https://arm.sputniknews.ru/20220113/pashtonjanery-petq-e-lren-kalanavorman-harcum-qaghaqakan-azdecutjun-ka-te-voch-37474239.html
Պաշտոնյաները պետք է լռեն. կալանավորման հարցում քաղաքական ազդեցություն կա՞, թե՞ ոչ
Պաշտոնյաները պետք է լռեն. կալանավորման հարցում քաղաքական ազդեցություն կա՞, թե՞ ոչ
Sputnik Արմենիա
ԱԺ-ում քննարկվում է կալանավորման հիմքերի, քրգործերը ձեռքով մակագրելու հարցը։ Քննարկմանը մասնակցում են ինչպես դատավորներ, այնպես էլ գլխավոր դատախազության... 13.01.2022, Sputnik Արմենիա
2022-01-13T13:44+0400
2022-01-13T13:44+0400
2022-01-13T13:53+0400
դատարան
քննարկում
կալանք
https://cdn.am.sputniknews.ru/img/07e5/0b/16/35624442_0:150:1600:1050_1920x0_80_0_0_5f5bb452010525384ae95d4572961846.jpg
ԵՐԵՎԱՆ, 13 հունվարի – Sputnik. Օրենսդրորեն պետք է ամրագրվի, որ քաղաքական գործիչներն իրավունք չունեն ընթացիկ քրգործերի վերաբերյալ դատողություն անելու։ Ազգային ժողովում դատավորների հետ քննարկման ժամանակ նման կարծիք հայտնեց փաստաբան Արմինե Ֆանյանը։«Այս կամ այն քրգործով քաղաքական գործիչների հրապարակավ մեղադրական բնույթի կարծիքներ են հնչեցնում, և դրան զուգընթաց քննիչը կալանավորման միջնորդություն է ներկայացնում։ Սա չի կարող չազդել կալանավորման գործընթացների վրա։ Օրենսդրական արգելք պետք է լինի զսպվածություն սահմանելու առնչությամբ, սա բխում է իշխանությունների տարանջատման սկզբունքից»,–ասաց Ֆանյանը` հավելելով, որ երբ քաղաքական գործիչը կարծիք են հայտնում որևէ քրգործի առնչությամբ, ապա դա ուղղակի ճնշում է դատարանի վրա։ ՍԴ դիմում ենք ներկայացրել կալանավորումների հարցով. Վարդևանյանը մանրամասներ հայտնեցՓաստաբան Արա Ղազարյանն էլ կարծում է, որ Հայաստանում գնալով նվազում է կալանավորումների թիվը, սակայն կա մեկ հարց` որոշ գործերով, երբ կալանքը սպառել է իր նպատակը, անձը շարունակվում է պահվել կալանքի տակ։ «Այստեղ պետք է քաղաքական պատվեր տեսնել, մանավանդ եթե քաղաքական գործ է։ Եթե անձը 3 ամիս մնացել է ազատության մեջ և քննությանը չի խոչընդոտել, ինչո՞ւ են հանկարծ նրան կալանավորում. սա արտաքին ազդակի դեպքում կարող է լինել։ Կարծում եմ` խափանման այլընտրանքային միջոցները պետք է ավելանան»,–ասաց Ղազարյանը։Նրա խոսքով` ձեռքով քրգործերը դատավորներին մակագրելու հարցով պետք է օրենսդրական բարեփոխում անել։ Ղազարյանը նշեց` այդ հին, «պապենական մեթոդից» պետք է հրաժարվել, քանի որ այն դատարանների անկախության հետընթացի պրոցես է։Դատախազության ներկայացուցիչ Կարեն Ամիրյանն էլ իր հերթին նշեց, որ, իսկապես, կալանավորումների վերաբերյալ որոշումների նվազման միտում կա վերջին 1-2 տարիներին։ Ամիրյանի խոսքով` դատախազությունը կալանավորման վերաբերյալ օրենսդրական նախաձեռնություն էր մշակել, որը, սակայն, որևէ արձագանքի չի արժանացել և նախագծի տեսքով է մնացել։«Նախագծում դատախազությունը շեշտադրել էր, որ կալանքի երկարացման վերաբերյալ միջնորդություն ներկայացնելու պարագայում վարույթն իրականացնող մարմինը պարտավոր է հիմնավորել` ինչ միջոցներ է ձեռնարկել քրգործով պարզման ենթակա հանգամանքների վերաբերյալ։ Այսինքն` օրենսդրորեն պետք է ամրագրել, որ վարույթն իրականացնող մարմինը պարտավոր է հիմնավորել իր կողմից կատարված պատշաճ ջանասիրությունը»,–ասաց Ամիրյանը` հավելելով, որ դատախազությունը տեսել և տեսնում է բազմաթիվ խնդիրներ և շուրջ 3 տարի է` օրենսդրական նախաձեռնություն էլ կա։Միաժամանակ, Ամիրյանը բացառեց կալանավորման հարցում քաղաքական ազդեցությունը, ըստ նրա՝ բացառվում է, որ կարող է քննիչին ոչ իրավաչափ ցուցում տրվի, թե կոնկրետ դեպքում անհրաժեշտ է կալանավորման գնալ։
https://arm.sputniknews.ru/20211228/arush-arushanjany-kmna-kalanqi-tak-36946922.html
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դատարան, քննարկում, կալանք
դատարան, քննարկում, կալանք
Պաշտոնյաները պետք է լռեն. կալանավորման հարցում քաղաքական ազդեցություն կա՞, թե՞ ոչ
13:44 13.01.2022 (Թարմացված է: 13:53 13.01.2022) ԱԺ-ում քննարկվում է կալանավորման հիմքերի, քրգործերը ձեռքով մակագրելու հարցը։ Քննարկմանը մասնակցում են ինչպես դատավորներ, այնպես էլ գլխավոր դատախազության ներկայացուցիչը։
ԵՐԵՎԱՆ, 13 հունվարի – Sputnik. Օրենսդրորեն պետք է ամրագրվի, որ քաղաքական գործիչներն իրավունք չունեն ընթացիկ քրգործերի վերաբերյալ դատողություն անելու։ Ազգային ժողովում դատավորների հետ քննարկման ժամանակ նման կարծիք հայտնեց փաստաբան Արմինե Ֆանյանը։
«Այս կամ այն քրգործով քաղաքական գործիչների հրապարակավ մեղադրական բնույթի կարծիքներ են հնչեցնում, և դրան զուգընթաց քննիչը կալանավորման միջնորդություն է ներկայացնում։ Սա չի կարող չազդել կալանավորման գործընթացների վրա։ Օրենսդրական արգելք պետք է լինի զսպվածություն սահմանելու առնչությամբ, սա բխում է իշխանությունների տարանջատման սկզբունքից»,–ասաց Ֆանյանը` հավելելով, որ երբ քաղաքական գործիչը կարծիք են հայտնում որևէ քրգործի առնչությամբ, ապա դա ուղղակի ճնշում է դատարանի վրա։
Փաստաբան Արա Ղազարյանն էլ կարծում է, որ Հայաստանում գնալով նվազում է կալանավորումների թիվը, սակայն կա մեկ հարց` որոշ գործերով, երբ կալանքը սպառել է իր նպատակը, անձը շարունակվում է պահվել կալանքի տակ։ «Այստեղ պետք է քաղաքական պատվեր տեսնել, մանավանդ եթե քաղաքական գործ է։ Եթե անձը 3 ամիս մնացել է ազատության մեջ և քննությանը չի խոչընդոտել, ինչո՞ւ են հանկարծ նրան կալանավորում. սա արտաքին ազդակի դեպքում կարող է լինել։ Կարծում եմ` խափանման այլընտրանքային միջոցները պետք է ավելանան»,–ասաց Ղազարյանը։
Նրա խոսքով` ձեռքով քրգործերը դատավորներին մակագրելու հարցով պետք է օրենսդրական բարեփոխում անել։ Ղազարյանը նշեց` այդ հին, «պապենական մեթոդից» պետք է հրաժարվել, քանի որ այն դատարանների անկախության հետընթացի պրոցես է։
Դատախազության ներկայացուցիչ Կարեն Ամիրյանն էլ իր հերթին նշեց, որ, իսկապես, կալանավորումների վերաբերյալ որոշումների նվազման միտում կա վերջին 1-2 տարիներին։ Ամիրյանի խոսքով` դատախազությունը կալանավորման վերաբերյալ օրենսդրական նախաձեռնություն էր մշակել, որը, սակայն, որևէ արձագանքի չի արժանացել և նախագծի տեսքով է մնացել։
28 դեկտեմբերի 2021, 11:36
«Նախագծում դատախազությունը շեշտադրել էր, որ կալանքի երկարացման վերաբերյալ միջնորդություն ներկայացնելու պարագայում վարույթն իրականացնող մարմինը պարտավոր է հիմնավորել` ինչ միջոցներ է ձեռնարկել քրգործով պարզման ենթակա հանգամանքների վերաբերյալ։ Այսինքն` օրենսդրորեն պետք է ամրագրել, որ վարույթն իրականացնող մարմինը պարտավոր է հիմնավորել իր կողմից կատարված պատշաճ ջանասիրությունը»,–ասաց Ամիրյանը` հավելելով, որ դատախազությունը տեսել և տեսնում է բազմաթիվ խնդիրներ և շուրջ 3 տարի է` օրենսդրական նախաձեռնություն էլ կա։
Միաժամանակ, Ամիրյանը բացառեց կալանավորման հարցում քաղաքական ազդեցությունը, ըստ նրա՝ բացառվում է, որ կարող է քննիչին ոչ իրավաչափ ցուցում տրվի, թե կոնկրետ դեպքում անհրաժեշտ է կալանավորման գնալ։
