https://arm.sputniknews.ru/20211021/rusastani-ajakcutjamb-hajastan-e-veradardzvel-105-geri-zakharvova-34536484.html

Ռուսաստանի աջակցությամբ Հայաստան է վերադարձվել 105 գերի. Զախարովա

Ռուսաստանի աջակցությամբ Հայաստան է վերադարձվել 105 գերի. Զախարովա

Sputnik Արմենիա

Ռուսաստանը մտադիր է շարունակել բոլոր անհրաժեշտ օժանդակությունները Բաքվի և Երևանի միջև հարաբերությունների կարգավորման համար բոլոր ուղղություններով։ 21.10.2021, Sputnik Արմենիա

2021-10-21T18:25+0400

2021-10-21T18:25+0400

2021-10-21T18:29+0400

արցախ

ռուսաստան

ադրբեջան

մարիա զախարովա

գերի

ռազմագերի

արցախյան պատերազմ

խաղաղապահներն արցախում

հայ գերիներ, անհետ կորածներ

https://cdn.am.sputniknews.ru/img/07e4/0c/0f/25751866_0:0:1600:901_1920x0_80_0_0_faa40b7e3e78c02e2b73166b9183631e.jpg

ԵՐԵՎԱՆ, 21 հոկտեմբերի - Sputnik. Ռուսաստանի միջնորդական ջանքերի շնորհիվ Ադրբեջանը և Հայաստանը փոխանակել են 122պահվող անձ՝ 2020 թվականի դեկտեմբերից ի վեր: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։Նրա խոսքով՝ Ռուսաստանը մտադիր է շարունակել տրամադրել անհրաժեշտ օգնությունը Բաքվի և Երևանի միջև հարաբերությունների կարգավորման համար բոլոր ուղիներով։Նշենք, որ նախապես հայտարարվել էր, որ գերիների վերադարձն իրականացվելու է «բոլորը բոլորի դիմաց» սկզբունքով: Այդ հիմնավորմամբ հայկական կողմը դեկտեմբերի 14-ին առաջինը Ադրբեջանին հանձնեց 2014 թվականից Արցախում սպանության, լրտեսության, պետական սահմանի ապօրինի հատման, ռազմամթերք կրելու, անձի առևանգման համար բանտարկված հանցագործներ Շահբազ Գուլիևին ու Դիլհամ Ասկերովին:Գերիների խնդրի լուծման լավագույն տարբերակը «բոլորը բոլորի դիմաց» սկզբունքն է․ Զախարովա2014-ի հուլիսին քաղաքացիական հագուստով, զինված երեք ադրբեջանցիներ էին հայտնաբերվել, որոնցից երկուսը` Գուլիևն ու Ասկերովը, ձերբակալվել էին, իսկ մեկը` սպանվել։ Սպանված ադրբեջանցու դին հայկական կողմը հանձնել էր Ադրբեջանին։ Ադրբեջանցիները սպանել էին 17-ամյա Սմբատ Ցականյանին, 42-ամյա մայոր Սարգիս Աբրահամյանին, վնասվածքներ հասցրել 37-ամյա Կարինե Դավթյանին։Հայ գերիների առաջին մեծ խումբը Երևան է վերադարձել 2020 թվականի դեկտեմբերի 15-ին։ Վերջին դեպքը հոկտեմբերի 19-ին էր, հայրենիք վերադարձան ևս հինգ գերի։ Երբ Հայաստան վերադարձած գերիների թիվը 88 էր, վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածը՝ 110։

https://arm.sputniknews.ru/20211020/baqvi-bari-kamqi-drsevvorumy-inch-e-taqnvats-haj-gerineri-verjin-khmbi-veradardzi-hetevum-34503179.html

https://arm.sputniknews.ru/20210703/muradov-gery-hayastan-adrbejan-28162926.html

ադրբեջան

2021

Լուրեր

am_HY

արցախ, ռուսաստան, ադրբեջան, մարիա զախարովա, գերի, ռազմագերի, արցախյան պատերազմ, խաղաղապահներն արցախում, հայ գերիներ, անհետ կորածներ