ԵՐԵՎԱՆ, 24 ապրիլի – Sputnik. Կոտայքի մարզում այսօր մահվան ելքով վրաերթ է տեղի ունեցել։ Տեղեկությունը հայտնում է shamshyan.com–ը։
Ժամը 15։30-ի սահմանում «Lexus RX 330» մակնիշի ավտոմեքենայի վարորդը Երևան-Սևան ավտոճանապարհի 31.4 կմ-ին՝ Չարենցավանի վարչական տարածքում, դեպի Երևան ընթանալիս վրաերթի է ենթարկել 60-65 տարեկան տղամարդ հետիոտնի։
Վրաերթի ենթարկվածը տեղում մահացել է։
Ավտոմեքենան տեղափոխվել է ոստիկանության Չարենցավանի բաժնի պահպանվող հատուկ տարածք։
Սարդարապատ գյուղի մոտ ավտովթար է տեղի ունեցել. կա զոհ
Դեպքի վայրում հավաքվածներն ասել են, որ վարորդը փախուստի չի դիմել, փորձել է օգնություն ցուցաբերել, սակայն նրա ինքնազգացողությունը վատացել է, և նրան հիվանդանոց են տեղափոխել։
Մինչ այդ, սակայն, վարորդն ինքն է ահազանգել ոստիկանություն, հիվանդանոց, ապա ՃՈ օպերատիվ կառավարման կենտրոն։
Ոստիկանությունն ու քննչական բաժինը պարզում են վարորդի և մահացածի ինքնությունը։
Երևանի Արշակունյաց պողոտայում ավտոմեքենա է պայթել․ կան զոհեր
