ԵՐԵՎԱՆ, 20 դեկտեմբերի - Sputnik. ՀՀ Արտակարգ իրավիճակների նախարարությունը տեղեկացնում է, որ հանրապետության տարածքում կան փակ և դժվարանցանելի ավտոճանապարհներ։ Մասնավորապես, փակ են Արագածոտնի մարզի Ամբերդ ամրոց և Քարի լիճ տանող ավտոճանապարհները։
Ճանապարհներին երթևեկության համար խնդիրներ է ստեղծում նաև մառախուղը. ԱԻՆ հաղորդմամբ՝ մառախուղ է Սարավան-Զանգեր հատվածում, Շիրակի մարզի Գյումրի քաղաքում։
«Գեղարքունիքի մարզի, Սյունիքի մարզի Գորիս-Սիսիան ավտոճանապարհներին, «Մեղրու սար» կոչվող հատվածում տեղ-տեղ առկա է մերկասառույց»,- նշված է հաղորդագրության մեջ։
ԱԻՆ-ը հորդորում է վարորդներին երթևեկել բացառապես ձմեռային անվադողերով։
Ինչ վերաբերում է Ստեփանծմինդա-Լարս ավտոճանապարհին, ապա այն բաց է բոլոր տիպի տրանսպորտային միջոցների համար։
Անհետ կորած համարվող 6 զինծառայողի ողջ են գտել. Արցախի նախագահի ուրախ լուրը
Հիշեցնենք՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Սահմանափակումը չի վերաբերում բեռնափոխադրումներին:
