https://arm.sputniknews.ru/20211014/3-amja-erekhajin-cncumnerov-teghapokhel-en-hivandanoc-inchi-hamar-en-vostikannery-brni-uzh-kirarel----34288337.html

5-ամյա երեխային տեղափոխել են հիվանդանոց. ինչի՞ համար են ոստիկանները բռնի ուժ կիրառել

5-ամյա երեխային տեղափոխել են հիվանդանոց. ինչի՞ համար են ոստիկանները բռնի ուժ կիրառել

Sputnik Արմենիա

Փաստաբանի խոսքով` շինության քանդման որոշումը վիճարկելու են Վարչական դատարանում, իսկ ոստիկանների բռնի գործողությունների դեպքով հաղորդում են ներկայացրել ՀՔԾ։ 14.10.2021, Sputnik Արմենիա

2021-10-14T16:15+0400

2021-10-14T16:15+0400

2021-10-14T21:44+0400

երեխա

տեսանյութ

երևան

ոստիկան

https://cdn.am.sputniknews.ru/img/07e5/02/14/26522673_0:0:1600:901_1920x0_80_0_0_51fdbd54303ebdaec4d26280d2a2d94b.jpg

ԵՐԵՎԱՆ, 14 հոկտեմբերի – Sputnik. Երեկվանից սոցցանցերի հայկական տիրույթում օգտատերերերը մի տեսանյութ են տարածում, որում երևում է, թե ինչպես են ոստիկանները Երևանի Կուրղինյան 3/15 հասցեում 3 մանկահասակ երեխաների ներկայությամբ քաղաքացի Վազգեն Ռաֆայելյանին` երեխաների հորը, բռնի ուժով բերման ենթարկում`նրան տապալելով գետնին։Կատարվածի վերաբերյալ պարզաբանում է տարածել ՀՀ գլխավոր դատախազության մամուլի ծառայությունը։ Նշվում է, որ դատախազությունում իրականացվող ԶԼՄ և սուցիալական ցանցերի մշտադիտարկման արդյունքում տեսանյութը ֆիքսվել է: «Այն ուղարկվում է ՀՀ հատուկ քննչական ծառայություն՝ ՀՀ քրեական դատավարության օրենսգրքի 180-րդ (Հանցագործությունների մասին հաղորդումների քննարկման կարգը) և 181-րդ հոդվածներով (Հանցագործությունների մասին հաղորդումների քննարկման արդյունքում ընդունվող որոշումները) սահմանված կարգով նյութեր նախապատրաստելու, քրեական վարույթի շրջանակներում տեսանյութում երևացող հանգամանքները, ինչպես նաև ոստիկանների գործողությունների իրավաչափությունը և համաչափությունը պարզելու, իրավական գնահատականներ տալու նպատակով»,-նշված է հաղորդագրության մեջ: Որտեղ են թաքնված մարդկանց բռնի ուժով ոստիկանական բաժանմունքներ տանելու դեպքերի ակունքներըՎազգեն Ռաֆայելյանի փաստաբան Հասմիկ Մարտիրոսյանը Sputnik Արմենիային տեղեկացրեց, որ ոստիկանների նման գործողությունների պատճառն այն է, որ Ռաֆայելյանը ինքնակամ կառույց է կառուցել։ Նրա խոսքով`դատարանի բոլոր որոշումները կան, կա հարուցված գործ այդ կառույցի օրինականացման վերաբերյալ։ Քանդման որոշումը ևս վիճարկված էր։ «Մոտենում են երեկվա կայացված ինչ-որ որոշմամբ և գործողություններ իրականացնում, մինչդեռ ես որպես փաստաբան՝ հորդորում էի, որ չիրականացնեն գործողություններ, որովհետև օրենքով մենք պաշտպանված ենք, և իրենք գործողություններ կատարելու իրավունք չունեին։ Քաշելով, հայհոյելով, գետնին գցելով, ձեռնաշղթաներ հագցնելով, և այդ բոլորը երեխաների աչքի առաջ, վայրագության հասնող վարքագծով քանդեցին շինությունը։ Այդ ընթացքում երեխաները փախել էին դաշտերի մեջ, չգիտեմ՝ հետո ինչպես են գտել»,–ասաց փաստաբանը։ Նա նշեց, որ դեպքի ականատես 5-ամյա երեխային ցնցումներով տեղափոխել են «Սուրբ Աստվածամայր» ԲԿ։ «Երեխային ցնցումներով տեղափոխել են հիվանդանոց, ներարկում են արել, դեղեր են նշանակել, երեխայի այս վիճակը ոստիկանների գրոհի արդյունքում է եղել։ Բժիշկներն ասում են՝ սթրեսի արդյունք է։ Դիմել ենք նաև հոգեբանի»,- ասաց փաստաբանը։ Մարտիրոսյանը նաև նշեց, որ քանդման այդ որոշումը վիճարկելու են Վարչական դատարանում, իսկ ոստիկանների այդ գործողությունների դեպքով հաղորդում են ներկայացրել ՀՔԾ։

https://arm.sputniknews.ru/20210923/inchpisin-petq-e-lini-hh-vostikanutjuny-pvordzagetnery-uzhajinneri-gvortsvoghutjunneri-masin-33583952.html

երևան

2021

Լուրեր

am_HY

երեխա, տեսանյութ, երևան, ոստիկան