https://arm.sputniknews.ru/20210921/chpetq-e-tujl-tanq-vor-ancjaly-kashkandi-mez-araj-qajlel-hh-nakhagahi-ugherdzy-tvoni-artiv-33478476.html

Չպետք է թույլ տանք, որ անցյալը կաշկանդի մեզ առաջ քայլել. ՀՀ նախագահի ուղերձը տոնի առթիվ

Չպետք է թույլ տանք, որ անցյալը կաշկանդի մեզ առաջ քայլել. ՀՀ նախագահի ուղերձը տոնի առթիվ

Sputnik Արմենիա

ՀՀ նախագահը նշել է, որ 30 տարվա ընթացքում տարբեր օբյեկտիվ և սուբյեկտիվ պատճառներով չենք կարողացել լիարժեք իրացնել անկախության ընձեռած հնարավորությունը, չենք... 21.09.2021, Sputnik Արմենիա

2021-09-21T09:55+0400

2021-09-21T09:55+0400

2021-09-21T10:17+0400

հայաստան

արմեն սարգսյան

ուղերձ

անկախության օր

նախագահ

արցախյան պատերազմ

https://cdn.am.sputniknews.ru/img/07e5/08/02/28515420_0:0:1600:901_1920x0_80_0_0_7a25d8922e38956be6482d20201a78dd.jpg

Չպետք է թույլ տանք, որ անցյալը կաշկանդի մեզ առաջ քայլել։ Պետք է կարողանանք գլուխներս բարձր և մեջքներս ուղղած դուրս գալ ստեղծված իրավիճակից և շարժվել առաջ։ Անկախության 30-ամյակին նվիրված իր ուղերձում այս մասին ասել է ՀՀ նախագահ Արմեն Սարգսյանը։«ՀՀ անկախության հռչակման 30-ամյակը լրանում է բարդ ու ճգնաժամային իրավիճակում, երբ առկա են բազում խնդիրներ ու մարտահրավերներ: Լրանում է աղետաբեր պատերազմի տարելիցի նախօրյակին, հազարավոր երիտասարդների կորստի ցավի, գերության կամ անհայտության մեջ գտնվող մեր հայրենակիցների անորոշ ճակատագրերի, մեր հոգու և մարմնի չսպիացող վերքերի, ընդհատված երազանքների պայմաններում»,–ասվում է նախագահի ուղերձում։Սարգսյանը նկատում է, որ ոչ ոք մեզ անկախությունը չնվիրեց` մենք ինքներս ձգտեցինք, պայքարեցինք և հասանք: Սակայն, ըստ նրա, 30 տարվա ընթացքում տարբեր օբյեկտիվ և սուբյեկտիվ պատճառներով չենք կարողացել լիարժեք իրացնել անկախության ընձեռած հնարավորությունը, չենք կարողացել զարգացնել հաղթանակն ու հաջողությունը:ՀՀ նախագահը շեշտում է` մեր հայրենիքի կարևորագույն խնդիրը մնում է և դեռ երկար ժամանակ լինելու է ազգային անվտանգությունը։ Մենք պարտավոր ենք ամեն ինչ անել մեր անվտանգության համակարգն ամրապնդելու համար: Առանց ուժեղ անվտանգության համակարգի, Սարգսյանի համոզմամբ, չի կարող լինել ո՛չ զարգացում, ո՛չ էլ առաջընթաց:Նրա խոսքով` անհրաժեշտ է գիտակցում, որ դժվարությունները ժամանակավոր են, և մենք կարող ենք դրանք հաղթահարել: Բացի այդ, անհրաժեշտ է իրատեսություն, իրականության վերարժևորում. վերամեկնարկի կարիք ունի ոչ միայն պետությունը, այլև պետականության մեր զգացողությունը, այն կորցնելու հնարավոր վտանգի հետևանքների գիտակցումը:Սարգսյանը նշում է, որ պատմությունը հիշում է թե՛ պարտությունները, թե՛ հաղթանակները: Պետք է կարողանանք որպես պետություն, որպես ժողովուրդ, որպես հասարակություն ապրել այնպես, որ պատմությանը պարտադրենք մեր մասին վկայել միայն ձեռքբերումների և հաղթանակների միջոցով:Հիշեցնենք, որ այսօր` սեպտեմբերի 21–ին, ՀՀ–ն նշում է Անկախության 30–ամյա հոբելյանը։ 1991 թվականի սեպտեմբերի 21-ին Հայաստանում անցկացվեց հանրաքվե, և մասնակիցների ճնշող մեծամասնությունը (99%) արտահայտվեց անկախ պետականություն կերտելու օգտին։ Քվեարկությանը մասնակցեց ընտրելու իրավունք ունեցող քաղաքացիների մոտ 95 տոկոսը։ Երկու օր անց՝ 1991 թվականի սեպտեմբերի 23-ին, Հայաստանի Գերագույն խորհուրդը հաստատեց ԽՍՀՄ կազմից հանրապետության դուրս գալու որոշումը։

https://arm.sputniknews.ru/20210921/ete-ches-pajqarum-martahraverneri-dem-mi-or-kkorcnes-ankakhutjuny-aram-manukjan-33463083.html

https://arm.sputniknews.ru/20210921/vostikannery-erabluric-heracrin-zvohvats-zintsarajvoghi-hvory-33477767.html

2021

Լուրեր

am_HY

հայաստան, արմեն սարգսյան, ուղերձ, անկախության օր, նախագահ, արցախյան պատերազմ