https://arm.sputniknews.ru/20211116/anushadrutjan-matnel-kaskatseli-zangery-chtaratsel-zu-teghasharzhi-masin-njuter-aatsi-kvochy-35416543.html

Անուշադրության մատնել կասկածելի զանգերը, չտարածել ԶՈւ տեղաշարժի մասին նյութեր. ԱԱԾ–ի կոչը

Անուշադրության մատնել կասկածելի զանգերը, չտարածել ԶՈւ տեղաշարժի մասին նյութեր. ԱԱԾ–ի կոչը

Sputnik Արմենիա

ՀՀ բնակչության շրջանում խուճապ առաջացնելու նպատակով տարբեր սոցիալական հարթակներում և կայքերում ադրբեջանցիների կողմից ապատեղեկատվություն պարունակող... 16.11.2021, Sputnik Արմենիա

2021-11-16T19:16+0400

2021-11-16T19:16+0400

2021-11-16T19:28+0400

հհ ազգային անվտանգության ծառայություն. աած

հայաստան

ադրբեջան

սյունիք

հայ-ադրբեջանական

ադրբեջանցի

https://cdn.am.sputniknews.ru/img/1113/55/11135526_0:106:3267:1943_1920x0_80_0_0_1266ce245c8b289ef16d2c1795a5c1f2.jpg

ԵՐԵՎԱՆ, 16 նոյեմբերի – Sputnik. ՀՀ ազգային անվտանգության ծառայությունը ՀՀ քաղաքացիներին հորդորում և կոչ է անում անուշադրության մատնել կասկածելի զանգերն ու հաղորդագրությունները։ ԱԱԾ–ն հայտարարություն է տարածել` հավելելով, բացառապես ապավինել պաշտոնական տեղեկատվական աղբյուրներին։ՀՀ ազգային անվտանգության ծառայությունը տեղեկացնում է, որ այսօր` նոյեմբերի 16-ին, ՀՀ բնակչության շրջանում խուճապ առաջացնելու նպատակով տարբեր սոցիալական հարթակներում և կայքերում ադրբեջանցիների կողմից ապատեղեկատվություն պարունակող հաղորդագրություններ են տարածվում, որոնցում մասնավորապես կոչ է արվում հայերի դեմ սկսել հեռախոսային «ահաբեկչական» գործողություններ:Այդ հաղորդագրություններում խորհուրդ է տրվում հավաքել +374 երկրի կոդը, այնուհետև բջջային կապի օպերատորների բոլոր 91, 99, 43, 77, 93, 94, 98 հեռախոսային կոդերը, ինչից հետո հավաքել 7-նիշանոց որևէ համար և ռուսերենով ձայնային կամ տեքստային հաղորդագրություններ ուղարկել Ադրբեջանի հետ սահմանամերձ քաղաքները և բնակավայրերը անմիջապես լքելու կոչերով:Միաժամանակ կոչ է արվում ուղերձներ տարածել՝ համաձայն որոնց` Մեղրի, Կապան, Քաջարան, Ջերմուկ, Տաթև, Գորիս, Տեղ, Սիսիան, Անգեղակոթ քաղաքներն ու բնակավայրերը շուտով օկուպացվելու են ադրբեջանական զինված ուժերի կողմից, և որ այդ հողերն արդեն հանձնված են Ադրբեջանին, ինչպես նաև տարածել, որ «Յաշմա»-ն և ադրբեջանական հատուկ ծառայությունների դիվերսիոն խմբերը արդեն այդ բնակավայրերում են:Նշենք, որ հայաստանյան կապի օպերատորները նույնպես թշնամու սադրանքներին չտրվելու, կասկածելի զանգերն ու հաղորդագրություններն անտեսելու կոչով են հանդես եկել։Հիշեցնենք` ՊՆ–ն հայտնել էր, որ այսօր` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։Ըստ լրատվամիջոցների` Սյունիքում ադրբեջանական և հայկական կողմերի զինված ուժերի միջև փոխհրաձգություն է սկսվել Ծիծեռնաքար լեռան հայկական 2 դիրքի համար։Փոխհրաձգությունը սկսվել է այն բանից հետ, երբ ադրբեջանական կողմը պահանջել է, որ հայկական զինված ուժերը լքեն Հայաստանի տարածքում գտնվող Ծիծեռնաքարի երկու մարտական հենակետերը, սակայն մեր զինծառայողները հրաժարվել են կատարել այդ պահանջը: ՀՀ պաշտպանական գերատեսչությունը սկզբում հայտնեց, որ հայկական կողմը 2 մարտական դիրք է կորցրել, մարտերի արդյունքում զոհեր և վիրավորներ ունենք, որոնց վերաբերյալ տվյալները ճշտվում են։Ավելի ուշ հաղորդագրություն տարածվեց, որ ադրբեջանական կողմը ՀՀ ԶՈւ 12 զինծառայողի է գերեվարել։ Նրանցից 7-ը պայմանագրային են, 5–ը` ժամկետային։ՀՀ անվտանգության խորհրդի քարտուղար Արմեն Գրիգորյանը Հանրային հեռուստաընկերության եթերում ասել է, որ Հայաստանը դիմել է Ռուսաստանի դաշնությանը Հայաստանի Հանրապետության և Ռուսաստանի Դաշնության միջև գոյություն ունեցող 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով։

https://arm.sputniknews.ru/20211116/adrbejani-hardzakumn-ughekcvum-e-lajnatsaval-apateghekatvakan-arshavvov-pn-35405764.html

https://arm.sputniknews.ru/20211116/hnaravvor-en-zanger-ev-namakner-adrbejanakan-hamarneric-viva-mts-y-zgvonutjan-kvoch-e-anum-35412604.html

ադրբեջան

սյունիք

2021

Լուրեր

am_HY

հհ ազգային անվտանգության ծառայություն. աած, հայաստան, ադրբեջան, սյունիք, հայ-ադրբեջանական, ադրբեջանցի