https://arm.sputniknews.ru/20211015/rusakan-ynkerutjuny-erevanum-metrvoji-kajaran-kkaruci-inch-ev-inchpes-kanen-majraqaghaqum-34344925.html

Ռուսական ընկերությունը Երևանում մետրոյի կայարան կկառուցի. ի՞նչ կփոխվի մայրաքաղաքում

Ռուսական ընկերությունը Երևանում մետրոյի կայարան կկառուցի. ի՞նչ կփոխվի մայրաքաղաքում

Sputnik Արմենիա

Ընկերությունը մտադիր է շինարարության մեջ ներգրավել հայ մասնագետների, բացել նոր աշխատատեղեր։ 15.10.2021, Sputnik Արմենիա

2021-10-15T23:04+0400

2021-10-15T23:04+0400

2021-10-15T23:05+0400

ռուսաստան

մետրո

երևանի քաղաքապետարան

կամուրջ

երևան

շինարարություն

https://cdn.am.sputniknews.ru/img/1532/90/15329073_0:0:1501:844_1920x0_80_0_0_23ad37157de918fae86e401e5ad51bbd.jpg

ԵՐԵՎԱՆ, 15 հոկտեմբերի – Sputnik. Ռուսական առաջատար «Մետրոգիպրոտրանս» ընկերությունը հաղթել է Աջափնյակ վարչական շրջանում մետրոյի կայարանի նախագծման վերաբերյալ Երևանի քաղաքապետարանի հայտարարած մրցույթում։ Այս մասին Sputnik Արմենիայի հետ զրույցում պատմեց «Մետրոգիպրոտրանս» ընկերության տնօրենների խորհրդի նախագահ, տնտեսական գիտությունների թեկնածու, Ռուսաստանի պատվավոր շինարար Վալերի Աբրամսոնը։Միևնույն ժամանակ, ընկերությունը Հայաստանի կառավարությանը 500 մլն դոլար արժողությամբ մետրոպոլիտենի զարգացման նախագիծ է առաջարկել։ Ծրագրին շահավետ պայմաններով պատրաստ է աջակցել Արտահանման վարկերի ապահովագրությա ռուսական գործակալությունը։Գործարարը հայտնեց նաև, որ հայկական կողմից առաջարկվել է ձևափոխել մրցույթի նախագիծն ու Հրազդանի կիրճի վրայով անցնող մետրոյի կամրջի փոխարեն կառուցել նաև մեքենաների համար նախատեսված հնարավորություն ունեցող կրկնակի նշանակության կամուրջ։«Մեր ճարտարապետներին խնդրեցի գեղեցիկ երկհարկանի կամուրջ նախագծել, որպեսզի այն կարողանա դառնալ Երևանի նոր խորհրդանիշը», – պատմեց նա։Բացի այդ, ընկերությունը ծրագրում է հայ մասնագետների ներգրավել շինարարության մեջ, ինչպես նաև բացել նոր աշխատատեղեր և ոչ միայն։Աբրամսոնը հիշեցրեց, որ «Մետրոգիպրոտրանսը» հիմնադրվել է 1933 թվականին, ընկերության փորձառու մասնագետները նախկինում մասնակցել են Երևանի մետրոպոլիտենի նախագծմանը, և այժմ նրանք անհամբեր սպասում են` երբ են սկսելու աշխատել նախագծի վրա։Ռուսական ընկերությունը համագործակցել է «Հայպետտրանսնախագծի» հետ, և եթե այս նախագիծը հավանության արժանանա և իրականացվի, Հայաստանում կարող է նախագծման նոր ինստիտուտ ձևավորվել։«Մետրոգիպրոտրանս» ընկերության տնօրենների խորհրդի նախագահը նշեց նաև հայկական սփյուռքի և Ռուսաստանում ՀՀ դեսպան Վարդան Տողանյանի դերը, որն օգնել է հաղորդակցություն հաստատել Մոսկվայի և Երևանի միջև։ Նրա ջանքերի շնորհիվ հաջողվեց համաձայնեցնել նախագծերը ՀՀ իշխանությունների հետ և կապեր հաստատել նախաձեռնությամբ հետաքրքրված ներդրողների հետ։Նշենք, որ Երևանի նախկին գլխավոր ճարտարապետ Արթուր Մեսչյանը հայտարարում էր, որ մետրոյի նոր կայարանը նախատեսվում է տեղակայել կամրջի վրա, որը կկառուցվի Հրազդան գետի վրա։Նախագծի արժեքը չէր բացահայտվում։ Քաղաքապետարանի կողմից դիտարկվող բիզնես ծրագիրը երկու բաղադրիչ էր նախատեսում` «Աջափնյակ» մետրոյի կայարանի հարևանությամբ առևտրային կենտրոնի կառուցում և հարակից տարածքում հնացած բնակֆոնդի թարմացում։Քաղաքային իշխանությունները նախատեսում էին, որ մինչև նոր կայարան ընկած 525 մետր երկարությամբ ճանապարհը պետք է անցներ թունելով, որի շինարարությունը սկսվել էր դեռ ԽՍՀՄ տարիներին և անավարտ մնացել։Նոր կայարան, վճարման նոր համակարգ․ ինչ ծրագրեր կան Երևանի մետրոպոլիտենումԿարեն Դեմիրճյանի անվան մետրոպոլիտենը հիմնադրվել էր 1981 թվականին։ Ներկայում մետրոյի 10 կայարան է գործում, շահագործվում է 11 շարժակազմ։

https://arm.sputniknews.ru/20210920/metrvo-kanach-energia-ev-gjughatntesutjun-inch-nakhagtser-e-arajarkum-rusastany-hhin-33464683.html

https://arm.sputniknews.ru/20210501/barekamutyun-ajapnyak-erevan-metro-qaxaqapetaran-27395845.html

երևան

2021

Լուրեր

am_HY

ռուսաստան, մետրո, երևանի քաղաքապետարան, կամուրջ, երևան, շինարարություն