https://arm.sputniknews.ru/20210902/arcax-ankaxutyan-or-28872240.html

Նոր իրողություն, նոր սպառնալիքներ. ի՞նչ ունի Արցախն իր 30–ամյա հոբելյանին

Նոր իրողություն, նոր սպառնալիքներ. ի՞նչ ունի Արցախն իր 30–ամյա հոբելյանին

Sputnik Արմենիա

44-օրյա պատերազմի արդյունքները բոլորովին նոր օրակարգ ձևավորեցին և նոր մարտահրավերներ ստեղծեցին։ Հակամարտությունը նոր մասշտաբներ և նոր ձևաչափ է ստացել։ Հայկական... 02.09.2021, Sputnik Արմենիա

2021-09-02T20:34+0400

2021-09-02T20:34+0400

2021-09-02T20:36+0400

արցախ

անկախություն

անկախության օր

տոն

https://cdn.am.sputniknews.ru/img/07e5/04/0f/27190618_0:0:1200:676_1920x0_80_0_0_84d16e5bf406a2837a6c40e889ab2e99.jpg

ԵՐԵՎԱՆ, 2 սեպտեմբերի – Sputnik. Արցախի անկախության հռչակման 30-ամյա հոբելյանը հակամարտության էությունը ևս մեկ անգամ վերլուծելու և վերաիմաստավորելու, սխալներն ու ձախողումները հասկանալու և ինչպես բուն Արցախի, այնպես էլ Հայաստանի Հանրապետության առջև ծառացած ընթացիկ և ապագա մարտահրավերները նախանշելու ևս մեկ առիթ է:Հանդիսավոր օրն այս տարի մթագնում են 44-օրյա պատերազմի հետևանքները՝ մարդկային զոհերը, տարածքների մի մասի կորուստը, սոցիալական խնդիրները, բնակիչների ֆիզիկական անվտանգության խնդիրները: Միաժամանակ անհնար է չնկատել, որ քաղաքական գործիչները փորձում են հիշարժան ամսաթիվն օգտագործել ներքին «գզվռտոցների» և հարաբերություններ պարզելու համար։ Նախկին իշխանությունները ներկայիս իշխանությունների մեղադրում են Արցախի շահերին դավաճանելու մեջ, իսկ գործողները չեն շտապում քավության նոխազ դառնալ։ Եվ մեղադրանքների այս անվերջ հեղեղում երբեմն դժվար է նշմարել օբյեկտիվ իրականության ուրվագծերը։Քաղաքագետ Նորայր Դունամալյանը կարծում է, որ այսօրվա իրավիճակին հանգեցրել է Հայաստանի իշխանությունների գործողությունների և մոտեցումների ամբողջությունը։ Հայկական կողմին այդպես է չհաջողվեց Արցախի հարցում հստակ ռազմավարական գիծ մշակել և ամրապնդել։Փորձագետի խոսքով` ի լրումն այդ ամենի՝ դեռևս 90-ականներին հանրության գիտակցության մեջ որոշակի բաժանիչ գծեր էին ձևավորել Հայաստանի և Արցախի միջև, օտարացում էր տեղի ունեցել, պայմանական բաժանում «հայաստանցիների» և «ղարաբաղցիների»։ Դա, անկասկած, լրացուցիչ խոչընդոտներ ու խնդիրներ էր ստեղծում լիարժեք ինտեգրման, միասնական քաղաքական, մտավոր և սոցիալ-հոգեբանական տարածքի ստեղծման համար։«Այսօր Լեռնային Ղարաբաղը բոլորովին այլ իրողությունների է բախվում՝ աշխարհաքաղաքական, ռազմական։ Այստեղ մենք գործ ունենք Ռուսաստանի, Թուրքիայի, Իրանի և այլ գործոնների հետ։ Մենք պետք է հետագա ռազմավարություն մշակենք՝ այդ բոլոր գործոնները հաշվի առնելով։ Եվ ընթացիկ սպառնալիքները տվյալ դեպքում պետք է միավորող դեր խաղան մեզ համար»,-կարծում է Դունամալյանը։Քաղաքագետի խոսքով` որքան էլ առանձին քաղաքական գործիչներ Երևանում և մյուս մայրաքաղաքներում ձգտեն Արցախը «մեկուսացնել» Հայաստանից, ակնհայտ է, որ դա միասնական աշխարհաքաղաքական ամբողջություն է. Հայաստանն ու ԼՂՀ-ն անվտանգության ընդհանուր տարածք և ընդհանուր սպառնալիքներ ունեն։Ճիշտ է, ընթացիկ կոնյունկտուրան փոքր-ինչ թուլացրեց Երևանի և Ստեփանակերտի միջև օրգանական կապը։ Այս մասին է վկայում թեկուզ այն, որ Ստեփանակերտում կայացած հանդիսություններին ներկա չեն ո՛չ Հայաստանի նախագահը, ո՛չ վարչապետը, ո՛չ էլ խորհրդարանի խոսնակը. սա իսկապես հազվագյուտ երևույթ է։44–օրյա պատերազմը չհասավ իր նպատակին. ՀՀ նախագահը և վարչապետը շնորհավորել են Արցախի տոնըԱրցախ է մեկնել միայն իշխող «Քաղաքացիական պայմանագիր» և ընդդիմադիր կուսակցությունների ներկայացուցիչներից բաղկացած խորհրդարանական հանձնաժողովը։ Իշխող խմբակցության պատվիրակությունը գլխավորում է ԱԺ փոխնախագահ Ռուբեն Ռուբինյանը:Դունամալյանն անժխտելի խնդիր է համարում Հայաստանի իշխանությունների նման վերաբերմունքը։ Բայց միևնույն ժամանակ պետք է հասկանալ, թե արցախցիների համար արդյո՞ք ցանկալի կլիներ նույն Նիկոլ Փաշինյանի ներկայությունը։Դա զուտ գործնական, կենցաղային պահն է։ Բայց կա նաև քաղաքական բաղադրիչը։ Փորձագետի կարծիքով` ակնհայտ է, որ Հայաստանի և Ադրբեջանի միջև բանակցություններ են ընթանում, որքան էլ կողմերը ժխտեն` ինչ-որ գործընթաց, այնուամենայնիվ, նկատվում է, օրինակ, հաղորդակցությունների ապաշրջափակման գծով աշխատանքային խմբի գործունեությունը փոխվարչապետների մակարդակով:Եվ ով էլ որ լիներ Հայաստանում իշխանության ղեկին, չէր կարողանալու անտեսել այդ հանգամանքը։ Կարևոր պահ է նաև Լեռնային Ղարաբաղում ռուս խաղաղապահների ներկայությունը։ Դա մի կողմից բնակչության անվտանգության երաշխիք է, մյուս կողմից՝ աշխարհաքաղաքական այլ միջավայր։ Այս պայմաններում իրավիճակի լրացուցիչ սրումը որևէ մեկին ձեռնտու չէ և ոչ մեկին պետք չէ։Հայաստանի իշխանությունները չեն կարող ուղիղ տեքստով խոսել այդ մասին, ինչի դրդապատճառները դժվար չէ հասկանալ։Հաշվի առնելով արցախյան հիմնախնդրի որոշակի «վերաֆորմատավորումը», բազմաթիվ գործող անձանց ներգրավումը, իրադարձությունների հետագա զարգացումը կախված է ոչ միայն հենց հակամարտության կողմերից, այլ նաև ուժերի գլոբալ փոխդասավորությունից։Կառավարության ծրագրում չկա «Արցախի Հանրապետություն» եզրույթը. Տիգրան Աբրահամյան

https://arm.sputniknews.ru/20210902/amen-inch-anhet-jorac-che-arcaxi-temi-arajnord-koch-e-anum-hargel-nahatakneri-patgam-28866827.html

https://arm.sputniknews.ru/20210902/hhn-pashtpanelu-e-arcaxi-joxovrdi-inqnoroshman-iravunqi-iracum-agn-28863453.html

https://arm.sputniknews.ru/20210901/yerevan-patrast-e-versksel-arcaxi-shurj-banakcutyunner-baqvi-het-hh-artgorcnaxarar-28858648.html

2021

Լուրեր

am_HY

արցախ, անկախություն, անկախության օր, տոն