https://arm.sputniknews.ru/20211211/erevany-jri-khndir-e-unecel-qaghaqi-kentrvonum-mijnadarjan-gtatsvoner-en-hajtnabervel-36294583.html

Երևանը ջրի խնդիր է ունեցել. քաղաքի կենտրոնում միջնադարյան գտածոներ են հայտնաբերվել

Երևանը ջրի խնդիր է ունեցել. քաղաքի կենտրոնում միջնադարյան գտածոներ են հայտնաբերվել

Sputnik Արմենիա

Շինարարական ընկերության ներկայացուցիչները հնագետներին հայտնել են, որ գետնի տակ ինչ–որ բան են գտել, որը կարող է կարևոր լինել քաղաքի պատմության համար։ 11.12.2021, Sputnik Արմենիա

2021-12-11T09:27+0400

2021-12-11T09:27+0400

2021-12-11T09:27+0400

հայաստան

պեղումներ

երևան

հնագետ

ջուր

https://cdn.am.sputniknews.ru/img/07e5/0c/0b/36327402_0:114:1600:1014_1920x0_80_0_0_a8af9441d1481291d8d60983a3f94ac5.jpg

ԵՐԵՎԱՆ, 11 դեկտեմբերի – Sputnik. Երևանի կենտրոնում` մանկական այգում (նախկինում՝ Կիրովի անվան զբոսայգի) իրականացված պեղումների ընթացքում ուշ միջնադարյան ջրամատակարարման և ջրահեռացման համակարգ է հայտնաբերվել։ Մասնագետները նաև անոթների բեկորներ, կավե, հախճապակե և կերամիկական կենցաղային առարկաներ են գտել։ՀՀ կրթության, գիտության, մշակույթի և սպորտի նախարարությանն առընթեր Պատմամշակութային ժառանգության գիտահետազոտական կենտրոնի հնագիտական արշավախումբը պեղումները սկսել է դեկտեմբերի 1-ից: Ինչպես Sputnik Արմենիայի թղթակցին պատմեց արշավախմբի ղեկավար Մերի Սաֆարյանը, տվյալները նախնական են, և դրանց մասին 100 տոկոս ճշգրտությամբ կարելի է խոսել աշխատանքներն ավարտելուց հետո։Որ գետնի տակ ինչ–որ կարևոր բան է հայտնաբերվել, հնագետներն իմացել են շինարարական ընկերության ներկայացուցիչներից։ Կառուցապատողը այգու ղեկավարությունից սրճարան կառուցելու թույլտվություն է ստացել։Հողային նախնական աշխատանքներից և հիմքի լցոնման համար տարածքը պատրաստելուց հետո որոշ շերտեր են ի հայտ եկել։ Ընկերության ներկայացուցիչները դիմել են պատմամշակութային ժառանգության գիտահետազոտական կենտրոնին:«Երբ մեր մասնագետները ուսումնասիրեցին տարածքը, պարզ դարձավ, որ սա շարքային շինություն չէ, այլ պատմամշակութային կարևոր ժառանգություն»,-պարզաբանեց Սաֆարյանը։Արշավախմբին հաջողվել է ի հայտ բերել աղյուսե պատերով և հատակով սենյակներ։ Հայտնաբերվել է նաև, ըստ ամենայնի, հին Երևանի ջրահեռացման և ջրամատակարարման համակարգը․ այն կառուցված է տուֆից, թունելի ելքի տրամագիծը մինչև 50 սանտիմետր է։Հայտնաբերվել են տարբեր կենցաղային իրեր և կավից պատրաստված շինարարական նյութեր, կերամիկական և ճենապակյա իրերի բեկորներ, հախճապակյա ամանեղեն, սափորներ, արաբատառ դաջվածքով ծխամորճ (XV-XVII դար), սնդուկի բրոնզե կողպեք, մեծ քանակությամբ ալյումինե ձողեր։ Գտածոների մեծ մասը պատկանում է ուշ միջնադարի ժամանակաշրջանին։Արվեստագիտության դոկտոր, պրոֆեսոր Հակոբ Սիմոնյանն էլ Sputnik Արմենիայի թղթակցի հետ զրույցում պարզաբանեց, որ խոսքը Երևանի պատմության համար կարևոր ժամանակաշրջանի մասին է։Նրա խոսքով` տեղանքն այն ժամանակ էլ է խիտ բնակեցված եղել։ Բացի այդ, արշավախմբի հայտնաբերած ստորգետնյա ջրատարի մի մասը, ամենայն հավանականությամբ, ջրամատակարարման խոշոր միջնադարյան համակարգի մասն է եղել։Հայաստանն Ուրարտուի ժառանգորդն է. Կարմիր բլուրում կարևոր բացահայտում են արել աշխարհի համարԵրևանը խմելու ջրի մատակարարումների կարիք է ունեցել։ Ուստի մեկենասներն ու ձեռնարկատերերը իրենց միջոցներով համակարգ են անցկացել «40 աղբյուրներ» կոչված տարածքից (ներկայիս Ավան վարչական շրջանում) մինչև քաղաքի կենտրոն։ Ստորգետնյա ջրանցքի կառուցվածքի մանրամասն ուսումնասիրությունը թույլ կտա հասկանալ, թե ինչպիսին է եղել հին Երևանը։Հնագետները Երևանի տարածքում 5000-ամյա բնակավայրի գոյության նոր ապացույցներ են գտելՀնագետը նշեց, որ հայտնաբերված սենյակները կառուցված են հում աղյուսից։ Դա կարող է նշանակել, որ այստեղ միջին խավն է բնակվել, քանի որ հասարակության ամենահարուստ ներկայացուցիչները տներն ու մյուս շինությունները քարից էին կառուցում։ Նա չի բացառում նաև, որ այստեղ կարող էին լրացուցիչ շինություններ, քարվանսարաներ լինել։Սիմոնյանը կարծում է, որ այս վայրը կարող է Երևանի առանցքային զբոսաշրջային գոտիներից մեկը կամ մայրաքաղաքի այցեքարտը դառնալ։

https://arm.sputniknews.ru/20211205/urartakan-vormnankarnern-anmkhitar-vitshakum-en-rus-restavratvory-kogni-haj-gvortsynkernerin-36032776.html

երևան

2021

Լուրեր

am_HY

հայաստան, պեղումներ, երևան, հնագետ, ջուր