https://arm.sputniknews.ru/20211020/adrbejanakan-zoravarzhutyunnery--mesij-en-voch-miayn-hhi-ayl-naev-rdi-hamar-margaryan-34498487.html

Ադրբեջանական զորավարժությունները մեսիջ են ոչ միայն ՀՀ–ի, այլ նաև ՌԴ–ի համար. Մարգարյան

Ադրբեջանական զորավարժությունները մեսիջ են ոչ միայն ՀՀ–ի, այլ նաև ՌԴ–ի համար. Մարգարյան

Sputnik Արմենիա

Ռազմաքաղաքական փորձագետ Արմինե Մարգարյանը Sputnik Արմենիայի հետ զրույցում նշել է, որ որքան Ադրբեջանը փորձում է տարածաշրջանում սրել իրավիճակը... 20.10.2021, Sputnik Արմենիա

2021-10-20T19:26+0400

2021-10-20T19:26+0400

2021-10-21T10:40+0400

ռադիո

արցախ

թուրքիա

ադրբեջան

զորավարժություններ

արցախի պաշտպանության բանակ (պբ)

լաչինի միջանցք

արցախյան պատերազմ

խաղաղապահներն արցախում

https://cdn.am.sputniknews.ru/img/07e5/0a/14/34490851_0:35:1251:738_1920x0_80_0_0_7461a7e6cce2c8c4e9f482adafd507f6.jpg

Արցախի Քաշաթաղի շրջանում ադրբեջանական բանակի զորավարժությունները պետք է դիտարկել Փաշինյան-Պուտին հանդիպման արդյունքներից Ադրբեջանի խիստ դժգոհ լինելու հանգամանքով։ Sputnik Արմենիայի հետ զրույցում նման կարծիք հայտնեց ռազմաքաղաքական փորձագետ Արմինե Մարգարյանը։Մարգարյանի կարծիքով` զորավարժությունները նաև որոշակի մեսիջ են ոչ միայն Հայաստանի, այլ նաև Ռուսաստանի նկատմամբ։ Սակայն, ըստ Մարգարյանի, որքան Ադրբեջանը փորձում է տարածաշրջանում սրել իրավիճակը զորավարժությունների տեսքով, այնքան ռուսական և հայկական շահերը դառնում են առավել համահունչ։«Զորավարժություններով, ռազմական ագրեսիայի փորձերով Ադրբեջանը փորձում է իր ներքին լսարանին հանգստացնել և տպավորություն ստեղծել, որ վերահսկում է իրավիճակը, որ կարողանում է հետևողականորեն գնալ արցախյան երկրորդ պատերազմի արդյունքներն իր համար կապիտալիզացնելու ուղղությամբ։ Սակայն Ռուսաստանը և Հայաստանը պետք է չշեղվեն իրենց օրակարգերից, կարելի է ասել` նաև իրենց համատեղ օրակարգից և հետևողական գնան այդ օրակարգերը սպասարկելու ուղղությամբ»,- ընդգծեց փորձագետը։Նրա խոսքով` ադրբեջանական խաղաղասիրական լոզունգներն էլ ձևական բնույթ են կրում. պաշտոնական Բաքուն դրանք առաջ է մղում բոլոր այն դեպքերում, երբ իրեն է ձեռնտու, միաժամանակ չի հրաժարվում տարածաշրջանում` մասնավորապես Արցախում և հայ-ադրբեջանական սահմանին լարվածությունը պահպանելու քաղաքականությունից։«Ադրբեջանը միտում ունի անընդհատ տարածաշրջանը պահել թեժ վիճակում, անընդհատ փորձում է հիշեցնել, որ Արցախն իր տարածքն է, և որ Արցախում ռուս խաղաղապահները ժամանակավոր երևույթ են»,-նշեց Մարգարյանը։Նշենք, որ երեկ ադրբեջանական լրատվամիջոցները գրում էին, որ ադրբեջանական բանակը զորավարժություններ է անցկացնում Արցախի Քաշաթաղի շրջանում, որն անցել է Բաքվի վերահսկողության տակ 44-օրյա պատերազմից հետո:Այդ տարածքով, ինչպես հայտնի է, անցնում է Լաչինի միջանցքը, որը Հայաստանը կապում է Արցախի հետ։Ինչպես հաղորդել են տեղական ԶԼՄ-ները, վկայակոչելով պաշտպանության նախարարությանը, հրամանատարա–շտաբային զորավարժություններն անցկացվում են կապի և տեղանքում կողմնորոշվելու տարատեսակ միջոցների լայնամասշտաբ կիրառմամբ։Հիշեցնենք, որ սեպտեմբերի սկզբին Լաչինի մոտ թուրք-ադրբեջանական համատեղ զորավարժություններ էին անցկացվում։Դրանք ԼՂ հակամարտության գոտում Թուրքիայի և Ադրբեջանի առաջին համատեղ զորավարժություններն էին։

https://arm.sputniknews.ru/20211005/turqian-pataskhanum-e-iranin-hajastani-sahmani-mot-anckacvogh-zoravarzhutjunnerov-33975371.html

https://arm.sputniknews.ru/20211001/adrbejani-het-sahmanin-anckacvvogh-iranakan-zvoravarzhutjunnery-meknarkel-en-33833986.html

թուրքիա

ադրբեջան

լաչինի միջանցք

2021

Լուրեր

am_HY

արցախ, թուրքիա, ադրբեջան, զորավարժություններ, արցախի պաշտպանության բանակ (պբ), լաչինի միջանցք, արցախյան պատերազմ, խաղաղապահներն արցախում