուցիչ համաձայնագիր կնքել։ Համաձայնագրի փոփոխմամբ որպես մատակարարման կետ կսահմանվեն «Արմփաուեր» ՓԲԸ-ի և հաղորդման ցանցի սահմանազատման կետերը:Կառավարությունը վաճառքի հանեց «Հանրային կապերի և տեղեկատվության կենտրոն» ՊՈԱԿ–ի շենքըԱյս խնդրի մասին հայտնի դարձավ 2022թ–ի մայիսին, երբ «Ռենկո» ընկերությունների խմբի անդամ «Արմփաուեր» ՓԲԸ-ն նոր ջերմաէլեկտրակայանի վերակառուցման բնապահպանական փորձաքննության հայտ ներկայացրեց։ Դրա համաձայն` նորակառույց կայանում հոսքաջրերի սխեման կատարելագործելու, էներգաբլոկի հզորության ցուցանիշը հստակեցնելու և արտադրված էլեկտրաէներգիան ՀԷՑ-ին միացնելու կարիք էր առաջացել։ «Արմփաուեր» ՓԲԸ-ն առաջարկել էր ՀԷՑ–ի ցանցին միանալ սեփական` 220 կՎ ենթակայանի միջոցով։2017-ին նախորդ իշխանությունների կնքած համաձայնագիրը Հայաստանի գործող իշխանությունն արդեն 2 անգամ վերանայել է` 2018թ-ի նոյեմբերին ու դեկտեմբերին։Նորակառույց ՋԷԿ–ի պաշտոնական բացումը տեղի էր ունեցել 2021թ–ի նոյեմբերի 29-ին` վարչապետ Նիկոլ Փաշինյանի մասնակցությամբ։Կառավարության ղեկավարը «Ռենկո» ընկերության գլխավոր գործադիր տնօրեն Ջովաննի Ռուբինիի ուղեկցությամբ շրջայց էր կատարել 254 Մվտ հզորությամբ համակցված շոգեգազային ցիկլով նոր էլեկտրակայանում` ծանոթացել իրականացված աշխատանքներին:Պաշտոնական տեղեկատվության համաձայն` ծրագրի իրականացման համար ներդրվել է շուրջ 270 միլիոն դոլար: Շինաշխատանքներում ներգրավված է եղել 1200 աշխատակից, իսկ էլեկտրակայանի գործարկումից հետո ստեղծվել է մշտական 50 նոր աշխատատեղ:Կարգաբերման աշխատանքների ավարտից հետո Էլեկտրակայանը ՀՀ էներգետիկ ցանցին է մատակարարելու նմանատիպ կայանների կողմից արտադրվող ամենաէժան էլեկտրաէներգիան։
https://arm.sputniknews.ru/20211129/erevanum-nvor-elektrakajan-e-bacvel-mijvocarmany-masnakcel-e-hh-varchapety-35844239.html
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ջերմաէլեկտրակայան (ջէկ), հհ կառավարություն, որոշում, համաձայնագիր
ջերմաէլեկտրակայան (ջէկ), հհ կառավարություն, որոշում, համաձայնագիր
Երևանի նոր ՋԷԿ–ի աշխատանքում խնդիր է ծագել. կառավարությունը վերանայում է համաձայնագիրը
11:06 17.06.2022 (Թարմացված է: 11:09 17.06.2022) Պաշտոնական տեղեկատվության համաձայն` ծրագրի իրականացման համար ներդրվել է շուրջ 270 միլիոն դոլար:
ԵՐԵՎԱՆ, 17 հունիսի - Sputnik. ՀՀ կառավարության այսօրվա նիստում որոշում է ընդունվել լրացուցիչ համաձայնագիր կնքել Երևանի նոր ՋԷԿ–ը կառուցած իտալական «Ռենկո» ՍՊԸ–ի հետ։
Բանն այն է, որ ՋԷԿ–ի պաշտոնական բացումից ավելի քան կես տարի անց կառավարությունում պարզել են, որ ընկերության հետ դեռ 2017թ–ին կնքված համաձայնագրում հստակ սահմանված չէ վառելիքի մատակարարման կետը։ Բացը շտկելու համար ՀՀ տարածքային կառավարման նախարարությունն առաջարկել է լրացուցիչ համաձայնագիր կնքել։ Համաձայնագրի փոփոխմամբ որպես մատակարարման կետ կսահմանվեն «Արմփաուեր» ՓԲԸ-ի և հաղորդման ցանցի սահմանազատման կետերը:
Այս խնդրի մասին հայտնի դարձավ 2022թ–ի մայիսին, երբ «Ռենկո» ընկերությունների խմբի անդամ «Արմփաուեր» ՓԲԸ-ն նոր ջերմաէլեկտրակայանի վերակառուցման բնապահպանական փորձաքննության հայտ ներկայացրեց։ Դրա համաձայն` նորակառույց կայանում հոսքաջրերի սխեման կատարելագործելու, էներգաբլոկի հզորության ցուցանիշը հստակեցնելու և արտադրված էլեկտրաէներգիան ՀԷՑ-ին միացնելու կարիք էր առաջացել։ «Արմփաուեր» ՓԲԸ-ն առաջարկել էր ՀԷՑ–ի ցանցին միանալ սեփական` 220 կՎ ենթակայանի միջոցով։
Հատկանշական է, որ համաձայնագրի կնքումից հետո կառավարության այսօր հաստատած լրացումը երրորդ փոփոխությունն է։
2017-ին նախորդ իշխանությունների կնքած համաձայնագիրը Հայաստանի գործող իշխանությունն արդեն 2 անգամ վերանայել է` 2018թ-ի նոյեմբերին ու դեկտեմբերին։
Նորակառույց ՋԷԿ–ի պաշտոնական բացումը տեղի էր ունեցել 2021թ–ի նոյեմբերի 29-ին` վարչապետ Նիկոլ Փաշինյանի մասնակցությամբ։
Կառավարության ղեկավարը «Ռենկո» ընկերության գլխավոր գործադիր տնօրեն Ջովաննի Ռուբինիի ուղեկցությամբ շրջայց էր կատարել 254 Մվտ հզորությամբ համակցված շոգեգազային ցիկլով նոր էլեկտրակայանում` ծանոթացել իրականացված աշխատանքներին:
Պաշտոնական տեղեկատվության համաձայն` ծրագրի իրականացման համար ներդրվել է շուրջ 270 միլիոն դոլար: Շինաշխատանքներում ներգրավված է եղել 1200 աշխատակից, իսկ էլեկտրակայանի գործարկումից հետո ստեղծվել է մշտական 50 նոր աշխատատեղ:
Կարգաբերման աշխատանքների ավարտից հետո Էլեկտրակայանը ՀՀ էներգետիկ ցանցին է մատակարարելու նմանատիպ կայանների կողմից արտադրվող ամենաէժան էլեկտրաէներգիան։
