https://arm.sputniknews.ru/20220112/inchpes-karvogh-e-pvopvokhvel-gazi-giny-aprili-1-ic-parzabanum-e-htskh-n-37430304.html
Ինչպես կարող է փոփոխվել գազի գինը ապրիլի 1-ից․ պարզաբանում է ՀԾԿՀ-ն
Ինչպես կարող է փոփոխվել գազի գինը ապրիլի 1-ից․ պարզաբանում է ՀԾԿՀ-ն
Sputnik Արմենիա
Գազի գինը կարող է փոխվել՝ կախված դրա էներգետիկ արժեքից։ Սահմանին այն կարող է աճել 5 տոկոսով, սակայն սպառողների համար վերջնական սակագինը կարող է փոփոխվել... 12.01.2022, Sputnik Արմենիա
2022-01-12T14:14+0400
2022-01-12T14:14+0400
2022-01-12T14:14+0400
հայաստան
գազ
գազի սակագին
հանրային ծառայությունները կարգավորող հանձնաժողով (հծկհ)
https://cdn.am.sputniknews.ru/img/1589/33/15893354_0:78:1485:913_1920x0_80_0_0_00fd1df871366db3d3bd2f283e1b92ca.jpg
ԵՐԵՎԱՆ, 12 հունվարի – Sputnik. Գազի գնի փոփոխությունները հնարավոր կլինի քննարկել միայն այն ժամանակ, երբ «Գազպրոմ Արմենիա» ընկերությունը համապատասխան հայտ ներկայացնի։ Այսօր լրագրողներին ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը։Նա հիշեցրեց, որ 2021 թվականի դեկտեմբերին Հայաստանի և Ռուսաստանի ստորագրած միջպետական արձանագրության համաձայն` նախատեսված էր, որ գազի գինը կտատանվի՝ կախված դրա էներգետիկ արժեքից: Եթե այն մեկ խորանարդ մետրի համար 7 900 կիլոկալորիայից բարձր լինի, սահմանին գազի գինը համամասնորեն կբարձրանա, իսկ եթե ավելի ցածր, կնվազի։Այդ մեխանիզմը ներդրվել է դեռևս 2013թ․-ի համաձայնագրում, սակայն դրա կիրառումը հետաձգվում էր։ Այժմ այն ուժի մեջ կմտնի ապրիլի 1-ից, և սահմանին վերջնական գինը կախված կլինի գազի էներգետիկ արժեքից։ Բայց խոսքը սահմանին հաշվարկվող գնի մասին է, իսկ վերջնական սպառողների համար սակագինը կարող է փոփոխվել տարին մեկ անգամից ոչ հաճախ (այսինքն՝ կալորիականության տատանումները, սկսած 2021թ․-ի ապրիլի 1-ից, հաշվի կառնվեն միայն 2022թ․-ի ապրիլի 1-ից)։Նախորդ տարի այն կազմել է 8300 Կկալ և ավելի (առանձին ամիսներին՝ մինչև 8500), իսկ հաշվի առնելով, որ 8 300-ը 5 տոկոսով շատ է, քան 7 900-ը, ապա այլ հավասար պայմանների դեպքում գինը կարող է աճել 5 տոկոսով։«Բայց դա՝ հենց այլ հավասար պայմանների դեպքում, քանի որ կալորիականությունը գործոններից միայն մեկն է, կարող են նաև այլ գործոններ լինել։ Թե ինչպիսի, վերջնականապես պարզ կդառնա, երբ «Գազպրոմ Արմենիան» սակագնի փոփոխության հայտ ներկայացնի։ Դրան կցված կլինի ֆինանսական հաշվետվությունը՝ եկամտի և ծախսի հոդվածներով, որոնցից ամեն ինչ վերջնականապես պարզ կդառնա»,-պարզաբանեց Բաղրամյանը։Բացի այդ, նրա խոսքով, որքան գազն ավելի կալորիական լինի, այնքան փաստացի ավելի քիչ կծախսվի (կենցաղային լեզվով ասած՝ այդքան ավելի արագ կտաքանա թեյնիկը)։ Այսինքն՝ եթե սպառողն ավելի կալորիական գազ ստանա, ավելի քիչ էլ գազ կվառի։Դրա հետ մեկտեղ հազար խորանարդ մետրի դիմաց 165 դոլար բազային սակագինը չպետք է փոխվի 10 տարվա ընթացքում։ Բաղրամյանը հիշեցրեց, որ Հայաստանն իր կողմից պարտավորվել է ապահովել «Գազպրոմ Արմենիա» ընկերության «Հրազդան-5» ջերմային էլեկտրակայանի շահութաբերությունը և նրա համար սակագինը բարձրացնել այնպես, որ կայանը տարեկան ստանա լրացուցիչ 31,79 մլն դոլար (սահմանված հզորության մեկ միավորի համար հաստատագրված վճարների հաշվին):Նա ընդգծեց նաև մեկ այլ հանգամանք` «Գազպրոմ Արմենիան» պետք է շարունակի ավելացնել ցանցի արդյունավետությունը, որպեսզի կրճատի համակարգում գազի կորուստները։ 2020թ․-ին այդ նպատակով արդեն վերանորոգվել է Ադրբեջանի սահմանի մոտ գտնվող գազատարի հատվածը, որը տարիներ շարունակ չէր վերականգնվել։ Դա թույլ է տվել տարեկան մոտ 30 միլիոն խորանարդ մետր գազ խնայել։«Այժմ «Գազպրոմի» հետ քննարկվում է մոտակա մի քանի տարվա համար այդպիսի նորոգման աշխատանքների գրաֆիկը, որպեսզի մենք միասին նպատակ դնենք, թե քանի տարում և որքանով են կրճատվելու կորուստները։ Դա թույլ կտա սակագներ ձևավորել նաև հաջորդ տարիների համար։ Այժմ այդ քննարկումները ավարտական փուլում են»,-ավելացրեց Բաղրամյանը։Նշենք, որ 2020թ․-ի արդյունքներով` Հայաստանի մայրուղային և բաշխիչ համակարգերում գազի կորուստները կազմում են մոտ 5,7 տոկոս: «Գազպրոմ Արմենիայի» ծրագրով մինչև 2025 թվականը կորուստների մակարդակը պետք է նվազի մինչև 3,9 տոկոս, իսկ մինչև 2030 թվականը՝ մինչև 3,0 տոկոս:
https://arm.sputniknews.ru/20220108/inch-e-katarvum-benzini-shukajum-u-inchqan-ktevi-benzini-zhamanakavvor-ezhanacumy-37311989.html
https://arm.sputniknews.ru/20220111/toprakov-problemner-hajastanum-hast-u-barak-toprakneri-kharnashpot-e-37400275.html
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, գազ, գազի սակագին, հանրային ծառայությունները կարգավորող հանձնաժողով (հծկհ)
հայաստան, գազ, գազի սակագին, հանրային ծառայությունները կարգավորող հանձնաժողով (հծկհ)
Ինչպես կարող է փոփոխվել գազի գինը ապրիլի 1-ից․ պարզաբանում է ՀԾԿՀ-ն
Գազի գինը կարող է փոխվել՝ կախված դրա էներգետիկ արժեքից։ Սահմանին այն կարող է աճել 5 տոկոսով, սակայն սպառողների համար վերջնական սակագինը կարող է փոփոխվել տարեկան մեկ անգամից ոչ հաճախ ։
ԵՐԵՎԱՆ, 12 հունվարի – Sputnik. Գազի գնի փոփոխությունները հնարավոր կլինի քննարկել միայն այն ժամանակ, երբ «Գազպրոմ Արմենիա» ընկերությունը համապատասխան հայտ ներկայացնի։ Այսօր լրագրողներին ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը։
Նա հիշեցրեց, որ 2021 թվականի դեկտեմբերին Հայաստանի և Ռուսաստանի ստորագրած միջպետական արձանագրության համաձայն` նախատեսված էր, որ գազի գինը կտատանվի՝ կախված դրա էներգետիկ արժեքից: Եթե այն մեկ խորանարդ մետրի համար 7 900 կիլոկալորիայից բարձր լինի, սահմանին գազի գինը համամասնորեն կբարձրանա, իսկ եթե ավելի ցածր, կնվազի։
Այդ մեխանիզմը ներդրվել է դեռևս 2013թ․-ի համաձայնագրում, սակայն դրա կիրառումը հետաձգվում էր։ Այժմ այն ուժի մեջ կմտնի ապրիլի 1-ից, և սահմանին վերջնական գինը կախված կլինի գազի էներգետիկ արժեքից։ Բայց խոսքը սահմանին հաշվարկվող գնի մասին է, իսկ վերջնական սպառողների համար սակագինը կարող է փոփոխվել տարին մեկ անգամից ոչ հաճախ (այսինքն՝ կալորիականության տատանումները, սկսած 2021թ․-ի ապրիլի 1-ից, հաշվի կառնվեն միայն 2022թ․-ի ապրիլի 1-ից)։
Նախորդ տարի այն կազմել է 8300 Կկալ և ավելի (առանձին ամիսներին՝ մինչև 8500), իսկ հաշվի առնելով, որ 8 300-ը 5 տոկոսով շատ է, քան 7 900-ը, ապա այլ հավասար պայմանների դեպքում գինը կարող է աճել 5 տոկոսով։
«Բայց դա՝ հենց այլ հավասար պայմանների դեպքում, քանի որ կալորիականությունը գործոններից միայն մեկն է, կարող են նաև այլ գործոններ լինել։ Թե ինչպիսի, վերջնականապես պարզ կդառնա, երբ «Գազպրոմ Արմենիան» սակագնի փոփոխության հայտ ներկայացնի։ Դրան կցված կլինի ֆինանսական հաշվետվությունը՝ եկամտի և ծախսի հոդվածներով, որոնցից ամեն ինչ վերջնականապես պարզ կդառնա»,-պարզաբանեց Բաղրամյանը։
Բացի այդ, նրա խոսքով, որքան գազն ավելի կալորիական լինի, այնքան փաստացի ավելի քիչ կծախսվի (կենցաղային լեզվով ասած՝ այդքան ավելի արագ կտաքանա թեյնիկը)։ Այսինքն՝ եթե սպառողն ավելի կալորիական գազ ստանա, ավելի քիչ էլ գազ կվառի։
Դրա հետ մեկտեղ հազար խորանարդ մետրի դիմաց 165 դոլար բազային սակագինը չպետք է փոխվի 10 տարվա ընթացքում։ Բաղրամյանը հիշեցրեց, որ
Հայաստանն իր կողմից պարտավորվել է ապահովել «Գազպրոմ Արմենիա» ընկերության «Հրազդան-5» ջերմային էլեկտրակայանի շահութաբերությունը և նրա համար սակագինը բարձրացնել այնպես, որ կայանը տարեկան ստանա լրացուցիչ 31,79 մլն դոլար (սահմանված հզորության մեկ միավորի համար հաստատագրված վճարների հաշվին):
«Եթե մեր գործընկերները 165 դոլար սակագնի փոփոխման հարց բարձրացնեն, մենք էլ մեր հերթին կկարողանանք փոփոխել այդ 31,79 միլիոնը»,-ավելացրեց Բաղրամյանը։
Նա ընդգծեց նաև մեկ այլ հանգամանք` «Գազպրոմ Արմենիան» պետք է շարունակի ավելացնել ցանցի արդյունավետությունը, որպեսզի կրճատի համակարգում գազի կորուստները։ 2020թ․-ին այդ նպատակով արդեն վերանորոգվել է Ադրբեջանի սահմանի մոտ գտնվող գազատարի հատվածը, որը տարիներ շարունակ չէր վերականգնվել։ Դա թույլ է տվել տարեկան մոտ 30 միլիոն խորանարդ մետր գազ խնայել։
«Այժմ «Գազպրոմի» հետ քննարկվում է մոտակա մի քանի տարվա համար այդպիսի նորոգման աշխատանքների գրաֆիկը, որպեսզի մենք միասին նպատակ դնենք, թե քանի տարում և որքանով են կրճատվելու կորուստները։ Դա թույլ կտա սակագներ ձևավորել նաև հաջորդ տարիների համար։ Այժմ այդ քննարկումները ավարտական փուլում են»,-ավելացրեց Բաղրամյանը։
Նշենք, որ 2020թ․-ի արդյունքներով`
Հայաստանի մայրուղային և բաշխիչ համակարգերում գազի կորուստները կազմում են մոտ 5,7 տոկոս: «Գազպրոմ Արմենիայի» ծրագրով մինչև 2025 թվականը կորուստների մակարդակը պետք է նվազի մինչև 3,9 տոկոս, իսկ մինչև 2030 թվականը՝ մինչև 3,0 տոկոս:
