https://arm.sputniknews.ru/20220111/galu-e-ory-vor-mer-tghanery-tun-veradarnan-gerineri-harazatnery-karavarutjan-arjev-en-37391814.html

«Գալո՞ւ է օրը, որ մեր տղաները տուն վերադառնան». գերիների հարազատները կառավարության առջև են

«Գալո՞ւ է օրը, որ մեր տղաները տուն վերադառնան». գերիների հարազատները կառավարության առջև են

Sputnik Արմենիա

Գերիների հարազատները նշում են, որ Կարմիր խաչի միջոցով պարբերաբար շփվում են իրենց տղաների հետ։ Սակայն նրանք ՀՀ կառավարությունից պահանջում են ժամկետներ նշել` երբ... 11.01.2022, Sputnik Արմենիա

2022-01-11T16:16+0400

2022-01-11T16:16+0400

2022-01-11T16:33+0400

հայաստան

բողոքի ակցիա

գերի

https://cdn.am.sputniknews.ru/img/07e6/01/0b/37392513_0:156:1600:1056_1920x0_80_0_0_97db8282c22ea4b9d290c73bee652f72.jpg

ԵՐԵՎԱՆ, 11 հունվարի – Sputnik. Գերիների հարազատներն այս պահին կառավարության առջև բողոքի ակցիա են անում. նրանք պահանջում են հանդիպում վարչապետ Նիկոլ Փաշինյանի հետ, ինչպես նաև որ իրենց հստակ ժամկետներ հայտնեն իրենց գերիների վերադարձի համար։«Մեզ ասում են` բանակցություններ կան, գործընթաց կա, բայց ոչ մի արդյունք չենք տեսել մինչև հիմա։ Ուզում ենք իմանալ` կոնկրետ օր գալո՞ւ է, որ մեր տղաները տուն գան»,–ասաց գերեվարված շիրակցի տղաներից մեկի եղբայրը` Արկադին։ Որևէ բանի դիմաց չէր». Փաշինյանն ասաց՝ ինչու են վերադարձրել երկու ադրբեջանցի գերիներինՆա հայտնեց նաև, որ պարբերաբար կարողանում են կապ հաստատել գերության մեջ գտնվող իրենց հարազատների հետ` Կարմիր խաչի միջազգային կոմիտեի միջոցով նամակներ և տեսանյութեր են ստանում։ Ամիսը մեկ անգամ էլ զանգի միջոցով են կարողանում կապ հաստատել գերության մեջ գտնվողների հետ։«Մենք մեր տղերքին են ուզում, այդքան բան։ Վերջին անգամ վարչապետ Նիկոլ Փաշինյանի հետ 6 ամիս առաջ ենք հանդիպել, ասաց` 2 ամիս էլ թող համբերեն, լավ կլինի։ Հիմա բա մենք ինչ անենք` գնանք Ալիևին դիմե՞նք։ Դա էլ կանենք»,–ասաց գերիներից մեկի հայրը` հավելելով, որ այս ընթացքում արդեն գերիների 2 ծնող է մահացել` այդպես էլ չտեսնելով իր տղային։Տղամարդը նշեց նաև, որ գերիների ձայնը լսելով գոնե մի քիչ «սրտները հանգստանում» է։Գերիների հարազատները նշում են` անժամկետ նստացույց կհայտարարեն, եթե իրենց չընդունեն կառավարությունում։Հիշեցնենք, որ գերիների հարազատները պարբերաբար բողոքի ակցիաներ են անում տարբեր գերատեսչությունների առջև։ Նրանք քանիցս հանդիպել են ինչպես վարչապետ Նիկոլ Փաշինյանի, այնպես էլ բարձրաստիճան այլ պաշտոնյաների հետ։Ոչ պաշտոնական տվյալներով՝ Բաքվում շարունակում են գերության մեջ մնալ 80 հայ։

https://arm.sputniknews.ru/20211220/adrbejanum-hastatvats-shurj-50-geri-ka-voch-pashtvonakan-evs-80y-siranush-sahakjan-36688033.html

2022

Լուրեր

am_HY

հայաստան, բողոքի ակցիա, գերի