https://arm.sputniknews.ru/20211020/baqvi-bari-kamqi-drsevvorumy-inch-e-taqnvats-haj-gerineri-verjin-khmbi-veradardzi-hetevum-34503179.html

Բաքվի «բարի կամքի» դրսևորումը. ի՞նչ է թաքնված հայ գերիների վերջին խմբի վերադարձի հետևում

Բաքվի «բարի կամքի» դրսևորումը. ի՞նչ է թաքնված հայ գերիների վերջին խմբի վերադարձի հետևում

Sputnik Արմենիա

Մասնագետները կարծում են, որ Երևանի և Բաքվի միջև ցանկացած գործընթաց ավելի շատ հարցեր է ծնում, քան պատասխաններ տալիս։ Ադրբեջանի վերջին գործողությունը... 20.10.2021, Sputnik Արմենիա

2021-10-20T22:43+0400

2021-10-20T22:43+0400

2021-10-20T22:43+0400

հայաստան

ադրբեջան

գերի

գարիկ քեռյան

https://cdn.am.sputniknews.ru/img/07e5/0a/13/34460276_0:83:1587:976_1920x0_80_0_0_adacee414fcb8056476420ed56829d4b.jpg

ԵՐԵՎԱՆ, 20 հոկտեմբերի – Sputnik. 5 հայ ռազմագերիներից բաղկացած վերջին խմբի վերադարձը պետք չէ դիտարկել Երևանի և Բաքվի միջև փոխանակման գործընթացի տրամաբանության մեջ։ Մի կողմից` Ադրբեջանն այդ քայլով հավանաբար փորձում է դրական մթնոլորտ ստեղծել բանակցային գործընթացի մեկնարկից առաջ, մյուս կողմից` փորձում է իրեն ներկայացնել այլ` ավելի մարդասիրական կողմից։ Sputnik Արմենիայի հետ զրույցում նման կարծիք հայտնեցին հայ և ռուս փորձագետները։Երեկ ադրբեջանական գերությունից հայրենիք վերադարձան Մելս Ամբարդարյանը, Ռաֆիկ Կարապետյանը, Ժորա Մանուկյանը, Սեդրակ Սողոմոնյանն ու Հովսեփ Մանուկյանը, բոլորը Շիրակից են։ Բաքվում նրանց մի շարք մեղադրանքներով դատապարտել էին 6 տարվա ազատազրկման։Փորձագետների կարծիքով` այս փաստը մի շարք հարցեր է ծնում, բայց տվյալ պահին կարելի է միայն ենթադրություններ անել կողմերի մոտիվացիայի առնչությամբ։Արցախյան պատերազմի ավարտից հետո գերիների վերադարձը տեղավորվում էր փոխանակման գործընթացի տրամաբանության մեջ։ Սակայն երեկ հայտարարվեց միայն 5–ին վերադարձնելու մասին։ Բացարձակապես հասկանալի չէ` Երևանը Բաքվին դրա դիմաց ինչ–որ բան է տվել, թե ոչ։ԵՊՀ միջազգային հարաբերությունների ֆակուլտետի քաղաքական ինստիտուտների և գործընթացների ամբիոնի վարիչ, քաղաքագետ Գարիկ Քեռյանը Sputnik Արմենիայի հետ զրույցում հիշեցրեց Բաքվի պահանջները` Ադրբեջանն առաջ է քաշել ՀՀ տարածքով Նախիջևանն ու Ադրբեջանը միմյանց կապող միջանցքի տրամադրման, անկլավների և ականապատ դաշտերի քարտեզների փոխանցման հարցը։«Քանի որ բանակցային գործընթացը բավականին գաղտնի է, դժվար է ասել, թե այս պահանջներից որ մեկի դիմաց է Բաքուն համաձայնել վերադարձնել գերիներին», – ասաց Քեռյանը` ենթադրելով, որ գերիների փոխանցումը կարող էր տեղի ունենալ ականապատ դաշտերի քարտեզների դիմաց։Այս վարկածը հավանական է թվում, եթե հիշենք ՀՀ վարչապետ Նիկոլ Փաշինյանի հայտարարությունը, որը նա արեց հոկտեմբերի 15-ին ԱՊՀ երկրների ղեկավարների խորհրդի նիստում` հերթական անգամ ընդգծելով, որ Հայաստանը գերիների դիմաց պատրաստ է Ադրբեջանին փոխանցել ականապատ դաշտերի քարտեզները։Քեռյանը չբացառեց նաև, որ գերիներին վերադարձրել են ռուսական խաղաղապահ զորակազմի նախկին հրամանատար գեներալ Ռուստամ Մուրադովի միջնորդական գործունեության շնորհիվ. դա արվում է տարածաշրջանային հաղորդակցությունների ապաշրջափակման հարցով Հայաստանի, Ռուսաստանի և Ադրբեջանի եռակողմ հանձնաժողովի աշխատանքն աշխուժացնելու նպատակով։Մեկ այլ տարբերակ էլ կա` Բաքուն «բարի կամքի» ժեստ է արել իրեն մարդասիրական կողմից դրսևորելու համար։Ռուսաստանի Ռազմավարական հետազոտությունների ինստիտուտի առաջատար գիտաշխատող Կոնստանտին Տասիցն էլ Sputnik Արմենիայի հետ զրույցում հորդորեց գերինների վերադարձը չդիտարկել զուտ փոխանակման գործընթացի տրամաբանության համատեքստում։«Դրան պետք է դրական վերաբերվել։ Հայ հասարակության համար ցավոտ հարցերից մեկն այն է, որ պատերազմից հետո Ադրբեջանում պահվող անձինք կան», – ասաց նա։«Հայ գերիների վերադարձի գործընթացը պետք է շարունակվի». Իվան ԿորչոկՏասիցի խոսքով` շարունակվող բանակցությունները հույս են տալիս, որ գերիների հարցը վերջնական լուծում կստանա։ Փորձագետը կարծում է, որ այդ քայլը պետք է ողջունել, քանի որ վերջին հաշվով կարող է նպաստել հարաբերությունների կարգավորմանն ու ավելի բարդ հարցերի լուծմանը։Ըստ նրա` երկու կողմն էլ խուսափում են մեծ զիջումներից, քանի որ Հայաստանի ու Ադրբեջանի միջև դեռ պահպանվում է լարվածությունը, անվստահության բարձր մակարդակը։Նա նաև ընդգծեց, որ Բաքուն հետաքրքրված է իր համար առավել շահավետ կոնֆիգուրացիայով, սակայն Հայաստանին որևէ մեկը չի կարող ստիպել զիջումների գնալ կամ համաձայնել փոխզիջումային լուծումների տարբերակների։Հիշեցնենք` հայ գերիների առաջին մեծ խումբը Երևան վերադարձավ 2020 թվականի դեկտեմբերի 15-ին։ Պատերազմի ավարտից հետո Բաքուն Հայաստանին 113 հոգու է փոխանցել։Իտալիայի խորհրդարանում ներկայացվել են ապացույցներ հայ գերիների խոշտանգումների մասին

https://arm.sputniknews.ru/20211020/karavarutjuny-teghjak-er-5-gerii-veradardzi-masin-pashinjani-ognakani-pataskhany-34484654.html

https://arm.sputniknews.ru/20211019/baqvic-erevan-veradardzats-haj-gerineri-lusankarnery-34462248.html

https://arm.sputniknews.ru/20211020/hh-mip-i-nerkajacucichnern-ajcelel-en-gerutjunic-erek-veradardzats-tghanerin-34484139.html

ադրբեջան

2021

Լուրեր

am_HY

հայաստան, ադրբեջան, գերի, գարիկ քեռյան