https://arm.sputniknews.ru/20211213/hard-rock-cafe-n-yntrel-e-erevany-erb-kbacvi-apranqanishi-hajastanjan-masnatshjughy-36434218.html
Hard Rock Cafe-ն ընտրել է Երևանը. ե՞րբ կբացվի ապրանքանիշի հայաստանյան մասնաճյուղը
Hard Rock Cafe-ն ընտրել է Երևանը. ե՞րբ կբացվի ապրանքանիշի հայաստանյան մասնաճյուղը
Sputnik Արմենիա
Առաջիկա 3-4 շաբաթների ընթացքում Հայաստան կժամանեն մարզիչներ, որոնք կզբաղվեն սրճարանում աշխատելու համար կադրերի պատրաստմամբ: 13.12.2021, Sputnik Արմենիա
2021-12-13T21:02+0400
2021-12-13T21:02+0400
2021-12-13T22:08+0400
հայաստան
ռեստորան
սրճարան
անիֆ
hard rock cafe
https://cdn.am.sputniknews.ru/img/2292/37/22923743_0:0:1600:901_1920x0_80_0_0_7e357b94039480bf6f3b7689c7928dd1.jpg
ԵՐԵՎԱՆ, 13 դեկտեմբերի - Sputnik. Երևանում առաջին Hard Rock Cafe-ն կբացվի 2022 թվականի մարտ-ապրիլ ամիսներին։ Տեղեկությունը Sputnik Արմենիային տված հարցազրույցում հայտնեց Hard Rock International Franchising-ի փոխնախագահ Անիբալ Ֆերնանդեսը։Ավելի վաղ հաղորդվել էր, որ սրճարանը կբացվի 2022 թվականի երկրորդ եռամսյակում Երևանի կենտրոնում՝ Պուշկինի 3/1 հասցեում գտնվող պատմական շենքում:Հաստատության համար նախատեսված տարածքն ավելի քան հազար քառակուսի մետր է, ինչը թույլ ընդհանուր առմամբ մինչև 500 մարդ ընդունել (ներառյալ կանգնելու տեղերը):Այստեղ կգործի նաև ապրանքանիշի խանութը, որտեղ հայտնի մարդկանց հուշանվերների և անձնական իրերի հետաքրքիր հավաքածու կցուցադրվի:Hard Rock International Franchising-ի փոխնախագահը պարզաբանեց, որ Հայաստանում վաղուց էր նախատեսվում սրճարաններ բացելը, սակայն մի շարք հանգամանքների պատճառով նախագծի իրականացումը ձգձգվել է:Մեր զրուցակցի անձնական դիտարկումները ցույց են տվել, որ Հայաստանում վերջին տարիներին բավական լուրջ փոփոխություններ են տեղի ունեցել, հատկապես՝ ռեստորանային ոլորտում և հյուրանոցային բիզնեսում: Նրա համար Հայաստանում մրցակցությունից դուրս են ավանդական հայկական խոհանոցի ուտեստները։Ֆերնանդեսը կարծում է, որ Hard Rock Cafe-ն իր 50 տարվա փորձով ոլորտում նոր ստանդարտներ կներմուծի և կարող է շատ բան տալ մեր երկրին: Մի կողմից դա որոշակի մեսիջ կլինի այլ խոշոր ընկերությունների համար ներդրումներ անելու առումով, մյուս կողմից՝ մեր երկիրը կընդգրկի այն քաղաքների ցանկում, որտեղ գործում է այդ նշանավոր հաստատությունը։Ձևավորված ավանդույթի համաձայն՝ հաստատության հավատարիմ երկրպագուներն այցելում են այն բոլոր քաղաքները, որտեղ կա իրենց սիրելի սրճարանն ու տարատեսակ հուշանվերներ են հավաքում:Ուստի, Ֆերնանդեսը վստահ է, որ բացի նոր աշխատատեղերի բացումից, ինչն արդեն ինքնին արժեքավոր է, նախագիծը կբարձրացնի նաև քաղաքի զբոսաշրջային գրավչությունը:Hard Rock-ը հայկական շուկա է դուրս գալիս իր կարգախոսներով ու փիլիսոփայությամբ՝ սիրել, ծառայել բոլորին, պահպանել մոլորակը, ժամանակ հատկացնել բարությանը։ Դա չի լինի դասական ռեստորանային տիպի հաստատություն կամ սրճարան, սակայն Ֆերնանդեսն ընդգծեց, որ գներն ընդունելի կլինեն հասարակության տարբեր շերտերի համար։Հայկական մասնաճյուղը ղեկավարելու է տեղական ընկերությունը։ Բացի այդ, արտադրանքի զգալի մասը, բացառությամբ որոշ հատուկ հեղինակային ապրանքների, արտադրվելու է Հայաստանում:Ֆերնանդեսը նշեց, որ յուրաքանչյուր սրճարան տարբերվում է մյուսից, ուստի Երևանում այն նույնպես անկրկնելի կլինի։ Հիմնադիրները մտադիր են ընդհանուր հայեցակարգը հարմարեցնել հայկական իրողություններին։ Ներկայում քննարկվում է հաստատությունում պահվող հուշանվերների ցանկը։ Կազմակերպիչներն ակնկալում են, որ այստեղ իրենց լուման կներդնեն նաև մշակույթի և արվեստի հայտնի հայ գործիչները։Առաջիկա 3-4 շաբաթվա ընթացքում Հայաստան կժամանեն մասնագետներ, որոնք սրճարանում աշխատելու համար տեղում կվերապատրաստեն հայ մասնագետներին։Հիշեցնենք, որ ANIF-ը համաֆինանսավորելու է ծրագիրը 48 տոկոս մասնակցությամբ։ Առաջին Hard Rock Cafe-ն բացվել է Լոնդոնի կենտրոնում 1971 թվականին։ Ցանցը գործում է ավելի քան 68 երկրներում, շուտով այն իր գործունեությունը կսկսի նաև Հայաստանում։ Վերջին շրջանում սրճարանը բացվել է Վերոնայում (Իտալիա), Ջոհոր-Բահրուում (Մալայզիա), աշխատանքներ են տարվում առաջիկա երկու տարում ևս 40 սրճարան բացելու ուղղությամբ:
https://arm.sputniknews.ru/20210110/anvjar-shaurma-5-statsoxneri-hamar-26048318.html
https://arm.sputniknews.ru/20211213/kbacvi-100-nor-ashkhatategh-zbvosashrjiknerin-dur-kga-erb-kgortsarkvi-hard-rock-cafe-n-36405389.html
https://arm.sputniknews.ru/20211114/hvognel-ei-kanvonneric-inchpes-tshapvonaci-taijin-hajastanum-voch-miajn-ser-ajlev-2rd-tun-gtav-35296170.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/2292/37/22923743_0:0:1424:1068_1920x0_80_0_0_f3076db39d76ad50a1ceb47b06025c79.jpgSputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռեստորան, սրճարան, անիֆ, hard rock cafe
հայաստան, ռեստորան, սրճարան, անիֆ, hard rock cafe
Hard Rock Cafe-ն ընտրել է Երևանը. ե՞րբ կբացվի ապրանքանիշի հայաստանյան մասնաճյուղը
21:02 13.12.2021 (Թարմացված է: 22:08 13.12.2021) Առաջիկա 3-4 շաբաթների ընթացքում Հայաստան կժամանեն մարզիչներ, որոնք կզբաղվեն սրճարանում աշխատելու համար կադրերի պատրաստմամբ:
ԵՐԵՎԱՆ, 13 դեկտեմբերի - Sputnik. Երևանում առաջին Hard Rock Cafe-ն կբացվի 2022 թվականի մարտ-ապրիլ ամիսներին։ Տեղեկությունը
Sputnik Արմենիային տված հարցազրույցում հայտնեց Hard Rock International Franchising-ի փոխնախագահ Անիբալ Ֆերնանդեսը։
Ավելի վաղ հաղորդվել էր, որ սրճարանը կբացվի 2022 թվականի երկրորդ եռամսյակում Երևանի կենտրոնում՝ Պուշկինի 3/1 հասցեում գտնվող պատմական շենքում:
Հաստատության համար նախատեսված տարածքն ավելի քան հազար քառակուսի մետր է, ինչը թույլ ընդհանուր առմամբ մինչև 500 մարդ ընդունել (ներառյալ կանգնելու տեղերը):
Այստեղ կգործի նաև ապրանքանիշի խանութը, որտեղ հայտնի մարդկանց հուշանվերների և անձնական իրերի հետաքրքիր հավաքածու կցուցադրվի:
Hard Rock International Franchising-ի փոխնախագահը պարզաբանեց, որ Հայաստանում վաղուց էր նախատեսվում սրճարաններ բացելը, սակայն մի շարք հանգամանքների պատճառով նախագծի իրականացումը ձգձգվել է:
«Վերջին հինգ-վեց տարիների ընթացքում մի քանի անգամ եկել եմ Հայաստան, փորձել ենք համագործակցության ուղիներ գտնել։ Արդյունքում երկու տարի առաջ գտանք իդեալական գործընկեր, որը համապատասխանում է մեր պահանջներին», - ընդգծեց Ֆերնանդեսը։
Մեր զրուցակցի անձնական դիտարկումները ցույց են տվել, որ Հայաստանում վերջին տարիներին բավական լուրջ փոփոխություններ են տեղի ունեցել, հատկապես՝ ռեստորանային ոլորտում և հյուրանոցային բիզնեսում: Նրա համար Հայաստանում մրցակցությունից դուրս են ավանդական հայկական խոհանոցի ուտեստները։
Ֆերնանդեսը կարծում է, որ Hard Rock Cafe-ն իր 50 տարվա փորձով ոլորտում նոր ստանդարտներ կներմուծի և կարող է շատ բան տալ մեր երկրին: Մի կողմից դա որոշակի մեսիջ կլինի այլ խոշոր ընկերությունների համար ներդրումներ անելու առումով, մյուս կողմից՝ մեր երկիրը կընդգրկի այն քաղաքների ցանկում, որտեղ գործում է այդ նշանավոր հաստատությունը։
![Hard Rock Cafe Սան Ֆրանցիսկոյում Hard Rock Cafe Սան Ֆրանցիսկոյում - Sputnik Արմենիա, 1920, 13.12.2021](https://cdn.am.sputniknews.ru/img/07e5/0c/0d/36400462_0:340:1600:980_1920x0_80_0_0_4d9834fb8476405b19a13de89cdfa26e.jpg)
13 դեկտեմբերի 2021, 14:30
Ձևավորված ավանդույթի համաձայն՝ հաստատության հավատարիմ երկրպագուներն այցելում են այն բոլոր քաղաքները, որտեղ կա իրենց սիրելի սրճարանն ու տարատեսակ հուշանվերներ են հավաքում:
Ուստի, Ֆերնանդեսը վստահ է, որ բացի նոր աշխատատեղերի բացումից, ինչն արդեն ինքնին արժեքավոր է, նախագիծը կբարձրացնի նաև քաղաքի զբոսաշրջային գրավչությունը:
Hard Rock-ը հայկական շուկա է դուրս գալիս իր կարգախոսներով ու փիլիսոփայությամբ՝ սիրել, ծառայել բոլորին, պահպանել մոլորակը, ժամանակ հատկացնել բարությանը։ Դա չի լինի դասական ռեստորանային տիպի հաստատություն կամ սրճարան, սակայն Ֆերնանդեսն ընդգծեց, որ գներն ընդունելի կլինեն հասարակության տարբեր շերտերի համար։
Հայկական մասնաճյուղը ղեկավարելու է տեղական ընկերությունը։ Բացի այդ, արտադրանքի զգալի մասը, բացառությամբ որոշ հատուկ հեղինակային ապրանքների, արտադրվելու է Հայաստանում:
«Մենք կենդանի երաժշտություն ենք նախընտրում, ուստի մտադիր ենք աջակցել արտերկրում հայկական երաժշտական խմբերի հանրահռչակմանը», — ասաց նա:
Ֆերնանդեսը նշեց, որ յուրաքանչյուր սրճարան տարբերվում է մյուսից, ուստի Երևանում այն նույնպես անկրկնելի կլինի։ Հիմնադիրները մտադիր են ընդհանուր հայեցակարգը հարմարեցնել հայկական իրողություններին։ Ներկայում քննարկվում է հաստատությունում պահվող հուշանվերների ցանկը։ Կազմակերպիչներն ակնկալում են, որ այստեղ իրենց լուման կներդնեն նաև մշակույթի և արվեստի հայտնի հայ գործիչները։
Առաջիկա 3-4 շաբաթվա ընթացքում Հայաստան կժամանեն մասնագետներ, որոնք սրճարանում աշխատելու համար տեղում կվերապատրաստեն հայ մասնագետներին։
Հիշեցնենք, որ ANIF-ը համաֆինանսավորելու է ծրագիրը 48 տոկոս մասնակցությամբ։ Առաջին Hard Rock Cafe-ն բացվել է Լոնդոնի կենտրոնում 1971 թվականին։ Ցանցը գործում է ավելի քան 68 երկրներում, շուտով այն իր գործունեությունը կսկսի նաև
Հայաստանում։ Վերջին շրջանում սրճարանը բացվել է Վերոնայում (Իտալիա), Ջոհոր-Բահրուում (Մալայզիա), աշխատանքներ են տարվում առաջիկա երկու տարում ևս 40 սրճարան բացելու ուղղությամբ: