https://arm.sputniknews.ru/20211027/qani-andam-kunena-ardar-dataqnnutjany-khvochyndvotvogh-pastern-usumnasirvogh-handznazhvoghvovy-34725105.html
Քանի՞ անդամ կունենա արդար դատաքննությանը խոչընդոտող փաստերն ուսումնասիրող հանձնաժողովը
Քանի՞ անդամ կունենա արդար դատաքննությանը խոչընդոտող փաստերն ուսումնասիրող հանձնաժողովը
Sputnik Արմենիա
Քննիչ հանձնաժողով ստեղծելու համար ԱԺ նախագահին էին դիմել «Պատիվ ունեմ» և «Հայաստան» խմբակցությունների պատգամավորները։ 27.10.2021, Sputnik Արմենիա
2021-10-27T17:02+0400
2021-10-27T17:02+0400
2021-10-27T17:02+0400
հայաստան
աժ (ազգային ժողով)
դատարան
դատավոր
արամ վարդևանյան
հանձնաժողով
https://cdn.am.sputniknews.ru/img/07e5/09/0d/28998591_0:0:1600:901_1920x0_80_0_0_c08d4282c907feb817e8dfa738c93fb3.jpg
ԵՐԵՎԱՆ, 27 հոկտեմբերի – Sputnik. ՀՀ ԱԺ արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությունը խոչընդոտող փաստերն ուսումնասիրող ԱԺ քննիչ հանձնաժողովն, ըստ իշխանության, համարվում է միջամտություն դատական ոլորտին։ Այս մասին ԱԺ նիստի ժամանակ ասաց ՔՊ-ական Վլադիմիր Վարդանյանը։Նա ընդգծեց, որ այդ հարցն ընդհանրապես ԱԺ իրավասության տիրույթից դուրս է: Վարդանյանը նշեց, որ չի կարող լինել իրավունքի ուժով ստեղծված հանձնաժողով՝ այն պատճառով, որ հանձնաժողովի ստեղծման համար պետք է լինի երկու փոխկապակցված պայման: Նա ընդգծեց, որ հարցն ակնհայտորեն միջամտություն է դատական իշխանության ոլորտին։Արդեն հայտնել ենք, որ ՀՀ արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությունը խոչընդոտող փաստերը ուսումնասիրելու նպատակով հոկտեմբերի 25-ին ստեղծվել է ԱԺ քննիչ հանձնաժողով:Քննիչ հանձնաժողովի նախագահն է «Հայաստան» խմբակցության պատգամավոր Արամ Վարդևանյանը։Քննիչ հանձնաժողովն ուսումնասիրելու է դատարաններում գործերի՝ օրենքով սահմանված բաշխման կարգի խախտումները։ Նախագծով առաջարկվում է, որ քննիչ հանձնաժողովն ունենա 10 անդամ:Ներկայացնելով նախագիծը` «Հայաստան» խմբակցության պատգամավոր Արամ Վարդևանյանը հիշեցրեց, որ արդեն 2 օր է, ինչ իրավունքի ուժով ստեղծվել է քննիչ հանձնաժողովը, որի նախագահն ինքն է։ Վարդևանյանն ընդգծեց, որ քննիչ հանձնաժողովն ունի ուսումնասիրության երկու առարկա։ Առաջինը վերաբերում է դատարաններում օրենքով սահմանված կարգի խախտմամբ բաշխման գործընթացի խնդիրներին: Խոսքը համակարգչային ծրագրի մասին է, որը խափանվել է:Վարդևանյանը դժգոհեց, թե ինչու է կարգապահական վարույթ հարուցվում այն դատավորների նկատմամբ, որոնց վերաբերյալ փաստաբանները տարիներ շարունակ միայն լավն են ասում։Նա ընդգծեց, որ դատավորներ Մնացական Մարտիրոսյանի, Գագիկ Պողոսյանի, Արմեն Դանիելյանի, Մհեր Արղամանյանի նկատմամբ վարույթներ չեն հարուցվում։ Պատգամավորն ասաց, որ նախկինում, օրինակ, Մնացական Մարտիրոսյանի վերաբերյալ պատգամավոր Վահագն Հովակիմյանը շատ «հետաքրքիր» գնահատականներ է հնչեցրել։«Քննիչ հանձնաժողովում մենք կհասկանանք, թե ինչպես են նման որոշումներ կայացվում»,– նշեց «Հայաստան» խմբակցության պատգամավորը։Նա նաև բարձրացրեց այն հարցը, որ էլեկտրոնային համակարգը, որով դատավորներին մակագրվում են տարբեր դատական գործեր, չի գործում դեռ 2021 թվականի հուլիսից։Նշենք, որ քննիչ հանձնաժողով ստեղծելու համար ԱԺ նախագահին էին դիմել «Պատիվ ունեմ» և «Հայաստան» խմբակցությունների պատգամավորները։2020 թվականի նոյեմբերի 1-ից ՀՀ արդարադատության նախարարության կողմից անհամեմատ ավելի մեծ ծավալի կարգապահական վարույթներ սկսեցին հարուցվել դատավորների, հատկապես քրեական մասնագիտացում ունեցողների նկատմամբ։Միրզոյանի ծեծի գործով որոշում կայացրած դատավորը կարգապահական պատասխանատվության չի ենթարկվիՄիաժամանակ, 2021 թվականի հուլիսից առհասարակ խափանվեց «Դատական օրենսգիրք» սահմանադրական օրենքով որպես հիմնական միջոց սահմանված դատարաններում գործերի բաշխման համակարգչային ծրագիրը։
https://arm.sputniknews.ru/20211027/hajastan-himnadrami-havaqats-gumarn-usumnasirvogh-qnnich-handznazhvoghvovy-11-andam-kunena-34710147.html
https://arm.sputniknews.ru/20210505/aprilyan-paterazmi-masin-qnnich-handznajoxovi-zekuycum-bacahaytumner-chkan-melqumyan-27427972.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աժ (ազգային ժողով), դատարան, դատավոր, արամ վարդևանյան, հանձնաժողով
հայաստան, աժ (ազգային ժողով), դատարան, դատավոր, արամ վարդևանյան, հանձնաժողով
Քանի՞ անդամ կունենա արդար դատաքննությանը խոչընդոտող փաստերն ուսումնասիրող հանձնաժողովը
Քննիչ հանձնաժողով ստեղծելու համար ԱԺ նախագահին էին դիմել «Պատիվ ունեմ» և «Հայաստան» խմբակցությունների պատգամավորները։
ԵՐԵՎԱՆ, 27 հոկտեմբերի – Sputnik. ՀՀ ԱԺ արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությունը խոչընդոտող փաստերն ուսումնասիրող ԱԺ քննիչ հանձնաժողովն, ըստ իշխանության, համարվում է միջամտություն դատական ոլորտին։ Այս մասին ԱԺ նիստի ժամանակ ասաց ՔՊ-ական Վլադիմիր Վարդանյանը։
Նա ընդգծեց, որ այդ հարցն ընդհանրապես ԱԺ իրավասության տիրույթից դուրս է: Վարդանյանը նշեց, որ չի կարող լինել իրավունքի ուժով ստեղծված հանձնաժողով՝ այն պատճառով, որ հանձնաժողովի ստեղծման համար պետք է լինի երկու փոխկապակցված պայման: Նա ընդգծեց, որ հարցն ակնհայտորեն միջամտություն է դատական իշխանության ոլորտին։
27 հոկտեմբերի 2021, 12:08
Արդեն հայտնել ենք, որ ՀՀ արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությունը խոչընդոտող փաստերը ուսումնասիրելու նպատակով հոկտեմբերի 25-ին ստեղծվել է ԱԺ քննիչ հանձնաժողով:
Քննիչ հանձնաժողովի նախագահն է «Հայաստան» խմբակցության պատգամավոր Արամ Վարդևանյանը։
Քննիչ հանձնաժողովն ուսումնասիրելու է դատարաններում գործերի՝ օրենքով սահմանված բաշխման կարգի խախտումները։ Նախագծով առաջարկվում է, որ քննիչ հանձնաժողովն ունենա 10 անդամ:
Ներկայացնելով նախագիծը` «Հայաստան» խմբակցության պատգամավոր Արամ Վարդևանյանը հիշեցրեց, որ արդեն 2 օր է, ինչ իրավունքի ուժով ստեղծվել է քննիչ հանձնաժողովը, որի նախագահն ինքն է։ Վարդևանյանն ընդգծեց, որ քննիչ հանձնաժողովն ունի ուսումնասիրության երկու առարկա։ Առաջինը վերաբերում է դատարաններում օրենքով սահմանված կարգի խախտմամբ բաշխման գործընթացի խնդիրներին: Խոսքը համակարգչային ծրագրի մասին է, որը խափանվել է:
Վարդևանյանը դժգոհեց, թե ինչու է կարգապահական վարույթ հարուցվում այն դատավորների նկատմամբ, որոնց վերաբերյալ փաստաբանները տարիներ շարունակ միայն լավն են ասում։
«Մեր բազմաթիվ քաղաքացիներ վստահաբար վարույթ են ունեցել դատավոր Արման Հովհաննիսյանի, Ալեքսանդր Ազարյանի, Սերգեյ Մարաբյանի մոտ, և վերջիններիս վերաբերյալ ցանկացած ոք դրական արձագանք կտա»,– նշեց Վարդևանյանը։
Նա ընդգծեց, որ դատավորներ Մնացական Մարտիրոսյանի, Գագիկ Պողոսյանի, Արմեն Դանիելյանի, Մհեր Արղամանյանի նկատմամբ վարույթներ չեն հարուցվում։ Պատգամավորն ասաց, որ նախկինում, օրինակ, Մնացական Մարտիրոսյանի վերաբերյալ պատգամավոր Վահագն Հովակիմյանը շատ «հետաքրքիր» գնահատականներ է հնչեցրել։
«Քննիչ հանձնաժողովում մենք կհասկանանք, թե ինչպես են նման որոշումներ կայացվում»,– նշեց «Հայաստան» խմբակցության պատգամավորը։
Նա նաև բարձրացրեց այն հարցը, որ էլեկտրոնային համակարգը, որով դատավորներին մակագրվում են տարբեր դատական գործեր, չի գործում դեռ 2021 թվականի հուլիսից։
Նշենք, որ քննիչ հանձնաժողով ստեղծելու համար ԱԺ նախագահին էին դիմել «Պատիվ ունեմ» և «Հայաստան» խմբակցությունների պատգամավորները։
2020 թվականի նոյեմբերի 1-ից ՀՀ արդարադատության նախարարության կողմից անհամեմատ ավելի մեծ ծավալի կարգապահական վարույթներ սկսեցին հարուցվել դատավորների, հատկապես քրեական մասնագիտացում ունեցողների նկատմամբ։
Միաժամանակ, 2021 թվականի հուլիսից առհասարակ խափանվեց «Դատական օրենսգիրք» սահմանադրական օրենքով որպես հիմնական միջոց սահմանված դատարաններում գործերի բաշխման համակարգչային ծրագիրը։
