ԵՐԵՎԱՆ, 17 հունիսի -Sputnik. Հայաստանը կմիանա տեխնիկական կանոնակարգերի վերահսկողության մեխանիզմների վերաբերյալ Եվրասիական միության գործընթացին։ ԵԱՏՄ համապատասխան համաձայնագրի նախագիծն այսօր հավանության է արժանացել ՀՀ կառավարության նիստում։
Համաձայնագրի նախագիծն ապրանքների ու ծառայությունների տեխնիկական կանոնակարգերի կատարման նկատմամբ վերահսկողության ընդհանուր սկզբունքներ է սահմանում։
Այսպիսով` միության երկրների վերահսկողական մարմինները ընդհանուր սկզբունքներով են գործելու։
Ընդհանուր սկզբունքների թվում են՝ սպառողների իրավունքների պաշտպանությունը, պետական վերահսկողության կանոնավորությունը, վերահսկող մարմինների անկախությունը բիզնեսից, պատիժների փոխարինումը նախազգուշացումներով (որտեղ դա հնարավոր է)։
Վերահսկողության մեխանիզմների միավորումից հետո ԵԱՏՄ անդամ երկրները կստեղծեն տվյալների միասնական բազա, որտեղ խախտումների և ընդունված միջոցառումների մասին տեղեկություններ կմուտքագրեն: Դա թույլ կտա ընդհանուր ուժերով հետևել կասկածելի արտադրանքին և անբարեխիղճ գործարարներին։
ԵԱՏՄ-ում կքննարկեն ավիաարդյունաբերության համատեղ կազմակերպման հեռանկարները․ Քամալյան
