https://arm.sputniknews.ru/20220520/bernatapel-erevany-ev-voch-miajn-hajastany-kdimana-zbvosashrjikneri-hvosqin-42192289.html
Բեռնաթափել Երևանը և ոչ միայն․ Հայաստանը կդիմանա՞ զբոսաշրջիկների հոսքին
Բեռնաթափել Երևանը և ոչ միայն․ Հայաստանը կդիմանա՞ զբոսաշրջիկների հոսքին
Sputnik Արմենիա
Հայաստանը պահանջված է դարձել որպես անվտանգության բարձր մակարդակ ունեցող երկիր։ Տուրիզմի հայկական ֆեդերացիայի նախագահ Մեխակ Ապրեսյանը նշել է այն հիմնական... 20.05.2022, Sputnik Արմենիա
2022-05-20T09:10+0400
2022-05-20T09:10+0400
2022-05-20T09:10+0400
զբոսաշրջիկ
զբոսաշրջություն
հայաստան
ռուս
մեխակ ապրեսյան
https://cdn.am.sputniknews.ru/img/07e5/06/04/27816929_0:0:1600:901_1920x0_80_0_0_86485dbed3b2a550a629018e22614f68.jpg
ԵՐԵՎԱՆ, 20 մայիսի – Sputnik. Հայաստանը պատրաստ է մեծ թվով զբոսաշրջիկներ ընդունել. դրա համար առկա են բոլոր պայմանները՝ բավական զարգացած ենթակառուցվածք և ծառայությունների ոլորտ, ինչպես նաև հարուստ պատմամշակութային ժառանգություն։ Այդուհանդերձ, երկիրը դեռ բազմաթիվ խնդիրներ ունի լուծելու, որպեսզի այցելուների թիվը ոչ միայն պահպանվի, այլև բազմապատկվի։ Այս համատեքստում զբոսաշրջային ոլորտը հայեցակարգային փոփոխությունների կարիք ունի։ Այս կարծիքին է Տուրիզմի հայկական ֆեդերացիայի նախագահ Մեխակ Ապրեսյանը։Ուկրաինայի իրադարձությունների համապատկերում Հայաստանը ռուսաստանցիների զբոսաշրջային այցելությունների ցուցանիշներով առաջատար է դարձել։ OneTwoTrip ճանապարհորդությունների պլանավորման ծառայության տվյալներով՝ մեր երկիրը գլխավորում է ամառային սեզոնի ամենապահանջված զբոսաշրջային ուղղությունների ցուցակը։ Երկիրը «գայթակղում է» իր անվտանգությամբ և մի շարք պահանջված ծառայությունների և ապրանքների հարաբերական էժանությամբ։ՌԴ-ն դուրս է գալիս Համաշխարհային զբոսաշրջային կազմակերպությունից. UNWTO-ն հաստատել էԱպրեսյանի խոսքով՝ այդ ցուցանիշներն իրեն չեն զարմացնում, քանի որ Հայաստանը միշտ էլ գրավել է հենց ռուսաստանցի զբոսաշրջիկներին։ Sputnik Արմենիային տված հարցազրույցում նա նշեց, որ 2022 թվականին երկիրը տեսականորեն կարող է ընդունել նույնքան հյուր, որքան ռեկորդային 2019 թվականին։Նրա խոսքով՝ ոլորտը պետության մակարդակով արմատական փոփոխությունների կարիք ունի։ Առաջին հերթին, նրա կարծիքով, պետք է խմբագրել Զբոսաշրջության մասին գործող օրենքը, ինչը ենթադրում է էքսկուրսավարների, տուրօպերատորների, գործակալների պարտադիր լիցենզավորման պահանջների սահմանում:«Մենք չենք կարող մեզ թույլ տալ, որ զբոսաշրջիկը մեր երկրից դժգոհ մեկնի։ Իսկ պահել ու ստիպել երկրորդ անգամ վերադառնալ` կարելի է միայն սպասարկման բարձր մակարդակով»,- ասաց Ապրեսյանը։ՀՀ-ում 2-րդ անգամ կանցկացվի «Միսս ԱՊՀ 2022»-ը. մրցույթը կնպաստի զբոսաշրջության զարգացմանըՀաջորդ քայլը պետք է լինի ենթակառուցվածքների զարգացումը, ինչպես նաև Երևանի բեռնաթափումը ՝ որպես զբոսաշրջիկների համար միակ հիմնային կանգառ։ Նա կարծում է, որ հիմնային կարող են դառնալ նաև Գյումրին, Վանաձորը։ Բացի այդ, անհրաժեշտ է զարգացնել նաև Երևանի արվարձանները։Փորձագետը վստահ է, որ ճիշտ պլանավորման և ենթակառուցվածքների ստեղծման դեպքում այցելուն ցանկություն կուզենա կանգ առնելու ոչ միայն Երևանում, այլև Աշտարակում, Էջմիածնում, Արմավիրում:Ապրեսյանը Հայաստանի համար գերակա է համարում նաև երկրի դիրքավորումն ու բրենդավորումը։ Կարևոր է բացատրել, որ Հայաստանում հանգիստը ոչ միայն մատչելի է, այլև որակյալ։ Նա նաև կոչ է անում զարգացնել կազմակերպված զբոսաշրջային այցերը (երբ մարդիկ գալիս են գործակալությունների միջոցով՝ նախապես կազմված երթուղիներով,- խմբ.) և չբավարարվել միայն անհատական փաթեթներով։Հիշեցնենք, որ 2022 թվականի առաջին եռամսյակում մեր երկիր է ժամանել 250 798 զբոսաշրջիկ, ինչը 3 անգամ ավելին է, քան 2021 թվականի նույն ժամանակահատվածում։ 2021 թվականի արդյունքներով` Հայաստան է ժամանել ընդամենը 816 660 զբոսաշրջիկ։ Հիմնական հոսքը ձևավորել են զբոսաշրջիկները Ռուսաստանից (375 930), Իրանից (85 310), Վրաստանից (57 713) և ԱՄՆ-ից (30 494): Զբոսաշրջային ակտիվության տեսանկյունից ամենահաջողը օգոստոսն է եղել, երբ Հայաստան էր ժամանել 143 168 զբոսաշրջիկ։ Ամենապասիվ ամիսը հունվարն է եղել։ Այդ ամսին մեր երկիր է այցելել ընդամենը 23 345 մարդ։2016թ-ին Հայաստան է ժամանել 1 290 810 մարդ, 2017թ-ին այդ ցուցանիշն ավելացել է՝ հասնելով 1 565 167-ի ։ 2018թ-ին ՀՀ է այցելել 1 687 285, 2019-ին՝ 1 926 353 մարդ։2020 թ-ին կորոնավիրուսային համավարակի պատճառով այցելուների թիվը կրճատվել էր 6 անգամ՝ ընդամենը 375 216 մարդ:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
զբոսաշրջիկ, զբոսաշրջություն , հայաստան, ռուս, մեխակ ապրեսյան
զբոսաշրջիկ, զբոսաշրջություն , հայաստան, ռուս, մեխակ ապրեսյան
Բեռնաթափել Երևանը և ոչ միայն․ Հայաստանը կդիմանա՞ զբոսաշրջիկների հոսքին
Հայաստանը պահանջված է դարձել որպես անվտանգության բարձր մակարդակ ունեցող երկիր։ Տուրիզմի հայկական ֆեդերացիայի նախագահ Մեխակ Ապրեսյանը նշել է այն հիմնական գործոնները, որոնց վրա պետք է աշխատել դրական դինամիկան պահպանելու համար։
ԵՐԵՎԱՆ, 20 մայիսի – Sputnik. Հայաստանը պատրաստ է մեծ թվով զբոսաշրջիկներ ընդունել. դրա համար առկա են բոլոր պայմանները՝ բավական զարգացած ենթակառուցվածք և ծառայությունների ոլորտ, ինչպես նաև հարուստ պատմամշակութային ժառանգություն։ Այդուհանդերձ, երկիրը դեռ բազմաթիվ խնդիրներ ունի լուծելու, որպեսզի այցելուների թիվը ոչ միայն պահպանվի, այլև բազմապատկվի։ Այս համատեքստում զբոսաշրջային ոլորտը հայեցակարգային փոփոխությունների կարիք ունի։ Այս կարծիքին է Տուրիզմի հայկական ֆեդերացիայի նախագահ Մեխակ Ապրեսյանը։
Ուկրաինայի իրադարձությունների համապատկերում
Հայաստանը ռուսաստանցիների զբոսաշրջային այցելությունների ցուցանիշներով առաջատար է դարձել։ OneTwoTrip ճանապարհորդությունների պլանավորման ծառայության տվյալներով՝ մեր երկիրը գլխավորում է ամառային սեզոնի ամենապահանջված զբոսաշրջային ուղղությունների ցուցակը։ Երկիրը «գայթակղում է» իր անվտանգությամբ և մի շարք պահանջված ծառայությունների և ապրանքների հարաբերական էժանությամբ։
Ապրեսյանի խոսքով՝ այդ ցուցանիշներն իրեն չեն զարմացնում, քանի որ Հայաստանը միշտ էլ գրավել է հենց ռուսաստանցի զբոսաշրջիկներին։ Sputnik Արմենիային տված հարցազրույցում նա նշեց, որ 2022 թվականին երկիրը տեսականորեն կարող է ընդունել նույնքան հյուր, որքան ռեկորդային 2019 թվականին։
«2019 թվականին այցելուների թիվը հասել էր մեզ համար աննախադեպ` մոտ 1,9 միլիոն մարդու։ Ներկայիս ենթակառուցվածքը մեզ դա թույլ է տալիս։ Սակայն դա բավարար չէ արդյունքը պահպանելու համար»,- ասում է է Ապրեսյանը։
Նրա խոսքով՝ ոլորտը պետության մակարդակով արմատական փոփոխությունների կարիք ունի։ Առաջին հերթին, նրա կարծիքով, պետք է խմբագրել Զբոսաշրջության մասին գործող օրենքը, ինչը ենթադրում է էքսկուրսավարների, տուրօպերատորների, գործակալների պարտադիր լիցենզավորման պահանջների սահմանում:
«Մենք չենք կարող մեզ թույլ տալ, որ զբոսաշրջիկը մեր երկրից դժգոհ մեկնի։ Իսկ պահել ու ստիպել երկրորդ անգամ վերադառնալ` կարելի է միայն սպասարկման բարձր մակարդակով»,- ասաց Ապրեսյանը։
Հաջորդ քայլը պետք է լինի ենթակառուցվածքների զարգացումը, ինչպես նաև Երևանի բեռնաթափումը ՝ որպես զբոսաշրջիկների համար միակ հիմնային կանգառ։ Նա կարծում է, որ հիմնային կարող են դառնալ նաև Գյումրին, Վանաձորը։ Բացի այդ, անհրաժեշտ է զարգացնել նաև Երևանի արվարձանները։
Փորձագետը վստահ է, որ ճիշտ պլանավորման և ենթակառուցվածքների ստեղծման դեպքում այցելուն ցանկություն կուզենա կանգ առնելու ոչ միայն Երևանում, այլև Աշտարակում, Էջմիածնում, Արմավիրում:
«Կարևոր է բեռնաթափել Երևանը, այլ քաղաքներում և գյուղերում զբոսաշրջիկների կանգառների նոր կետեր ստեղծել։ Սակայն այդ վայրերում պետք է կառուցվեն հյուրանոցներ, զվարճանքի կենտրոններ»,- ասում է նա։
Ապրեսյանը Հայաստանի համար գերակա է համարում նաև երկրի դիրքավորումն ու բրենդավորումը։ Կարևոր է բացատրել, որ Հայաստանում հանգիստը ոչ միայն մատչելի է, այլև որակյալ։ Նա նաև կոչ է անում զարգացնել կազմակերպված զբոսաշրջային այցերը (երբ մարդիկ գալիս են գործակալությունների միջոցով՝ նախապես կազմված երթուղիներով,- խմբ.) և չբավարարվել միայն անհատական փաթեթներով։
Հիշեցնենք, որ 2022 թվականի առաջին եռամսյակում մեր երկիր է ժամանել 250 798 զբոսաշրջիկ, ինչը 3 անգամ ավելին է, քան 2021 թվականի նույն ժամանակահատվածում։ 2021 թվականի արդյունքներով` Հայաստան է ժամանել ընդամենը 816 660 զբոսաշրջիկ։ Հիմնական հոսքը ձևավորել են զբոսաշրջիկները Ռուսաստանից (375 930), Իրանից (85 310), Վրաստանից (57 713) և ԱՄՆ-ից (30 494): Զբոսաշրջային ակտիվության տեսանկյունից ամենահաջողը օգոստոսն է եղել, երբ Հայաստան էր ժամանել 143 168 զբոսաշրջիկ։ Ամենապասիվ ամիսը հունվարն է եղել։ Այդ ամսին մեր երկիր է այցելել ընդամենը 23 345 մարդ։
2016թ-ին
Հայաստան է ժամանել 1 290 810 մարդ, 2017թ-ին այդ ցուցանիշն ավելացել է՝ հասնելով 1 565 167-ի ։ 2018թ-ին ՀՀ է այցելել 1 687 285, 2019-ին՝ 1 926 353 մարդ։
2020 թ-ին կորոնավիրուսային համավարակի պատճառով այցելուների թիվը կրճատվել էր 6 անգամ՝ ընդամենը 375 216 մարդ:
