https://arm.sputniknews.ru/20211229/hh-tntesakan-atshy-fantastikaji-zhanric-e-aramjany-hakadardzum-e-qervobjanin-37020311.html

ՀՀ տնտեսական աճը ֆանտաստիկայի ժանրից է. Վարդան Արամյան

ՀՀ տնտեսական աճը ֆանտաստիկայի ժանրից է. Վարդան Արամյան

Sputnik Արմենիա

ՀՀ ֆինանսների նախկին նախարարը վստահեցնում է, որ իշխանությունը մոլորեցնում է մարդկանց։ 29.12.2021, Sputnik Արմենիա

2021-12-29T23:26+0400

2021-12-29T23:26+0400

2021-12-30T21:19+0400

տնտեսություն

հայաստան

վարդան արամյան

վահան քերոբյան

https://cdn.am.sputniknews.ru/img/2153/01/21530117_0:0:1600:901_1920x0_80_0_0_542e928f974f5fda84db4448cca15214.jpg

ԵՐԵՎԱՆ, 29 դեկտեմբերի – Sputnik. 2021թ–ին 7 տոկոսանոց տնտեսական աճը Հայաստանի տնտեսության համար ֆանտաստիկայի ժանրից է։ Sputnik Արմենիայի հետ զրույցում նման կարծիք հայտնեց ֆինանսների նախկին նախարար, հանրային ֆինանսների կառավարման միջազգային խորհրդատու Վարդան Արամյանը։Ըստ նրա` նշված 12 տոկոսից շուրջ 7 տոկոսն ապահովվել է գների բարձրացման հաշվին (ՀՆԱ–ի դեֆլյատորի), մինչդեռ տնտեսության իրական ծավալների աճը հունվար-նոյեմբերին կազմել է շուրջ 5 տոկոս։«Այսինքն` 2020թ–ի 7.4 տոկոս տնտեսական անկումից հետո մենք արձանագրում ենք շատ ավելի ցածր տնտեսական աճ։ Իսկ որպեսզի արձանագրենք լիարժեք վերականգնում, 7,4% ցուցանիշից ավել պետք է աճենք։ Դա ֆանտազիայի ժանրից է, որ մենք կարողանալու ենք գոնե մոտենալ 7 տոկոսին»,– եզրակացնում է նախկին նախարարը։Գրանցված տնտեսական ակտիվության 5.2% ցուցանիշի աճն էլ, որն ի դեպ մոտարկումն է տնտեսական աճի ցուցանիշի, նրա մեկնաբանմամբ, ապահովվել է հիմնականում արտաքին երևույթների հաշվին` տրանսֆերտների ներհոսք ու պղնձի համաշխարհային գների բարձրացում։ «Այս երկու գործոններն են, որ հանգեցրել են մեզ մոտ քիչ թե շատ բարձր տնտեսական ակտիվության ցուցանիշի»,– ասաց Արամյանը։ Նա նշեց, որ ՀՀ տնտեսության ճյուղերից 2021թ–ին աճ են գրանցել առևտուրը, ծառայություններն ու շինարարությունը, մինչդեռ 9 ամսով անկում գրանցած գյուղատնտեսությունն այդ հաշվարկներում ընդհանրապես բացակայում է։Հիշեցնենք` ՀՀ էկոնոմիկայի նախարար Վահան Քերոբյանը 2021թ–ի ապրիլին հայտարարել էր, որ կառավարության նպատակն է տարին փակել երկնիշ տնտեսական աճով։ Նա նաև հրապարակավ խոստացել էր հրաժարական տալ, եթե Հայաստանը տարին այդպես չփակի։ ՀՀ վարչապետ Նիկոլ Փաշինյանը հուլիսի 1-ին հայտարարել էր 6 տոկոս տնտեսական աճի մասին։Այսօր առցանց ասուլիսի ժամանակ Քերոբյանը նշեց, որ ամիսներ առաջ երկնիշ տնտեսական աճի մասին հայտարարել էր մարդկանց լավատեսություն ներշնչելու համար։ Նա նաև խոստովանեց, որ իր սպասումներն ավելի դրական էին, քան այն, ինչ ունեցանք տարեվերջին, քանի որ ինքը նման բարձր գնաճ չէր կանխատեսել։Նշենք, որ 2021թ–ի պետական բյուջեով այս տարվա համար նախատեսված էր 3.2 տոկոս տնտեսական աճ` 2020թ–ի 7 տոկոսանոց անկման դիմաց, ինչը հանրագումարում շուրջ 10 տոկոսանոց աճ է ենթադրում։Կենտրոնական բանկի դեկտեմբերի 14-ի կանխատեսման համաձայն` տարեկան աճը կկազմի 4.2 տոկոս։Արտահերթ ընտրություններից հետո` 2021թ–ի օգոստոսին ընդունված կառավարության հնգամյա ծրագրով` այս տարվա համար նախատեսված է առնվազն 7 տոկոս տնտեսական աճ։

https://arm.sputniknews.ru/20211229/vorvoshumy-karvogh-e-linel-vorvoshman-bacakajutjuny-erb-kvtshrvi-turqakan-embargvoji-tshakatagiry-37018918.html

2021

Լուրեր

am_HY

տնտեսություն, հայաստան, վարդան արամյան, վահան քերոբյան