https://arm.sputniknews.ru/20210921/kvorcrecinq-ajn-inchvov-hpartanum-einq-verjin-eresun-tarinerin-robert-qocharjan-33480314.html

Կորցրեցինք այն, ինչով հպարտանում էինք վերջին երեսուն տարիներին. Ռոբերտ Քոչարյան

Կորցրեցինք այն, ինչով հպարտանում էինք վերջին երեսուն տարիներին. Ռոբերտ Քոչարյան

Sputnik Արմենիա

ՀՀ երկրորդ նախագահը, շնորհավորելով Անկախության 30-ամյակը, նշել է, որ մենք ոչ միայն դադարել ենք Արցախի անվտանգության երաշխավորը լինելուց, այլ նաև ի վիճակի չենք... 21.09.2021, Sputnik Արմենիա

2021-09-21T10:40+0400

2021-09-21T10:40+0400

2021-09-21T10:43+0400

հայաստան

ուղերձ

անկախության օր

արցախյան պատերազմ

նախագահ

https://cdn.am.sputniknews.ru/img/07e5/01/1b/26246799_0:0:1280:720_1920x0_80_0_0_6b248a20b96352b5bbca817109373e9e.jpg

ԵՐԵՎԱՆ, 21 սեպտեմբերի – Sputnik. Անկախության տոնն առաջին անգամ ենք դիմավորում ծրագրված ծանր պարտությունից, տարածքային կորուստներից, մեր ինքնիշխանությունը մասնակի կորցնելուց և հազարավոր ճակատագրերի խեղվելուց հետո։ Անկախության 30-ամյակի իր ուղերձում այս միտքն է շեշտել ՀՀ երկրորդ նախագահ Ռոբերտ Քոչարյանը։ՀՀ երկրորդ նախագահի խոսքով` այսօր մենք ոչ միայն դադարել ենք Արցախի անվտանգության երաշխավորը լինելուց, այլ նաև ի վիճակի չենք պաշտպանել սեփական ինքնիշխանությունը և մեր քաղաքացիներին։ Ըստ նրա` կորցրեցինք այն, ինչով հպարտանում էինք վերջին երեսուն տարիներին, և ինչը երկրին ուժ և աշխարհաքաղաքական արժեք էր տալիս։Քոչարյանը նշում է` պետությունները կառուցվում են ազգային վերելքի շնորհիվ և հենվում ազգային միասնության վրա։ Սակայն, ըստ նրա, պարտությունը և դա խորհրդանշող իշխանությունները չեն կարող ներշնչանքի և արարման աղբյուր լինել։Երկրորդ նախագահն իր խոսքն ամփոփել է` ասելով, որ ուզում է հույս և վստահություն հայտնել, որ ազգն իր մեջ ուժ կգտնի ձերբազատվելու այն իշխանությունից, որն ազգային աղետի պատճառ դարձավ. ուժեղ և ծաղկող Հայաստան կառուցելու այլ ճանապարհ, նրա խոսքով, պարզապես չկա։Հիշեցնենք, որ այսօր` սեպտեմբերի 21–ին, ՀՀ–ն նշում է Անկախության 30–ամյա հոբելյանը։1991 թվականի սեպտեմբերի 21-ին Հայաստանում անցկացվեց հանրաքվե, և մասնակիցների ճնշող մեծամասնությունը (99%) արտահայտվեց անկախ պետականություն կերտելու օգտին։Քվեարկությանը մասնակցեց ընտրելու իրավունք ունեցող քաղաքացիների մոտ 95 տոկոսը։ Երկու օր անց՝ 1991 թվականի սեպտեմբերի 23-ին, Հայաստանի Գերագույն խորհուրդը հաստատեց ԽՍՀՄ կազմից հանրապետության դուրս գալու որոշումը։

https://arm.sputniknews.ru/20210921/chpetq-e-tujl-tanq-vor-ancjaly-kashkandi-mez-araj-qajlel-hh-nakhagahi-ugherdzy-tvoni-artiv-33478476.html

https://arm.sputniknews.ru/20210921/ete-ches-pajqarum-martahraverneri-dem-mi-or-kkorcnes-ankakhutjuny-aram-manukjan-33463083.html

2021

Լուրեր

am_HY

հայաստան, ուղերձ, անկախության օր, արցախյան պատերազմ, նախագահ