https://arm.sputniknews.ru/20211104/erevani-metrvoji-relsern-anvtang-chen-haravkvovkasjan-erkatughin-ezhan-relser-e-arajarkel-34979753.html

Երևանի մետրոյի ռելսերն անվտանգ չեն. «Հարավկովկասյան երկաթուղին» էժան ռելսեր է առաջարկել

Երևանի մետրոյի ռելսերն անվտանգ չեն. «Հարավկովկասյան երկաթուղին» էժան ռելսեր է առաջարկել

Sputnik Արմենիա

Երևանի մետրոպոլիտենի համար վերջին անգամ ռելսեր ձեռք են բերվել 2014թ. մարտին, տեղակայվել են շահագործվող գծերում 2014-2018 թվականների ընթացքում: 04.11.2021, Sputnik Արմենիա

2021-11-04T11:09+0400

2021-11-04T11:09+0400

2021-11-04T11:26+0400

հայաստան

հհ կառավարություն

մետրո

երևան

https://cdn.am.sputniknews.ru/img/1532/90/15329081_0:79:1498:922_1920x0_80_0_0_62f7caad8b87dd64c6568c60911bd671.jpg

ԵՐԵՎԱՆ, 4 նոյեմբերի – Sputnik. Կարեն Դեմիրճյանի անվան Երևանի մետրոպոլիտենի գնացքի ռելսերը գտնվում են ծայրահեղ մաշված վիճակում, ինչը ողղակիորեն սպառնում է քաղաքացիների անվտանգ տեղափոխմանը և մետրոպոլիտենի անվտանգ աշխատանքի կազմակերպմանը։ ՀՀ կառավարության այսօրվա նիստում առանց քննարկման ու զեկուցման ընդունվեց մի որոշում, որով գործադիրը հավանություն տվեց «Հարավկովկասյան երկաթուղուց» 4300 մ ռելսեր գնելու առաջարկին, որի ընդհանուր արժեքը կկազմի 141 միլիոն դրամ` ներառյալ տեղափոխման գինն ու ԱԱՀ–ն։ Այդ գումարը կհատկացվի ՀՀ պետական բյուջեից։Ուսումնասիրելով շուկան` պարզվել է, որ երևանյան մետրոյի ռելսերի 1 մետրի արժեքը սկսվում է 37 000 դրամից։ Մինչդեռ «Հարավկովկասյան երկաթուղին» առաջարկել է 1 մետրի դիմաց 32 800 դրամ։Նոր տրանսպորտային համակարգի ներդրման դեպքում չի բացառվում, որ ուղեվարձը կթանկանա. ԽաժակյանԲացի այդ, ընկերությունն առաջարկել է մատակարարումն իրականացնել անհամեմատ սեղմ ժամկետներում՝ մինչև 45 օրվա ընթացքում։ «Վերլուծելով շուկայում առկա գները և մատակարարման ժամկետները՝ գտնում ենք ռելսերի նշված խմբաքանակի ձեռքբերումը «Հարավկովկասյան երկաթուղի» ՓԲԸ-ից նպատակահարմար»,– ասված է որոշման մեջ։Նշենք, որ 2021թ. օգոստոսին կատարած ուսումնասիրության համաձայն` Երևանի մետրոյի շահագործվող գծերում առկա են 4400 մ ժամկետանց, 2000 մ` արատային, 775 մ` անհապաղ փոխարինման ենթակա ռելսեր, սակայն պահուստում ոչ մի մետր ռելս չկա:Ընդ որում` ամեն տարի շահագործման ընթաքում ի հայտ են գալիս ևս 250-400 գմ նոր արատային ռելսեր, որոնք շահագործման կանոնների համաձայն` ենթակա են փոխարինման։Երևանի մետրոպոլիտենի համար վերջին անգամ ռելսեր ձեռք են բերվել 2014թ. մարտին՝ 4400 մ: Դրանք տեղակայվել են շահագործվող գծերում 2014-2018թթ.. ընթացքում:Իսկ 2018 թվականից մինչ օրս ընկերությունը նոր ռելսեր չի գնել, չնայած միայն 2020-2021թթ.. ընթացքում հայտարարվել են թվով 7 մրցույթներ, որոնք արդյունք չեն տվել։Մետրո, կանաչ էներգիա և գյուղատնտեսություն. ի՞նչ նախագծեր է առաջարկում Ռուսաստանը ՀՀ–ին

https://arm.sputniknews.ru/20211015/rusakan-ynkerutjuny-erevanum-metrvoji-kajaran-kkaruci-inch-ev-inchpes-kanen-majraqaghaqum-34344925.html

https://arm.sputniknews.ru/20211019/petq-e-ajakcel-vor-rusakan-kapitaly-ga-hajastan-parsjany-metrvoji-nvor-kajarani-masin-34444838.html

երևան

2021

Լուրեր

am_HY

հայաստան, հհ կառավարություն, մետրո, երևան