https://arm.sputniknews.ru/20211218/hnagetnery-hajastanum-erku-amazvonuhu-gerezman-en-hajtnaberel-36628984.html
Հնագետները Հայաստանում երկու «ամազոնուհու» գերեզման են հայտնաբերել
Հնագետները Հայաստանում երկու «ամազոնուհու» գերեզման են հայտնաբերել
Sputnik Արմենիա
Հնագետները Շիրակի մարզում կանանց աճյուններ են հայտնաբերել։ Պարզվել է, որ նրանք աղեղնավոր հեծյալներ են եղել։ Այդ մասին են վկայում մասունքների մոտ թաղված զենքը... 18.12.2021, Sputnik Արմենիա
2021-12-18T13:32+0400
2021-12-18T13:32+0400
2021-12-18T13:38+0400
կին
շիրակի մարզ
հնագետ
https://cdn.am.sputniknews.ru/img/07e5/0c/0b/36327368_0:126:1601:1026_1920x0_80_0_0_66b0dcd1959c10781cead3c346b7f66e.jpg
ԵՐԵՎԱՆ, 17 դեկտեմբերի - Sputnik. ՀՀ ԳԱԱ Հնագիտության և ազգագրության ինստիտուտի հնագետների խումբը ուսումնասիրել է Շիրակի մարզի Ջրափի գյուղի գերեզմանոցը, որը թվագրվում է ուշ բրոնզի և վաղ երկաթի դարաշրջաններով։ Գիտնականները մոտ 4,5 մետր ընդհանուր երկարությամբ բազալտե չորս սալերից բաղկացած ծածկույթի տակ տուֆապատ պատերով դամբարան են հայտնաբերել։ Տեղեկությունը հայտնում է International Journal of Osteoarchaeology-ն։Դամբարանում եղել են 45-50 տարեկան կնոջ և 16-20 տարեկան աղջկա կմախքներ, վեց կավե անոթներ, ուլունքներ, դաշույններ և բրոնզե նետերի չորս ծայրեր:Կմախքների վրա վնասվածքների հետքեր են եղել, որոնք ապացուցում են, որ կանայք մարտերի են մասնակցել։ Մեկը գագաթային ոսկրի վնասվածք է ունեցել, որը կյանքի օրոք բուժվել է։ Կողոսկրերի մոտ նետ է եղել, հավանաբար հենց դրանով են սպանել նրան։ Երկրորդ կինը նույնպես գանգի կոտրվածք է ունեցել ու կյանքի ընթացքում ստորին ծնոտի վնասվածք է ստացել։ Նրա սրունքի ոսկրի վրա հայտնաբերվել են նետի հետքեր, ընդ որում՝ ծայրը, ամենայն հավանականությամբ, մտել է ոտքը, երբ կինը ձիու վրա է եղել։Վնասվածքների տեսակն ու դրանց տեղայնացումը վկայում են, որ կանայք կռվել են զինված թշնամիների դեմ։ Երկուսին էլ թաղել են իրենց անձնական զենքով՝ նետերով ու դաշույնով։Հայաստանում կին զինվորների շիրիմներ շատ հազվադեպ են հանդիպում։ Հնագետները կարծում են, որ նրանց կարելի է պրոֆեսիոնալ մարտիկների առանձին խմբի դասել` հեծյալ նետաձիգներ։Կին մարտիկների մասին առաջին հիշատակումները թվագրվում են մ.թ. ա. V դարով ու կապված են պատմաբան Հերոդոտոսի անվան հետ: Նա գրել է ամազոնուհիների մասին, որոնք գերազանց հեծյալներ են եղել` զինված նետով ու նիզակներով: Կանայք հարձակումներ են գործել հարևան ցեղերի վրա, գերեվարել տղամարդկանց և ստիպել, որ զբաղվեն կենցաղային գործերով: Հույն պատմիչ և աշխարհագրագետ Ստրաբոնն էլ գրել է, որ նրանք ապրել են այդ դարաշրջանի քաղաքակիրթ աշխարհի ծայրամասերում՝ Կովկասի նախալեռներում, Ազովի ծովի շրջանում, Սև ծովի արևելյան ափին և Փոքր Ասիայի հյուսիս-արևելքում։Ավելի վաղ հայտնել էինք, որ հնագետները ուրարտական դարաշրջանի կին ռազմիկի կմախք են հայտնաբերել Լոռու մարզում։Հայաստանն Ուրարտուի ժառանգորդն է. Կարմիր բլուրում կարևոր բացահայտում են արել աշխարհի համար
https://arm.sputniknews.ru/20211211/erevany-jri-khndir-e-unecel-qaghaqi-kentrvonum-mijnadarjan-gtatsvoner-en-hajtnabervel-36294583.html
շիրակի մարզ
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կին, շիրակի մարզ, հնագետ
Հնագետները Հայաստանում երկու «ամազոնուհու» գերեզման են հայտնաբերել
13:32 18.12.2021 (Թարմացված է: 13:38 18.12.2021) Հնագետները Շիրակի մարզում կանանց աճյուններ են հայտնաբերել։ Պարզվել է, որ նրանք աղեղնավոր հեծյալներ են եղել։ Այդ մասին են վկայում մասունքների մոտ թաղված զենքը, գանգերի բազմաթիվ կոտրվածքներն ու նետերի հետևանքով առաջացած վնասվածքները։
ԵՐԵՎԱՆ, 17 դեկտեմբերի - Sputnik. ՀՀ ԳԱԱ Հնագիտության և ազգագրության ինստիտուտի հնագետների խումբը ուսումնասիրել է Շիրակի մարզի Ջրափի գյուղի գերեզմանոցը, որը թվագրվում է ուշ բրոնզի և վաղ երկաթի դարաշրջաններով։ Գիտնականները մոտ 4,5 մետր ընդհանուր երկարությամբ բազալտե չորս սալերից բաղկացած ծածկույթի տակ տուֆապատ պատերով դամբարան են հայտնաբերել։ Տեղեկությունը հայտնում է
International Journal of Osteoarchaeology-ն։
Դամբարանում եղել են 45-50 տարեկան կնոջ և 16-20 տարեկան աղջկա կմախքներ, վեց կավե անոթներ, ուլունքներ, դաշույններ և բրոնզե նետերի չորս ծայրեր:
Կմախքների վրա վնասվածքների հետքեր են եղել, որոնք ապացուցում են, որ կանայք մարտերի են մասնակցել։ Մեկը գագաթային ոսկրի վնասվածք է ունեցել, որը կյանքի օրոք բուժվել է։ Կողոսկրերի մոտ նետ է եղել, հավանաբար հենց դրանով են սպանել նրան։ Երկրորդ կինը նույնպես գանգի կոտրվածք է ունեցել ու կյանքի ընթացքում ստորին ծնոտի վնասվածք է ստացել։ Նրա սրունքի ոսկրի վրա հայտնաբերվել են նետի հետքեր, ընդ որում՝ ծայրը, ամենայն հավանականությամբ, մտել է ոտքը, երբ կինը ձիու վրա է եղել։
Վնասվածքների տեսակն ու դրանց տեղայնացումը վկայում են, որ կանայք կռվել են զինված թշնամիների դեմ։ Երկուսին էլ թաղել են իրենց անձնական զենքով՝ նետերով ու դաշույնով։
Հայաստանում կին զինվորների շիրիմներ շատ հազվադեպ են հանդիպում։ Հնագետները կարծում են, որ նրանց կարելի է պրոֆեսիոնալ մարտիկների առանձին խմբի դասել` հեծյալ նետաձիգներ։
11 դեկտեմբերի 2021, 09:27
Կին մարտիկների մասին առաջին հիշատակումները թվագրվում են մ.թ. ա. V դարով ու կապված են պատմաբան Հերոդոտոսի անվան հետ: Նա գրել է ամազոնուհիների մասին, որոնք գերազանց հեծյալներ են եղել` զինված նետով ու նիզակներով: Կանայք հարձակումներ են գործել հարևան ցեղերի վրա, գերեվարել տղամարդկանց և ստիպել, որ զբաղվեն կենցաղային գործերով: Հույն պատմիչ և աշխարհագրագետ Ստրաբոնն էլ գրել է, որ նրանք ապրել են այդ դարաշրջանի քաղաքակիրթ աշխարհի ծայրամասերում՝ Կովկասի նախալեռներում, Ազովի ծովի շրջանում, Սև ծովի արևելյան ափին և Փոքր Ասիայի հյուսիս-արևելքում։
Ավելի վաղ
հայտնել էինք, որ հնագետները ուրարտական դարաշրջանի կին ռազմիկի կմախք են հայտնաբերել Լոռու մարզում։
