https://arm.sputniknews.ru/20211223/hajastanic-iran-elektraenergiaji-artahanman-hnaravvorutjunnery-kmetsanan-pvokhnakharar-36766059.html

Հայաստանից Իրան էլեկտրաէներգիայի արտահանման հնարավորությունները կմեծանան. փոխնախարար

Հայաստանից Իրան էլեկտրաէներգիայի արտահանման հնարավորությունները կմեծանան. փոխնախարար

Sputnik Արմենիա

ՀՀ տարածքային կառավարման և ենթակառուցվածքների փոխնախարար Հակոբ Վարդանյանը մեկնաբանել է Երևանի ՋԷԿ–ի շահագործման և ԷՀԳ–ի շինարարության հետ կապված հարցերը։ 23.12.2021, Sputnik Արմենիա

2021-12-23T08:27+0400

2021-12-23T08:27+0400

2021-12-23T08:27+0400

հայաստան

հայաստան–իրան գործակցություն

իրանի իսլամական հանրապետություն

էլեկտրաէներգիա

հակոբ վարդանյան

https://cdn.am.sputniknews.ru/img/2086/92/20869239_0:0:1600:901_1920x0_80_0_0_a9c8c544121825d50aebbf68387cbb08.jpg

ԵՐԵՎԱՆ, 22 դեկտեմբերի – Sputnik. Նոր ՋԷԿ–ը, որը Երևանում բացվեց նոյեմբերի վերջին, կընդլայնի դեպի Իրան էլեկտրաէներգիայի արտահանման հնարավորությունները։ Այս մասին Sputnik Արմենիայի հետ զրույցում հայտարարեց էներգետիկայի ոլորտը համակարգող ՀՀ տարածքային կառավարման և ենթակառուցվածքների փոխնախարար Հակոբ Վարդանյանը։Նախևառաջ, նոր էլեկտրակայանը կփոխարինի Հրազդանի ՋԷԿ–ի հին էներգաբլոկները (1-ից 4-րդը), որոնք տեխնիկապես հնացել են և բարձր ինքնարժեքով հոսանք են արտադրում։ Հրազդանի հին ՋԷԿ–ը, ամենայն հավանականությամբ, կփակվի հաջորդ տարի, դրա արդիականացման մասին բանակցություններ չեն եղել։Նոր կայանը գործելու է «Գազպրոմ Արմենիային» պատկանող «Հրազդան» ՋԷԿ–ի 5-րդ էներգաբլոկի հետ զուգահեռ։ Երբ «Հրազդան-5»-ը դադարեցնի աշխատանքը պլանային զննության և վերանորոգման (ինչպես վերջին շաբաթներին) նպատակով, այդ ժամանակ Երևանի ՋԷԿ–ի նոր էներգաբլոկը կաշխատի ողջ հզորությամբ։Տեխնիկական առումով ՋԷԿ–ի նոր էներգաբլոկը կարող է արդեն գործող էներգաբլոկի հետ դեպի Իրան էլեկտրաէներգիա մատակարարել։Հայաստանից Իրան և Վրաստան էլեկտրահաղորդման գիծը. ի՞նչ է փոխվել նախագծի իրականացման հարցումՄատակարարումներին մասնակցում է նաև «Հրազդան-5»-ը։ Հայաստանից դեպի Իրան նոր ԷՀԳ (400 կՎ) դեռ չի կառուցվել, սակայն երկու գործող գծերն էլ (յուրաքանչյուրը 220 կՎ) բավարար թողունակություն ունեն նոր կայանից էլեկտրաէներգիա ընդունելու համար։ Փաստացի որքան էլեկտրաէներգիա կուղարկվի Իրան` կպարզվի հանրապետության հաջորդ տարվա էլեկտրաէներգետիկ հաշվեկշռով։Ինչպես նշեց փոխնախարարը` Իրանը Հայաստան գազ է մատակարարում, որով շահագործվում է Երևանի ՋԷԿ–ը և մասամբ մյուս ջերմակայանները։ Գազի յուրաքանչյուր խմ–ի դիմաց Հայաստանը Իրան 3 կՎտ/ժ հոսանք է մատակարարում, իսկ արտադրության ավելցուկը (1-1,5 կՎտ/ժ) թողնում տանը։ Ավելի վաղ իրանական կողմը հարց էր բարձրացրել այդ համամասնության փոփոխման վերաբերյալ, սակայն օրակարգում այն դեռ չի ներառվել։Նկատենք, որ թեև կայանը Երևանի ՋԷԿ–ի նոր էներգաբլոկ են անվանում, փաստացի խոսքը գնում է երկու տարբեր կայանների մասին. առաջինը կառուցվել էր Ճապոնիայի կառավարությունից (միջազգային համագործակցության ճապոնական գործակալություն) ստացած վարկային միջոցներով, գործարկվել է 2010 թվականին և շարունակում է պետության սեփականություն մնալ։ Երկրորդը, որը գործարկվեց նոյեմբերի վերջին, կառուցել է գերմանա–իտալական կոնսորցիումը Renco և Siemens կորպորացիաների (կայանի սեփականատերեր) մասնակցությամբ։Ինչո՞ւ է Իրանը էլեկտրաէներգիա ներկրում Հայաստանից, և ի՞նչ կապ ունի նախկին նախագահըՎարդանյանի խոսքով` հոկտեմբերի 11-ից նոր կայանը ցանցին էլեկտրաէներգիա է տալիս։ Դրան զուգահեռ կայանում մի շարք փորձարկումներ են իրականացվում, սակայն գեներացիային դրանք չեն խանգարում։ Կայանից ստացված էլեկտրաէներգիրայի սակագինը կկազմի 5,7 ցենտ 1 կՎ/ժ–ի դիմաց (ավելի բարձր, քան Երևանի ՋԷԿ–ում, բայց ավելի ցածր, քան «Հրազդան-5»–ում), կամ 27,93 դրամ (ընթացիկ փոխարժեքի հաշվարկով)։Փոխնախարարի խոսքով` սակագինը կարող է փոխվել գազի գներից կախված, մյուս բաղադրիչներն անփոփոխ են։Խոսելով միջազգային էլեկտրահաղորդման գծերի կառուցման մասին, Վարդանյանը նշեց, որ Իրան–Հայաստան գիծը պատրաստ կլինի մինչև 2023 թվականի վերջ (այս ժամկետը մի քանի անգամ երկարաձգվել է, – խմբ.)։ Գիծն անցնելու է Իրանի սահմանից (Մեղրիում) մինչև Սևանի ափին գտնվող Դդմաշեն գյուղ, որտեղ նոր ենթակայան կկառուցվի։ Շինարարությունը գծի բոլոր հատվածներում իրականացվում է միաժամանակ. սկզբում բետոնվում են հենասյուների համար նախատեսված հիմքերը, այնուհետև տեղադրվում սյուները, իսկ վերջում բարձր լարման մալուխներն են անցկացվում։Ինչ վերաբերում է Հայաստան–Վրաստան նոր գծի (նույնպես 400 կՎ լարման) շինարարությանը, դրա առաջին փուլն (թեկնածուների ընտրությունը) արդեն ավարտվել է։ Մինչև 2022 թվականի վերջ կընտրվի կապալառուն, որը կներկայացնի նախագծի լավագույն տեխնիկատնտեսական հիմնավորումը։ Այդ ժամանակ արդեն հնարավոր կլինի սկսել շինարարությունը։Նոր գծերը Հայաստանին թույլ կտան Իրան և Վրաստան ոչ միայն մեծ ծավալների հոսանք արտահանել, այլև փոխանցել այն տարանցմամբ (օրինակ` Իրանի և Վրաստանի միջև, իսկ տեսականորեն` Ռուսաստան–Վրաստան–Հայաստան–Իրան ողջ երթուղով)։

https://arm.sputniknews.ru/20210708/hayastann-aravelaguyns-kpordzi-elektraenrgiayov-ognel-iranin-28222083.html

https://arm.sputniknews.ru/20210310/hayastann-u-irany-qnnarkumen-gaz-elektraenergiayi-dimac-paymanagri-popoxutyunnery-26750774.html

https://arm.sputniknews.ru/20190918/irany-10-15-tarva-yntacqm-kgni-mexri-hek-i-artadrats-elektraenergiayi-amboxj-tsavaly-20446623.html

իրանի իսլամական հանրապետություն

2021

Լուրեր

am_HY

հայաստան, հայաստան–իրան գործակցություն, իրանի իսլամական հանրապետություն, էլեկտրաէներգիա, հակոբ վարդանյան