ՀՀ փոխվարչապետը Շվեդիայի դեսպանի հետ քննարկել է հայ գերիների հարցը
14:29 26.01.2022 (Թարմացված է: 14:30 26.01.2022)
© Photo : official site of the Government of RAՓոխվարչապետ Համբարձում Մաթևոսյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնին (26 հունվարի, 2022թ). Երևան
![Փոխվարչապետ Համբարձում Մաթևոսյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնին (26 հունվարի, 2022թ). Երևան Փոխվարչապետ Համբարձում Մաթևոսյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնին (26 հունվարի, 2022թ). Երևան - Sputnik Արմենիա, 1920, 26.01.2022](https://cdn.am.sputniknews.ru/img/07e6/01/1a/37983400_0:49:700:443_1920x0_80_0_0_fe9d40d34cf83f65182cb6cd71685d8c.jpg)
© Photo : official site of the Government of RA
Բաժանորդագրվել
Կողմերը համակարծի են եղել, որ Լեռնային Ղարաբաղի հակամարտության համապարփակ կարգավորման շուրջ բանակցությունների վերսկսումը պետք է իրականացվի ԵԱՀԿ Մինսկի խմբի համանախագահության մանդատի ներքո։
ԵՐԵՎԱՆ, 26 հունվարի - Sputnik. Փոխվարչապետ Համբարձում Մաթևոսյանն այսօր ընդունել է Հայաստանում Շվեդիայի Թագավորության արտակարգ և լիազոր դեսպան Պատրիկ Սվենսոնին։ Տեղեկությունը հայտնում են ՀՀ կառավարության լրատվական ծառայությունից։
Փոխվարչապետը ողջունել է հայ-շվեդական երկկողմ հարաբերություններում առկա դրական դինամիկան և բարձր գնահատել Շվեդիայի կառավարության՝ Հայաստանի բարեփոխումների օրակարգին նպաստելու շահագրգռվածությունն ու 44-օրյա պատերազմի ընթացքում ցուցաբերած աջակցությունը։
Դեսպան Սվենսոնն իր հերթին կարևորել է Հայաստանի հետ գործընկերությունը։
Հանդիպման ընթացքում կողմերը շեշտել են Ադրբեջանում պահվող հայ ռազմագերիների և քաղաքացիական պատանդների անհապաղ հայրենադարձման անհրաժեշտությունը ու համակարծիք եղել, որ Լեռնային Ղարաբաղի հակամարտության համապարփակ կարգավորման շուրջ բանակցությունների վերսկսումը պետք է իրականացվի ԵԱՀԿ Մինսկի խմբի համանախագահության մանդատի ներքո։
Զրույցի ժամանակ անդրադարձ է կատարվել 44-օրյա պատերազմի հետևանքով առաջացած հումանիտար խնդիրներին, Հայաստան-Թուրքիա կարգավորման գործընթացներին, տարածաշրջանում տևական խաղաղության և կայունության ամրապնդմանն ուղղված ջանքերին։
© Photo : official site of the Government of RAՓոխվարչապետ Համբարձում Մաթևոսյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնին (26 հունվարի, 2022թ). Երևան
![Փոխվարչապետ Համբարձում Մաթևոսյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնին (26 հունվարի, 2022թ). Երևան Փոխվարչապետ Համբարձում Մաթևոսյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնին (26 հունվարի, 2022թ). Երևան - Sputnik Արմենիա, 1920, 26.01.2022](https://cdn.am.sputniknews.ru/img/07e6/01/1a/37983402_0:0:700:467_1920x0_80_0_0_19df64087745e8f9422f11812ec2ab50.jpg)
Փոխվարչապետ Համբարձում Մաթևոսյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնին (26 հունվարի, 2022թ). Երևան
© Photo : official site of the Government of RA
Փոխվարչապետ Համբարձում Մաթևոսյանը կարևորել է շվեդական ընկերությունների ներկայությունը հայաստանյան տնտեսությունում, մասնավորապես՝ ճանապարհային ենթակառուցվածքների կառուցման գործընթացներում։