https://arm.sputniknews.ru/20211014/40-ic-avel-zinvats-vostikanner-u-sarsapats-erekhaner-mipyaghmkaharujc-tesanjuti-hetqervov-34304488.html

40-ից ավել զինված ոստիկաններ ու սարսափած երեխաներ. ՄԻՊ–ը` աղմկահարույց տեսանյութի հետքերով

40-ից ավել զինված ոստիկաններ ու սարսափած երեխաներ. ՄԻՊ–ը` աղմկահարույց տեսանյութի հետքերով

Sputnik Արմենիա

Փաստաբանի պնդմամբ՝ Երևանի քաղաքապետարանի որոշ աշխատակիցներ եղել են ոգելից խմիչքի ազդեցության ներքո այն աստիճան, որ ակնհայտ է զգացվել պահվածքից ու ալկոհոլի... 14.10.2021, Sputnik Արմենիա

2021-10-14T22:02+0400

2021-10-14T22:02+0400

2021-10-14T22:16+0400

հհ միպ

երեխա

ոստիկան

ապօրինի շինություն

https://cdn.am.sputniknews.ru/img/07e5/06/14/27991428_0:103:1000:666_1920x0_80_0_0_6eb325786db2b09ee91fe4e4bccc3563.jpg

ԵՐԵՎԱՆ, 14 հոկտեմբերի – Sputnik. ՀՀ մարդու իրավունքների պաշտպան Արման Թաթոյանը դատապարտել է Երևանի Կուրղինյան 3/15 հասցեում 3 մանկահասակ երեխաների ներկայությամբ քաղաքացի Վազգեն Ռաֆայելյանին` երեխաների հորը, ոստիկանների կողմից բռնի ուժով բերման ենթարկելը։ Որտեղ են թաքնված մարդկանց բռնի ուժով ոստիկանական բաժանմունքներ տանելու դեպքերի ակունքներըԵրեկվանից սոցցանցերի հայկական տիրույթում օգտատերերերը մի տեսանյութ են տարածում, որում երևում է, թե ինչպես են ոստիկանները Ռաֆայելյանին տապալելով գետնին բերման ենթարկում և ինչպես են այդ ընթացքում նրա երեխաները լալիս։ Ինչպես հայտնում են ՀՀ մարդու իրավունքների գրասենյակից, տեսանյութերի հրապարակումից անմիջապես հետո՝ երեկոյան, Մարդու իրավունքների պաշտպանի հանձնարարությամբ, կապ է հաստատվել Ռաֆայելյանի փաստաբանի հետ: Փաստաբանը տեղեկացրել է, որ մի քանի տասնյակ, այդ թվում՝ զինված ոստիկաններ իր վստահորդների նկատմամբ գործադրել են բռնի ուժ, թույլ են տվել երեխաների իրավունքների կոպիտ խախտումներ: Այսօր առավոտյան փաստաբանը նոր ահազանգով հայտնել է, որ երեկ տեղի ունեցած միջադեպից հետո 5-ամյա տղայի ինքնազգացողությունը վատացել է, գիշերը երեխան մի քանի անգամ փսխել է և շտապօգնության մեքենայով նրան տեղափոխել են «Սուրբ Աստվածամայր» բժշկական կենտրոն: Երեխային ցուցաբերվել է անհրաժեշտ բուժօգնություն, այդ թվում՝ ներարկում: Այնուհետև, երեխայի ինքնազգացողությունը լավացել է: Հոսպիտալացման կամ հետագա բուժման ցուցում առկա չի եղել: Ոստիկանների արարքների հետ կապված պարզվել է, որ 3 մանկահասակ երեխաներին հատկապես վախեցրել է այն, որ մեծ թվով ոստիկաններ են եկել իրենց տուն, նրանց մի մասը եղել է զինված (զենքերն ակնհայտ նկատելի են եղել երեխաների համար) և քաշքշելով, հարվածելով տարել են իրենց հորն ու մորեղբորը, քանդել են իրենց տունը: Երեխաներից ամենափորքը (5 տարեկան) գտնվել է հոր գրկում, երբ ոստիկանները կոպիտ քաշքշելով՝ երեխային հարկադրաբար իջեցրել են հոր գրկից և դուրս տարել տնից, հետո քաշքշելով՝ տարել են հորը, իսկ երեխան սկսել է լաց լինել: Այնուհետև, ոստիկաններն տնից քաշքշելով դուրս են հանել 10 և 13 տարեկան աղջիկներին, որոնք ևս անընդհատ լաց են եղել: «Մենք հայ ենք». ոստիկանները բռնի ուժով մարդկանց հանում են Ազատության հրապարակից. տեսանյութ Մարդու իրավունքների պաշտպանը շեշտում է, որ երեխաների հետ որևէ աշխատանք չի տարվել, որևէ աջակցություն չի ցուցաբերվել, երեխաների շահերի ապահովման որևէ քայլ չի արվել: Նշվում է, որ երեխաների իրավունքների, նրանց շահերի տեսանկյունից հատկապես դատապարտելի է երեխաների ներկայությամբ ապամոնտաժման աշխատանքների իրականացումն այն էլ նման լարված մթնոլորտում, ինչպես նաև ոստիկանների նման կոպիտ վերաբերմունքը, երեխաների ներկայությամբ բռնության գործադրումն իրենց հոր նկատմամբ: Ոստիկանները չեն չեզոքացրել երեխաների համար վտանգները. երեխաներին տնից դուրս հանելուց հետո 5-ամյա երեխան կրկին վազել և մուտք է գործել շինություն, որը տվյալ պահին նախատեսում էին ապամոնտաժել: Նման իրավիճակը լուրջ ռիսկեր ունի ոչ միայն երեխաների հոգեբանական վիճակի, այլ նաև ֆիզիկական առողջության համար: «Երեխաների հորը քաշքշելով բերման ենթարկելիս վերջինս, լսելով երեխաների լացը, խնդրել է իրեն թույլատրել մոտենալ և հանգստացնել նրանց, քանի որ երեխաները տվյալ պահին եղել են միայնակ, սակայն ոստիկանները չեն թույլատրել: Սա հատկապես դատապարտելի արարք է: Արդյունքում՝ հոգեբանական ծանր վիճակում գտնվող երեխաները շինության մոտակայքում կանգնած հետևել են ապամոնտաժման ամբողջ գործընթացին»,–նշված է հաղորդագրության մեջ: Ոստիկանություն բերման ենթարկված քաղաքացին նշել է, որ իր երեխաները հատկապես վախեցել են բազմաքանակ՝ մի մասը զինված, 40-ից ավել ոստիկանների ներկայությունից: Ինքը՝ ձերբակալված քաղաքացին, հայտնել է, որ Ոստիկանության ծառայողներն իր ձեռքերը ոլորելով և քարշ տալով իրեն տարել են դեպի ոստիկանական մեքենան, որի ընթացքում պառկեցրել են գետնին և հարվածել: Իր ձեռքերին առկա են քերծվածքներ, իսկ մեջքի և կողերի հատվածում մինչ այժմ ցավ է զգում: Բացի այդ, քաղաքացու պնդմամբ՝ բռնություն է գործադրվել նաև իր կնոջ եղբոր նկատմամբ: Նույնը նշել են նաև երեխաները: Վանաձորում վարորդը հայհոյել է և կոտրել ոստիկանության ավագ տեսուչի մատնեմատըՄարդու իրավունքների պաշտպանի աշխատակազմին նաև փոխանցվել են տեղեկություններ, որ Ոստիկանության ծառայողների հետ միասին երեկ նշված հասցե են այցելել նաև Երևանի քաղաքապետարանի աշխատակիցները: Փաստաբանի պնդմամբ՝ Երևանի քաղաքապետարանի որոշ աշխատակիցներ եղել են ոգելից խմիչքի ազդեցության ներքո այն աստիճան, որ ակնհայտ է զգացվել պահվածքից ու ալկոհոլի հոտից: Երեկ ձերբակալված քաղաքացին տեղեկացրել է, որ Ոստիկանության Մալաթիայի բաժանմունքում գտնվել է մոտ 2 ժամ, որի ընթացքում իրեն չեն պարզաբանել բերման ենթարկելու հիմքերը, իր իրավունքներն ու պարտականությունները, միայն վերջում ինչ-որ փաստաթուղթ է ստորագրել, որի բովանդակությանը ծանոթ չէ: Առանձնազրույցների ընթացքում փաստաբանը և քաղաքացին տեղեկացրել են, որ թե՛ Ոստիկանության ծառայողները, թե՛ Երևանի քաղաքապետարանի աշխատակիցները երեխաներից անգամ չեն հետաքրքրվել՝ արդյո՞ք նրանք ունեն բնակվելու այլ վայր: Միաժամանակ, փաստաբանի պնդմամբ, շինության ապամոնտաժմանը նախորդող ժամանակահատվածում, ներկա չեն եղել, օրինակ, ո՛չ հոգեբան, ո՛չ մանկավարժ: Ոստիկանների երեկվա արարքները քննարկվել են ՀՀ ոստիկանության ղեկավար անձնակազմի հետ: Քաղաքացիներին բերման ենթարկելիս, ինչպես նաև երեխաների նկատմամբ ոստիկանների, քաղաքապետարանի արարքների առնչությամբ Մարդու իրավունքների պաշտպանի աշխատակազմից գրություններ կհասցեագրվեն ոստիկանություն, Երևանի քաղաքապետարան, ինչպես նաև քննչական մարմիններին: Հիշեցնենք, որ կատարվածի վերաբերյալ պարզաբանում է տարածել ՀՀ գլխավոր դատախազության մամուլի ծառայությունը։

https://arm.sputniknews.ru/20211014/3-amja-erekhajin-cncumnerov-teghapokhel-en-hivandanoc-inchi-hamar-en-vostikannery-brni-uzh-kirarel----34288337.html

https://arm.sputniknews.ru/20210929/inch-e-kareli-ev-inch-chi-kareli-karmir-beretavvornerin-kam-pashinjani-orvoq-vochinch-chi-pvokhvel-33719321.html

https://arm.sputniknews.ru/20211002/makuncy-vostikanutjun-e-kanchel-amnum-eritasard-hjd-akanneri-boghvoqi-akcian-crelu-hamar-33869974.html

2021

Լուրեր

am_HY

հհ միպ, երեխա, ոստիկան, ապօրինի շինություն